مقاطع من الشعر لشعراء من قبيلة السلقا - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

07-04-2010, 11:10 AM

من مدونات قطوف الأزهار

يوجد في كتابي قطوف الأزهار قصص كثيرة لهذه القبيلة وهذه مقاطع لشعراء من السلقا :

* قال الشاعـر عشوي بن سعين الحسني (الأديب) هذه القصيدة قالها يسند على الشيخ محروت بن فهد الهذال شيخ مشائخ قبائل عنزة فيقول :
أوي فنجـال عـلى الكبـد مـا أطيـبـك *** أهـل صـبـوبـك عـارفـيـن قـــدارك
لونك يشادي الورس مع زين رايبك *** مع الحلا يـا طيـب نطعـت حمارك
لا قـام خـطـات الـولـيـدة يـحـاضبـك *** ما يسهي مادامه عـلى جـال نـارك
ما واحـدٍ من حمست البـن عـذربـك *** حـافـك غـلام بـالـعـجـل يـوم دارك
يا أبو زبن شربه على العـز يطربك *** وجمع الجماعة هي طريفة بهارك
لا صـار صـافيـن الحـديـده قـرايبـك *** بطـرافهـم مـا يلحـق الظيـم جـارك
الـلي بسببهـم زايـد النـفس هـايبـك *** تقصـر اخـطاه وزود جريـه تبـارك
ربـع عـلـى الـقـالات أبشـر بغـايبـك *** الـلي عـلـى يـمنـاك والـلي يسـارك
تأخـذ بهـم حقك عـلى غيـر صايبـك *** وكـلٍ يـراعـي خـاطـرك كـان زارك
وأفطن تـرى عيب الجماعـة يعيّبـك *** يغـدي حقوقك وأنت عمرك تـدارك
أن طابوا رجالك تـرى طـال شاربـك *** وأن خابـوا الأدنين يذهـب وقـارك
وعـزي لحالك كـان خربـن جنـايبـك *** وكـان النـقيـلي طبهـم هـو دمـارك
يـا قلب وش اللي مع الناس عـذبـك *** عـذبـتـني وأسقـيتـني مـن مـرارك
دلـي تـعـاقـب بـك ودلـي تـجــاذبــك *** مثـل القليب اللي محوصه تشارك
عـلى خطات المنشطـة يـوم تـنهبـك *** الحوض مخـلي والظوامي تعـارك
حـذراك لا تـمـشـي بـدرب مـجـنـبـك *** اليا صـار ما يطلع على باب دارك
وقال عشوي بن سعين من قصيدة بالشيخ محروت بن فهد الهذال :
يـا راكـب مـن فـوق حـمـرا ضهيـره *** حمرا ما يفرق ضمرها من بدنهـا
وأن روحــت مــع الـخـلا مـسـذيــره *** الـدرب لـو هـو دفـعـة مـا محنهـا
تـلـفـي لـقـحـام الـدروب الـعـسـيــره *** عـنـد أبـو زبـن دنهـا وأرم عـنهـا
أذنـاب حـيـــل بـالـصـيـانـي يــديــره *** عجّـل عـليـهـا بـالغـدا مـا محـنهـا
شـره عـلى الـعـدوان يـودع جـريـره *** خـلا حريـم القـوم تشعـط أوجنهـا
خـلا عـجـوز الـقـوم تـبـكـي حسيـره *** عـلى جـنـيـنـه بالضمايـر طعـنهـا
كــم حــلــةٍ خــلا عــمـدهــا نـثـيــره *** تسعـيـن عـام مـا تـلايــم اشـبـنهـا
أخـوان بـتـلا مـدلـهـيـن الـقـصـيــره *** مـا دوروا الأطماع يا القـرم منهـا
وقال الشاعـر عشوي الأديب هذه القصيدة بالشيخ محروت بن هذال :
عـيـّن يـبـركـن الـركايـب عـلى زور *** اليـاما رقع دمامهن حيـن الأفجـار
عـلى المعـادي صلهـن فجـة الـنـور *** عـلى المعـادي صلها طيـر غيمـار
خـلا عمدهم مرذي الأجنـاب منثـور *** بس العجايـز قاعـدات عـلى الـدار
غـدوا عليها أولاد وايـل تقـل سـور *** شعـل جوادا ما بهـن عـرق خـوار
