بسم الله الرحمن الرحمن الرحيم
السلام عليكم ورحمة الله وبركاته

هذه اول مصافحه لي في هذا الصرح الشامخ وهي قصيدة بلابتي عيال العود القيتها شيله في الحفل اللذي اقامه
شيخ قبيلة الحازم الشيخ / باتل نومان الاديهم
بمناسبة زواج ابنائه وبمناسبة شفاء ولي العهد الامير سلطان بن عبدالعزيز حيث حظي هذا الحفل بتغطيه على قناة المختلف

ويسعدني ويزيدني سرور بأن اهدي هذه القصيده الى الأديب الشاعر عبدالله العبار والى ابنه الشاعر مشعل العبار
اترككم مع القصيده :

سلام الله للي جونا =فـي حـفلنا شرفونا
حياكم يوم ٍ زرتونا =واحد واحد يالله حيه

حنا حنا عيال الحازم =مثل السيل ليا ترازم
تلقونا في وقت اللازم =حنا راعين الحميه

حنا عيال العود الشايب=نشيل ثقال الصعايب
مانهاب من اللهايب=نارد حياض المنيه

ورثنا عنه الشجاعه=فريس وقوم ٍ بتاعه
ليا فكت الحرب شراعه=فرسان ٍ فوق المطيه

شيوخ عقولن ٍ دواهي=حنا للطيب بحر ٍ راهي
ليا طبنا ما نباهي =حنا جزلين العطيه

فدعان ٍ من نسل وايل=حنا سطامين العايل
سباع وحوش ٍ هوايل=اردانا ينطح سريه

شاركنا بتوحيد الدوله=كم فتوح وكم بطوله
كم صوله تتبعها جوله=اظنه ماهي خفيه

على سنة رسول الله=بحكم الملك عبدالله
له الطاعه من بعد الله=سبحانه رب البريه

يامرحبا باللي جونا=بحضورهم شرفونا
حياكم يوم ٍ جيتونا=واحد واحد يالله حيه

الشاعر//ظاهر عطاالله الحازمي

ونعم بالحوازم وقصيدة جزلة

واتمنا تطلع علي قصيدي الجديدة وتقولي رايك فيها

ولد الحمايل

والنعم فيك ماعليك زود

مشكور على الاطراء الرائع

بالنسبه لقصيدتك اطلعت عليها ولكن ماقصر الاستاذ عبدالله العبار

عدل فيها واضاف لها وجعلها جميله جدا

قصيدتك محتواها جميل ورائع ماافضت به

وان شاء الله بالقصائد القادمه تتجاوز تلك الاخطاء التي وقعت فيها

مع كل حبي وتقديري

................... !

الأخ واهج الحازمي نرحب بك أجمل ترحيب في منتداك فأهلا وسهلا وعلى الرحب والسعة ومع الشكر الجزيل على دخولك وأتحافنا بهذه القصيدة الجميلة من نوع شعر الدحة فأن قبيلة الحازم عيال العود بهم من الصفات الحميدة ما تجعلهم يستحقون الثناء وقد ذكرتني بأبيات سبق وأن اسندتها على الشيخ باتل بن نومان بن اديهم شيخ قبيلة الحازم من العقاقرة من الفدعان منها قولي :

وجهت مندوب عـلى السفـر جـازم *** لابـة عـيـال الـعـود لازم يـجـيـهــم
قـم يـا نـديـبـيي وصـل الـخـط لازم *** باتـل ولـد نومان مـن نسـل أديـهـم
وأسلـم وسلم لي على عيـال حـازم *** جـميـعـهـم يـالـقـرم سـلـم عـلـيهـم
الجمع الـلي لجموع الأضداد هـازم *** عـدوانهـم تخشى مضارب ايديهـم
الجمع الـلي بالكـون للخصم خـازم *** يـا ويـل مـن هـو باللـقـاء يلتقيهـم
كـم بـاسـل عـقـب الـتجـبـر يـبــازم *** غـصب يجـامـلهـم وهـو مـا يبيهـم
وأن كـان حـنـت لـلحـوار الـعـرازم *** غـزو الـعـدو بـذودهـم مـا تـهـيهـم
وأن عقـلـت شقح العشايـر اتـرازم *** الـلي يجـرب فعـلهـم مـا ايغـزيـهـم
هاب وخشي من ضربهـم باللهـازم *** وأنكف معيف وصـد مـا يشتهيهـم
أفـعـالـهـم يـوم أكـتـراب الـمـحـازم *** هـم فـرحـة الـلي باللـزم يحتريهـم
يـوم الحـرايـب خصمهـم بالمـوازم *** يشـهـد لـهـم تـاريخهـم مـا نسيهـم

ونعم والله باالجميع


وتقبلواا فائق احترامي

شاعرنا الكبير ابو مشعل
عبدالله العبار

الف شكر على الاطراء الرائع اللذي يشابه روعت حضورك

فيكمن سمو قصائدي بمرورك

ويكون لها بريق ووهجا مميز

فالنسبه لقصيدتي فهي على وزن المروبع اللي يسمونه المصنع وصدقت فهو من انواع الدحه

وقصيدة للشيخ باتل الاديهم اللتي ادليت بها موجوده لدينا في منتديات الحازمي عيال العود وايضا قصيدتك الملحمه الوائليه

حياك وبياك


مع كل حبي وتقديري

انا هناك المراقب العام على شعراء قبيلة الحازم ياليت تشرفنا هناك
http://al-7azmi.com/vb/index.php

الأخ واهج يشرفني زيارة منتداكم ولكني في شغل شاغل بهذا الموقع ولم أطلع على أي موقع آخر وذلك لقلة الفرصة وبالإضافة إلى أنشغالي بالموقع فأن المحادثات بالجوال والرسائل وحضور المناسبات وأشغال الشخص بخصوصياته والسفر المستمر كل هذه تحول دون المقدرة على الأطلاع على المنتديات وفيكم البركة وموفقين خير يا عيال العود وقد ذكرتني بأهزوجة كنا نرددها عندما كنا أطفال في حال تصادمنا مع بعض أقراننا من قبائل أخرى أثناء المشارة بالمقاليع فأننا نهزج بقولنا :
( حنا عيال العود الشايب *** حنا العلة بالحرايب )
وهكذا نشعر بأندفاع إلى الخصم أما الآن فقد أندثرت العزاوي والأحديات التي تعبي الشخص وتثبته على الشجاعة والحمد لله

والنعم بقرايبنا الحازم . ولو نحتاجهم بالفزعه تجدهم يهبون مثل قبائل عنزه واقسامها الاخرى وعلى الجميع تصحيح
المفاهيم الخاطئه المتراكمه من اسباب الجهل وضيق الفكر والعقول

اهلا وصح لسان الشاعر واهلا بك اخي واهج

صديق وقرابه .