تتار الشام - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

04-05-2012, 07:45 PM

السلام عليكم ورحمة الله وبركاته،،،

يا قلــب هونهــا مــع الوقــت وتهـــــون *** ما دامهــا يا قلــب دون المهونـــــــــه

كثيـر مثلــك عـاش يـــا قلــب مطعـــــون *** وقليل مثلـــك مـن تحـــدى طعونــــه

مـن كـان دمعـه داخـل العيـــن مخــــزون *** قـام يتهامــل مــن محاجـر عيـونـــه

الحــال بـيـّـن مـا يــبـي كيــف وشـلــــون *** لأهـل الشهامــة واضـح ويعرفــونــه

دمع الثكالى للجسد هزت ركـــــــــــــون *** لا شفتهم باطرافهم يمسحونــــــــــــه

تـتـار شــام العــز قامـــوا يـدوســـــــون *** كرامــة الإنســان ما يـرحمـــونـــــــه

للشعـب الأعـزل بالصـواريـخ يـرمــــون *** رئيـسهــم للقتــل طبــــق فنونــــــــه

مابيـن طعـن وسلـب نـاس(ن) يموتـون *** حتى العذارى طهرهــم يسلبونـــــــــه

أجساد أهل(درعا) غـدت درع وحصون *** وفي (باب عمرو)الباب طاحت ركونه

و(ادلــب) شوارعها على الدم يمشـون *** تاريـخ (هـولاكـو) تجدد غصونــــــــه

(صبـرا و شاتيلا )على أيام (شـارون) *** أهـون من اللــي شفتهـم يعرضونــــه

أعـادوا المشهـد مـع عيال صهيـــــون *** لـ (محمـد الــدرة ) بشكلـــه ولونـــــه

هـذي عـداوة ما بهـا شــك وظنـــــون *** الرافضـي بالحقـد كشـر سنونـــــــــــه

يا ماضـي الأمـة مـع الحاضــر غبـون *** مـن يقــــرأ التاريـخ زادت غبونـــــــه

مـن وضعنـا الحالـي ترى جفت عيون *** لو (عين جالوت) القديمـة حنونـــــــه

يا أمـة الإسـلام تكفــــون تكفــــــــون *** الثــار مــن بشـــار لا تتركونــــــــــــه

يا اللـه يـا سامــع دعـا ناس يدعـون *** شيـــوخ ركـّــع صوتهــم يرفعـونــــــه

كل الحيل ضاقت عليهم ويرجــــــون *** نصر العزيز المقتدر يرتجونـــــــــــــه

عجل لنا بالنصر يا خالـق الكــــــون *** وما صار بــ (معـمّـر) عسى يفعلونـه

عبدالله بن موسى الخرشاوي
13/5/1433هــ

تقديري للجميــــــــــــع ،،،