قصائد جديدة مسندة - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

12-07-2010, 09:47 PM

قال عبدالله بن دهيمش بن عبار العنزي هذه الأبيات يثني على الشيخ محمد بن حجاج محافظ عيون الجواء بالقصيم بمناسبة عودته من الرحلة العلاجية
الخلق فيها انواع واصناف واجناس *** والـكـل مـنهـم بالـفـعـايـل نقيسه
المـدح بالطيّـب مفـاخـر ونـومـاس *** ولا تـرى الخايب بـه المدح خيسه
يستاهل التمجيـد مـن يرفع الـراس *** الـلي الهـواشل في مضيفه منيسه
شروى محـمـد للجـزيـلات هـبّـاس *** مـا وفـر الخـزنـه ولا صـر كـيسـه
ساسه ذهب ما خالطه صفر وانحاس *** كنـز الجواهـر من معادن نفيسه
يالنادر الـلي مخلبـه مثـل الأمـواس *** طيـر السعـد يرمي جزيل الفريسه
نقـول لـك يا صاحب الجـود لابـاس *** دايـم عسى ما تشوف ليلـة تعيسه
رب الملأ يحميك من نظـرة النـاس *** أهل الحسد وأهل القلوب النحيسه
القصر مـا يشمخ جداره بـلا ساس *** والغرس طلعه من مجاني غريسه
طبع الكرم لك ورث والعرق دساس *** وأنتم مقر الطيب يا أهل اللحيسه
تلقا بصيانيهم كمـا تلـول الأطعـاس *** مثل الصوامع في سطوح الكنيسه
من ساس لابـه يـوم للذوّد حـبّـاس *** وقت اللقاء والكون حامي وطيسه
من فوق زرفات الركايب والأفراس *** يثنون يوم السيف تسمع ضريسه

هذه الأبيات مطلع قصيدة مسنده على الصديق حمود بن عنيزان بن ناجم العريفي السبيعي وهي تعبّر عن فحواها :

بسـم الكـريـم مكـوّن الكـون سبّحت *** الخـالـق الـرازق عـزيـز الـجلالـه

أبدأ بذكره كل ما امسيت واصبحـت *** مـا خـاب مخـلـوقٍ عـليـه أتـكـالـه

فيض القوافي خاطـري ينحته نحـت *** وأختار من عذب المعاني اجزاله

سهرت اسامر ساهر اليل ماامرحت *** من حيث فكري كل طاري طرالـه

يا أبـو طـلال بكاتـم السر أنـا بـحت *** وأرسلـت لك يا حمود مني رسالـه

أبشر تراني فزت يا حمود وأفلحت *** والـلي كـلامـه كـذب نـال الـرزالـه

والحمد لـلـه بـيـّن الحـق وأرتـحـت *** والـلي تهيبـل ما عـلي مـن هبالـه

أغضبت خاطر غامط الحق وأفرحت *** صـدر الصديق الـلي يدور العدالـه

كتبت بالإخلاص ياحمود وأنصحت *** والـلي حسد يا حمـود خبثت فـالـه

حيث لنسب عـنـاز يا حمـود نقحّـت *** جـد عنـزة وضحّـت منسب عـيـالـه

بذلت مجهودي وبالصدق صرّحـت *** والـهـرج مـا يـلـفـض بـلـيـا دلالـه

من حيث بسلاح الحقايـق تسلحـت *** ارسي كمـا تـرسي رواسي جبـالـه

أرسي وأشد الراس ما يوم دلبحت *** ولا يخضع ألا الـلي رديـه اعـمالـه

اللي يريد الصدّق بالردن له شحت *** ولاخيـر بـالـلي مـا يصـدّق مـقـالـه

كـان أنـت لكتابي قـريـت وتصفّحت *** تـدرك مـرام أهـل الجهـل والجهالـه

لـمـزّور التـاريخ مـا يـوم سامحـت *** والـلـي يـجـادل مـسـتـعـد بـجـدالـه

مادام عند شخوص ربعي ترشحت *** مـانـي بحـال الـلي اشبـاه الثـعـالـه

مـادام بـوشـاح الفضيلـة تـوشحـت *** مـن دوّر الــزلات مـانـي بـحـالـــه

عن وايـل الويلان يا حمود كافحـت *** يوم ظلموه أهـل الجهل والضلالـه

أنا لنسب عـنـاز يا حمـود وضحـّت *** والأصل ثابت ما على الأصل قالـه

أولاد وايـل هـم سنادي اليـا طحـت *** الـلابـة الـلـي نـفـتخـر فـي افعـالـه

وهذا اللغـز خارج عن نطاق الموضوع سبق نشره منفرد عن القصيدة

واللغـز اللي يا مسندي عنه لمّحـت *** يا مكثر الـلي ما يطيق أحتمـالـه
أنشدك عن عذرا تغذت من السحـت *** تاكل حـرام وتسلب الشخص مـالـه

قداّم دربك واقـفـه ويـن مـا رحـت *** مـعهـا عـلـى كـل الـطـراقـي وكـالـه

ما ظنتي تلطف بحالك ولو صحت *** ماهـي عطـوف ولا تعـرف الجمالـه

من تلمحه في عينها تكحته كحـت *** لـو كـان مـفـلـس مـا تـوفـر ريـالـه
كـان المطيـة بالفيافي لهـا جحـت *** تـشبح خـيـالك وأنـت غـافـل ودالـه

هـد المطيـة كـان بشـدادهـا لـحـت *** خلـك حـذر وامسك زمـام الـزمـالـه