السلام عليكم ورحمته الله وبركاتووو

ابي اسأل عن نسب الشاعر ضيغم بن ناصر ثويني منين هو قالو كثير عنزي بس عنزي منين بالزبط وهو راعي قصيدة




ياعلي شب النار ياعلي شبه = لاساح في مشمرخات الهضابي

وادغث لها ياعلي من جمر خبه = وقلط ثلاث مثل لون الغرابي

حنكية ما تنجلي لو نربه = بلغودها تلقى سنا النار صابي

ياللي تقول النار كل يشبه = الفرق بالمنبى ولين الجنابي

إليا نسنس الشامي وحمل مهبه = وجنك يشادن هافيات الذيابي

وفرحوا بشوف للذرىيوم هبه = برد وغرقان يرش الثيابي

غزه بجوف النار من حيث شبه = وعجل إليا جومضرمين تعابي

وصبه ليا من المشاكيل ضبه = ويبري لها من مير غيد الجوابي

لاجبت ميسورك بهرج المحبه = أخير من كبش سمين يجابي

باغ إليا من السنين أشلهبه = نقضب مكان الشايبين الغيابي

اطلعت للعطشان فرع المصبه = على الخلا لزمالته لاتهابي

ياستر تستر على من حسب به = يارزقٍ بالرزق عمي الدوابي

دنياك ما عمُربها كود ربه = الواحد اللي واعد بالحسابي

والنار دربه هين والمسبه = وطيبا وعور والمراجل صعابي


وقريت في منتداكم موضوع لشخص ناسيه اسمة الشعابا وانتسابهم للهذال
عن الشاعر ضيغم ونسخت بعضه وهوو


(((((((موضوعي هذه الليله هو كما في العنوان عن حقيقة انتساب الشعابا لشيوخ عنزه وهم الهذال
وحقيقة قصيدة القصر التي كثر اللغط عليها حتى اخطأ البعض في نسبها لغير شاعرها وهو
الشاعر ضيغم بن ناصر بن ثويني بن مهنى بن مجيدع الهذال من شيوخ عنزه وهو اخ محمد الذي لقب بمحمد اباالخيل وسبب التسمية انه جاب الخيل والقوم مندونه وهو ايضاً ملقب بمحمد الشعبي عند اهل عنيزه وتسميتهم الان كما هو معروف بالشعابا عيال مجيدع ابن هذال
وبداية دخلتهم ومسكانهم حايل هو جد الشاعر مهنى حيث اتى مدينة حائل ومكث مدة قصيرة بقفار ثم انتقل الى قصر عشروات عند امير القصر القبالي الغني عن التعريف بطيبه وحرصه على الرجال الطيبين واهدى القبالي على مهنى ارض حيث استقر بالقصر وصار له منزل وفلاحه هو وابناءه )))))

وفعلا الثويني لهم اراضي قريب من القصر عشروات ابي اسأل الي يعرف هل الكلام صحيح واشرحولي اكثرر والله يعطيكم العافية