من ذكريات الشيخ سلطان بن راكان رحمه الله - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

10-11-2010, 06:34 AM

الشيخ سلطان بن راكان المرشد رحمه الله أحد أنجال الشيخ راكان شيخ قبيلة السبعة فقيد عنزة فقد كان من الرجال الذين يهمهم أمر القبيلة ويمتاز بالحمية والتواضع وبعد الشوفة والكرم والشجاعة وكذلك شاعر وقبل أيام غيبة الموت رحمه الله وقد تذكّرت المساجلات التي جرت بيني وبينه ومن قصائده رحمه الله هذه القصيدة :
*- قال الشيخ سلطان بن راكان المرشد هذه القصيدة وهي عبارة عن محاورة بينه وبين قـلبه ويسند على عبدالله بن دهيمش بن عبار :
يـا مـل قـلـبٍ كــل مـا قــلــت دالــه *** كـل مـا دلـه يـأتـيـه هـم يـشـيـلـــه
يا قـلـب أصبـر حـط عـندي جمالـه *** طلبـك صعـب ولا لـنـا فـيـه حـيلـه
نبغـي جنـوب الـدار وتـبي شمـالـه *** الهـيـل تـبغـي شـوفـتـه والتـلـيـلـه
شعبـانهـا وأجبـالهـا مـع اسـهـالـه *** فـارقـتـهـا مـا أظـن عـينـك تخـيلـه
تبغـي زمـانـك يـوم دور الجـهـالـه *** صـارت حـلـوم الـيـوم دوّر بـديـلـه
شـرقـي شعـيـب الفـاو ولا حـوالـه *** هـذا نصيـبك وأنـثـبـر بـه طـويـلـه
مطـلبـك صعـب وظنـتي مـا تـنـالـه *** والـلي يخـالـف دوم يحضـر كفيلـه
عنك أختلفت وصرت لأريـاك زالـه *** سميـت حـالـي مـنـك حـالي نحيلـه
زلـيـت عـنـك وسـو دربـك لـحـالـه *** أغـدي بـعـد فـرقـاك هـمـك تـزيلـه
قلبي يا أبـو مشعـل فـتني أعـمالـه *** مدري وش اللي زاد واهس غليله
كـانـه يـريـد المـال مـا عـنـدنـا لـه *** ما أريـد غـيـر الحـال يطلق سبيلـه
بـيني وبـيـن الـقـلب يالـقـرم قـالـه *** أبـي النـتيجـة منـك بـأيـة وسـيـلـه
أدريبـك قصـده عارفـه فـي كمـالـه *** غـيـرك أنـا والقـلـب ما نشتكي لـه
حيثـك فهيـم ومـن رجـال الشكـالـه *** مـا بــيـنـنـا قـالـه ويـمـك نـحـيـلـه
* وقال عبدالله بن دهيمش بن عبار هذه القصيدة رداً على الشيخ سلطان بن راكان المرشد :
سـر يا قلم وأكتب جـواب الرسالـه *** رداً عـلى سلـطـان شيـخ الـقبـيـلـه
قـرم العـيـال الـلي كريمـه أسبـالـه *** مـن يزبنـه وقـت اللـزم ينتخـي لـه
الـوايـلي نـسـل الـذي طـاب فـالــه *** راكان أخـو عشوى سطـام الدبيلـه
يـذكـر زمـانـه بـار بـه مـا صفـالـه *** ويسنـد عـلينا خصومته مع دليلـه
يـا شـيـخ قـلـبــك لا تـدوّر بــدالــه *** خـلـه يـا أبـو فيصـل يلايـع خـليلـه
أن طعـتـني يالـقـرم فـلـّت أحـبـالـه *** هـده عـلى صيـد السمـان الجزيلـه
وتـرى الـديـار الـلي تـمنى جـبـالـه *** ما فـاد عـن لفـح السمايـم مقـيـلـه
ودور الجهـل فيـه النـكـد والرزالـه *** أدبـر وجـت عـقـبـه ليالـي جميـلـه
دور الجـهـل يا شيخ نبـغـي زوالـه *** مـن فضـل مـولانـا تـغـيّـر مديـلـه
عصـر البـداوه يـوم شـدت أرحالـه *** منزالهـم بالروض وسـط الخميلـه
والـدك مـا قـصّـر بعـصـرٍ مـضـالـه *** يـوم المراجـل بالسيوف الصقيلـه
واليـوم سـادوهـا أصحـاب الجلالـه *** العـاهـل الـلي كـل شيـخ يـجـي لـه
زالـوا خـواريـف البـدع والضـلالـه *** حـكـام عـدل ويـدركـون النـفـيـلــه
مـن فـضلـهـم كـلـن تحـقــق أمـالـه *** نشكـر ولـي الكون فـي كـل ليـلـه
قـلـتـه وجـاوبـتـك عـلى كـل حـالـه *** وصلوا على اللي كل طرقه فضيله

يتبع