مساجلة بين عبدالله بن عقاب العنزي وعبدالله بن عبار العنزي - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

07-05-2017, 09:28 AM

مساجلة بين عبدالله بن عقاب الشن الخمعلي العنزي وعبدالله بن دهيمش بن عبار الفدعاني العنزي

عندما أطلع الأخ عبدالله على قصيدتي التي سبق وأن اسندتها للشيخ سعود بن محمد الفرحان الأيدا رحمه الله والتي مطلعها :
ياسعود يا مشكاي قلت آه ثم آخ *** من نفح هرج المرجفين المطافيخ

قال الشاعر عبدالله بن عقاب الشن الخمعلي العنزي هذه القصيدة يثني على جهد عبدالله بن دهيمش بن عبار العنزي :
قـولـوا لأبـو مشعـل عسى الله يثيبه *** ويعـوضـه مـولاه بـالأجـر والخـيـر
وجحـد البشر للفضل ماهي غـريـبه *** لـو قـال آخ لقـصـد شكـواه تـبـريـر
وشكى على ورث الشيوخ العـريبه *** لبـيـت أبـوه النـاس ورد ومصـاديـر
ومن مـات للرحمة ومحفوظ طيبـه *** اليـا عـّدت فعـول الـرجـال المناعيـر
يـشـكي عـلى الأيـدا أمـورٍ مـريـبـه *** وجهـد السنين اللي جنا منه تحسير
جهـده عـلى مـن يجحـدونه معـيبـه *** ولا ينجحـد جهده سوى من مثـابيـر
ومن وضعهم مشبوه شكّـه وريـبـه *** تكرم وجيه أهل الفخر وصفهم غير
وجهـود أبـو مشعل لغـيـره صعيبـه *** لـو ألفـوهـا جـمـوع يصيـر تقصيـر
ومـن يجـحـده نـقـول ربـي حسيبـه *** ولا يغـيـرّ الـواقـع هـروج المعاثيـر
يـقـولـهـا محامـي عـنـه مـا دريـبـه *** ولا كـتـب بالشعـر لأجـل الـدنـانـيـر
وشـهـره بـلـيـا عــز ذلّــه وخــيـبـه *** اقـولـهـا لبعـض الـرجـال المشاهير
ونهج أبـو مشعـل منهجي واقتديـبه *** اصغـر تـلامـيـذه عـلى أقـل تعـبـيـر
وانـهـارت بـغـيـره بـروج وزريـبـه *** بـعـد الـمـرابـح تـالـيتـهـا تحـاسيـر
وكـرامـتـه مـا بـاعـهـا لـلـزلـيـبــــه *** لأجـل التكسّب واركـدوا يا عصافير
ويكـرم جناب الـلي لهـم كـل هـيـبـه *** ويـدوم عـز أهـل الوجـوه المسافير
وتكفـون يالـويـلان عن كل عـيـبـه *** تكفون عـن تكفـون مـافـي معاذيـر
وأنـا بـخـيـر ولا عـلـيـه مـصـيـبـــه *** جـحـد الفـضل مصيبتي يالمغـاويـر
يا لابـتي يا أهـل الجـمـوع المهيـبـه *** يا احفاد من هـزوا جموع وطوابير
تـكـريـم جـهـود بطـيب لهـا ضريبـه *** بالطـيـب عـادتكـم كـبـار المخاسيـر
واخـتـامـهـا عـن هـرج وده وجيبـه *** الـلي عـلى جـحـد الحقايـق مداويـر
والـلـه مـا اقصد مـن وراهـا كسيبـه *** يا أهـل الظنـون ومقحمين التفاسير
وغلطان مـن يـنخى لمـن لا يثيـبـه *** ولـه الأمـور المعضلـه تركها اخيـر
وانخى هـل الطولات وقـت الغـليبـه *** احـفـاد ابن شيبـان وكـليب والـزيـر

قال عبدالله بن دهيمش بن عبار العنزي هذه القصيدة جواب لقصيدة الشاعر عبدالله بن عقاب الشن الخمعلي :
مـبـداي بمغـيـث الغـصون الـرطيبـه *** الـرازق الـوهـاب مطلع نـما الحيـر
ومن بعـد ذكر الـلـه نشـد الـنجـيـبـه *** بـنـز الشبح بالقار أسرع من الطير
صنـع الـذي عـلّـق بصـدره صلـيبـه *** من جرج الأول ما سرح بالخواوير
نـبـت عـلى حـكـر الصناعات شيبـه *** معـتـاد يشـرب من نـبـيـذ القواريـر
يتعب عـلى الـلي ريعهـا من نصيبه *** مـن سعـرها يكسب ألـوف الملاييـر
هيهـات ما يفضى من المـال جـيبـه *** كافح وحصّل منصب اللورد والسير
حيثه صنع صنعه لـك الـلـه عجيبـه *** لا حـركـت تطـوي بعـيـد المشاويـر
الـفـجـر تـمشي والمسـافـه قـريـبـه *** للـديـره الـلي عـمّهـا شهـرة الـبـيـر
تيماء بها أصحاب الفعـول العـطيبـه *** خماعلـه تذري عن الخصم واتجير
تلفي عـلى أبن عـقاب مكرم صحيبه *** عبدالله الشغموم ريـف الخطـاطيـر
قـافـه سريـعـات الـوسـايـل تـجيـبـه *** منظومه اعـذب مـن دريـر المباكير
القـرم الـلي مـن سبـني هـو طليبـه *** الشاهد الـلـه ما حصل منـه تقصيـر
يفـداه الـلي هـرجـه نميمه وغـيـبـه *** مـا عـنـده ألا الـبـلـبـلـه والمعـايـيـر
ولا أنت تصعد فـوق عـالي الجـذيـبه *** شبحـك بـعـيـد ولا تـحـب المحاديـر
مـن لابــةٍ يــوم الـقـبـايـل حــريـبـه *** عـاداتهـم يـثـنـون دون المضاهـيـر
ستـر الهنوف الـلي تقض الـذويبـه *** لا زغـردن هـنـف الـبـنـات الغناديـر
ولا أخـو بقـشـه شيـخ مـا ينهـويبه *** الـولـدعـي نسل الشيوخ المخـاتـيـر
أسـنـد لمثـلـه والـردي وش نبـيبـه *** حيـث أن لـي عـنـده حشيمه وتقدير
جـدّه وأبـوه أهـل الصدور الرحيبـه *** أهل الصّخى والجود ريـف المفاقير
مـرذيـن سـرج الـلي يـشوّل سبيبـه *** سـقـم المعـادي يـوم شـل المنـاسير
من ساس لابـه بالمراجـل غضيـبـه *** عـلى المعـادي بالسيـوف البـواتيـر
وأن صاح ينـدب للجموع الـرقـيبـه *** تـأتـيـك دكـلات الـسبـايـا صــوابـيـر
فـازوبـهـا يـوم الـمـراجـل تـعـيـبــه *** وقـت المعامع يكسـرون الطـوابـيـر