قلت هذه القصيده رثاء بفقيد الأمتين العربية و الإسلامية وفقيد الوطن وزير الخارجية سابقا ، صاحب السمو الملكي الأمير سعود الفيصل ، تغمده الله بواسع رحمته وأسكنه فسيح جناته ، وإن لله وإنا إليه راجعون ، ومهما نقول من الكلمات أو الشعر لن نصل بالمستوى الذي نوفي به فقيدنا حقه أو صفاته أو مسيرة حياته ..

عز الله إنك يا إبن فيصل فقيده ...
على الوطن والشعب يا سعود يا سعود

لحقت فيصل بالعلوم الفريده ...
وخليتها يا سعود وأفعالك شهود

يا سعود موتك حق لو ما نريده ....
وأمر الولي يا سعود ما هو بمردود

تبكي على موتك شعوبا عديده....
والمملكه تبكيك والشايب العود

وشلون ما نرثيك لو بالقصيده ...
ونكتبها يا سعود لك أربع عقود

رغم المرض يا سعود عزمك حديده ...
وتواكب الأحداث وتقودها قود

دون الوطن وإسلامكم والعقيده ...
ودون العروبه واقف(ن) كنك الطود

وعلم السياسه والحماسه تجيده ...
مع اللغات السبع تهابك حشود

يالله عسى مثواك جنه مديده ...
بجنة الفردوس بزهار وورود

عقب التعب تلقى حيات(ن) جديده ...
عند الولي بجنان وضلال ممدود

الشاعر / خلف نزال القرش العنزي .