عـلـم لـفـانـا مـن طـليفـيـح مـذكـور *** كانـك تداري نعمتـك يا أبـن نصّـار
عـلـيـك بـالـجـراح أو فـي شـابـــور *** ولا يـســارك يــم حــويـان قــمّــار
أنظـر قنـاع وقـاضي النـاس خابـور *** جـروا عـليهـا يـا طليفـيح قـنطـار
وقال الشاعـر عشوي الأديب بالشيخ محروت بن هذال ويذكر أحد الوقايع :
مبداي باللي حافـظ خمس الأوجـاب *** عينـه تـراعي ما غشاهـا النـوادي
أنا أحمد الله يوم فـرخ الفهد صـاب *** أروى عـدوه مـن غـزيـر النكـادي
أول نـذاره مـن بـنـاخـيـك بـكـتـــاب *** عـطـاك هـرج مـا يعـقـبـه أعـدادي
وثاني نـذاره منـه جتكم على ركـاب *** ومن شين رايك حطك الله عنـادي
وثـالـث نـذاره دار راسـك لـمخـلاب *** وراك مشخـول الصحيح الوكـادي
يا شيخ يا مكـدي غثيثين الأجـنـاب *** يـا حـاكـم البصـرة وبـاب الـرمادي
اللابـة الـلـي عـن لـوازمـك غـيـاب *** أحـرص عـليـهـم يـا مظنـة فـوادي
ما يشتهونك غير طيحات الأرطـاب *** أيـام تـصـفـيـر الـنـخـل والـجـدادي
* أما الشاعر مشرف الذرب من قبيلة السلقا من العمارات فهو شاعر وله قصائد كثيرة من قصائده هذه القصيدة يمدح الشيخ محروت بن هذال :
يا الـلـه الـلي خـالـق كـل الـعـبــادي *** خالــق الحيـيـن وارواح مـواحـي
عـالـم بـالـغـيـب يـا زيـن الـمـبـادي *** كاتب خمس الفرايض يـوم لاحـي
راكب الـلي مـا عبـوا لـه بالشدادي *** مثـل فـوج الريح بالقاع السماحي
سـاري بـالـلـيـل بسـهـال وجـوادي *** فـوق دوج مـا أيتـوقـع بالمراحـي
مـن هـلي يا شيخ أنـا عـليـك بـادي *** والعـرب تأتيـك مـن كـل المشاحي
سامكين البيـت فـي حـزم السنـادي *** يجذب الطرشان من كـل النوا حي
الـكـرم والـطـيـب عـزالـلـه وكـادي *** تذبحون الحيـل واذنـابـه افطـاحـي
تـعـز الـمـعـتـاز يـا طـيـر الـهـدادي *** يا صبي الحـرب يا كبش النطاحي
يـا أخـو بـتـلا باللقـا مالـك مشـادي *** كـنـك أبـو زيـد مـن لـح الـحـاحـي
حـامي الونـدات بـخشـوم الهنـادي *** مشبعين الذيب مع ضافي الجناحي
مـقـدم الـويـلان بـأيـام الـجـهــادي *** ترهـج المخلوق بأكـوان الصباحي
حـزموا وقت المغـيـرب بالـبـرادي *** يتبعون اللي بحربـه مـا استـراحي
ينطح الـلي كثـرهـم كثـر الجـرادي *** يسقي العـدوان مـن بـيـر المـلاحي
وهذه الأبيات تنسب للشاعر مشرف الذرب والبعض ينسبها لغيره :
قــال الـلـي قـولـه ضبـاط *** كـلمـتـيـن بـحـرف خــــط
حـّوط عـلـيـنـا الـحـــواط *** وأودع بـالـحـمـاد انــقــط
الـجــمــل لــلــدلــو مــاط *** والـرشـاء لـلـجــال لـــط
لا تــغــالــط بــالــغــــلاط *** تـرى مـن يـغـالـط ســـط
دنـيــانـا فـيـهــا غــطــاط *** ضـهــر قــمـرنــا وأزرط
ومـن تـراخى خبـزه شاط *** يـرث عـلـى البطن اغبـط
والـمـاء لا وصــل الأبـاط *** تـرى غـالي شـيـلـك غـط
كـل حــديـــدٍ لــه اخــراط *** والـحـمـايـل لـهـا اسـقـط

يتبع