يالله يافكاك عسرات الانشاب = يامفرج الكربات ياقاضي الدين
ياخالق المخلوق يارب الارباب = ياللي خلقت النفس مابين نفسين
اطلبك فالارزاق تفتح لنا باب = انت الغني يارب وحنا المساكين
من بعد ذكر الله مرض خاطري طاب = والكيف طاب وطاب طرق التلاحين
ولاني قصاد بلا قصد واسباب = ماقول قول والا وعندي براهين
لاشفت انا النيشان لي فيه مضراب = لاتاهت الشعار بين النايشين
سلام ياحر على راس مرقاب = حر محنك من نوادر شياهين
عايد عزيز من عزيزين الانساب = هداج تيماء صاحب الموقف الزين
ابو محمد فخر عطران الاشناب = رفيع صيت فايز بالميادين
بحر العطا والجود والطيب جذاب = رجل المواقف راجح بالموازين
من عزوة الطيار لاصار ظبظاب = للمرجله والمجد رمز وعناوين
دليلها لما اظلمت والقمر غاب = ذيب الغدارة بدرها والدليليين
الولدعي لكشر الوقت والناب = عز الصحيب وسعد ربعه والاقصين