قصيده القاها الشاعر وائل الفدعان

امام الشيخ ثامر النوري ال مهيد

جد فالوا الشينان منا بالعراق
أنكم على أولاد وائل تردون
عشره ألوف بين الأخلاق تفاق
قوماٍ على الطيبات دايم يغيرون
هم شموس ودايم الشمس بشراق
ولا غاب نجمً بين الاخلاق موزون
نسل الرجال و فيهم الصيت براق
جزل المعانى بين الاضلاع مكنون
وصار الوله بالنفس دافع للاشواق
لديار فيها بعض الاجداد يربون
ياشيخ جينا نقطف اليوم مالاق
ونشوف ناسً فى دجى اليل يسعون
الخير منهم بين الاديار منساق
صوت العشاء معروف سنه ومسنون
تلقى صحونً تحمل اشكال و ارناق
زاهي ولامع بالدجى اصفر اللون
ولا خاب منهو يطرق الباب بشفاف
ال مهيد اقبل كانك القلب مطعون
ريف اليتم وزا يد الخير دفاق
أمواج دمعك يمسحه كان ما يكون
القول منك ياسناء الجود ميثاق
كل العرب بيديك ادري يلبون
ياشيخ في قر الحساه ود خفاق
والشوق فبا للوصل زاد وضنون
انتم ربيع النفس من بعد الفراق
عساك تروي ضامرًحيل مشطون
الحر وان ابعد عن الوصل تواق
لابد من راس الطويلات ممنون
ياولاد وائل فيكم الحب سباق
واحس انكم بين الانفاس تسرون
منا العجايز ذبت الدمع رقراق
خوفً على الورعان انهم يموتون
من ضيم جينا يافتى الجود حراق
نارً تشب بداخل الكبد بلهون

ياولاد وائل فيكم الحب سباق
واحس انكم بين الانفاس تسرون
صح لسانك ابيات تعبر عن جزالتها
وان دلت تدل على طيب معدنك وماهي غريبه عليك يكفيك انك فدعاني
تحياتي لك يا وائل اخوك مسعد النافل

الاخ الكريم - مسعد النافل


لقد اسعدنا مرورك الكريم على القصيده ونهديك احلى فنجان ترحيب

( يا بوادي نجد نرفع لك سلام ويا صحاريها على شمال ويمين

خصك الله بالسنع نسل الامام هم ايادي خير عزمً مايلين )

مزن الصبر ماعاد حدر بالمطار

والعين تشره وادري الخد مجروح

يوم (ن) عثقي من الوله نزل اثمار

والشوق دله بين الاضلاع تفوح

انجوم شالت في دجى الليل اسرار

ودها تسولف لسماء نبره النوح

مانى من اللى بين الاخلاق مهذار

الصوت اكتم وادري النفس اتبوج

الليل مارد يعزم البال لفكار

بستان حزني بعض الاحيان مفضوح

ادرى بقلبي يعزف القاص منشار

لا شفت صيده جابها غراب طاروح

بسك حنيني ترحل اليوم لوكار

لو ان صوره بين العيون تلوح

دربي عقيم ويمطر الدمع مدرار

وانا دراما تنزف الهم في لوح

الله يرفع قدرك يا وائل مثلك نادر وجود
وصح لسانك وانا اهدي لك يا ابن العم من ضمن ابيات ملعب العواجي
وجدي على الفدعان بواحة الدير =====حماية العرفا عزيز قصيرها
الابه اللي تاخذ الحق عنوه ===== ياويل والله با الملاقى نحيرها
اخوك مسعد النافل الجعفري

الاخ الكريم-مسعد النافل

احبك في الله
واشكرك على ردك الذي اسعدني

ان الحزن دائما هو عنوان لقصيدي(فاعذرني)
ياشوك هون ماجرا بين الانفس

بلسم جروحك بين الاضلاع لي طب

سير على المعلوق حدر على الساس

واخمد سعيره بين الاضلاع تشب

بدون شك اخوي وايل
ان الشاعر يختلف عن غيره من الناس بحيث يشعر بما لا يشعر به الاخرين
لذلك دايماً يكون الحزن في قصايدهم ويسمى شعر المعاناه
يقول سليمان المانع
اقلب اوراق تاريخ العطش والقى == اشياء ابيها وبعض اشياء ما بيها
ويقول
جرح ارتحالي ماتضمه مدينه === عايش غريب وموطني موضع خطاي
وانت شاعر بدون شهادتي يشهدلك جزل قصايدك تحياتي لك ويسعدني ان اراك دايماص في منتدى العبار

الاخ مسعد النافل حفظهالله

يسعدني مرورك ويحضرني بيت من الشعر يحمل المعاناه لكنه ظريف

كل ما ارقع واشله

تقضب خياطي و تفله

لو اخيط في مكينه

بسوتلي و بره متينه

مايفيد بهل لعينه
تقضب خياطي و تفله
صقرو فروخ السباري
قامت تصيد الحباري
والجعر صارت ضواري
و السلوقي صار ذيب
شايف امر عجيب
كيف الابره تصير هيب

هذي الابيات للشاعر سالم الحميد