الحمد لله السلامة وكفو ياالوحش يابطل السعودية والله يديم عز الوطن باالقيادة الحكمية
وهذا قصيدة لشاعر خلف المشعان بمناسبة القوات الباسلة والحد الجنوبي
ياتاج راس المملكه شعبك يقدم لـك سـلام
رسالةٍ من شعبك الوافـي .. وانـا مرسولهـا
رسالةٍ ماهي علـى نهـج التوجـد والهيـام
الا على نهج الفخـر .. واذا سمحـت اقولهـا
افرد حجاجك وابتسـم عودتنـا للابتسـام
لالاتغير عادتك .. وانت الجمـل .. لحمولهـا
لايزعجك ياسيدي زنـة خفافيـش الظـلام
حنـا لهـا والمملكـه محـدٍ يقـرب حولهـا
ماهمنا الحوثي ولا من حثـه يعكـس النظـام
ماللقـرود الا القفـص لالفلفـت بذيولهـا
اللي يحلل قتلنـا فـي اول شهـور الحـرام
الشرع حلل ذبحته .. دقـوا عليـه طبولهـا
اللي يخومر بالجبـل واللـي يهـدد بالكـلام
قوات ابو متعب لهـم كـل يعـرف فعولهـا
من دون رمل المملكه لا مانهـاب الاصتـدام
لعيون ابو متعـب نعـم .. نقولهـا ونطولهـا
من كـان لله نيتـه مثلـك فلايمكـن يظـام
ومن يمطر لشعبه خفا يقطـف وفـا محصولهـا
لو كل من يحكم مثل حكمك بنا عم السـلام
وماكان صارت معركه في عرض الارض وطولها
صبح النزاهه داخلك يقتـل ظـلام الاتهـام
والحل عندك لاعجز .. غيرك يجيـب حلولهـا
القافله تمشي يابو متعب وفـي يـدك الخطـام
ومرضى العقول الياغدت سيفك يرد عقولهـا
كل القبايل تنتظـر رهـن الاشـاره ياامـام
بارواحها وسلاحهـا ، ورماحهـا وخيولهـا
حتى العمى لو تزهمه ياقف ويعطيـك التمـام
ناظر عيال المملكه ... بارواحهـم ضحولهـا
شعب السعوديه على حبـك وربـي مايـلام
يكفي الياجت سيرتك مـن حبهـم فزولهـا
تملك زمام قلوبنا حشمـه وهيبـه واحتـرام
مانلتفت لمسفـه العالـم وهـرج .. خبولهـا
ناقف مثل صف الفشق لامن تجندت الحـزام
وناسٍ تعدى حدها دونـك نحـش رجولهـا
هذي رسالة شعبك الوافي قبل مسـك الختـام
نيابة عنهـم خلـف مشعـان جـاك يقولهـا
افرد حجاجك وابتسـم عودتنـا للابتسـام
لالاتغير عادتـك وانـت الجمـل لحمولهـا

وهذا فيديو

صح لسانك

نايف عايد الفدعاني احسنت ياالحبيب وبيض الله وجهك

وانا المراسل لكم من الخفجي

واتشرف بذلك

الحمد لله الذي لمثل هذا يحمد عز وجل وبمثل هذا والله يا نايف نفخر ونعتز ، فالحمد لله على سلامة إبن العم العزيز النقيب المظلي صالح بن نهابه الشميلاني الفدعاني العنزي ، ويا نعم والله وسبعين نعم به وباللآبه أللي هو منها ..

وصح لسان أديب عنزة وشاعرها في كل ماقال ،ونعم أقفوا الفدعان بكل المفاخر والطيبات اللي لم تنلها قبيله من قبايل عنزة سوى لابة الفدعان ياعز لابة، وهم والله أهل العلا وأهل الجلال والتقدير ولهم من المناقب الحميدة الشيء الكثير والذي لا يحصيه مجلدات والذي نفخر به ونعتز على جميع أبناء يعرب ..

فسلمت أخي العزيز نايف وسلمك الله على هذا الكلام الطيب وعلى هذه البشرى التي فرحنا بها في حينه يعلم الله ويفخر ويشرئب بها الوطن بأسره وليس قبيلة عنزة فقط ، وعلى رأسه قائده وإمام المسلمين أجمعين خادم الحرمين الشريفين أعزه الله بنصره وأيده بتوفيقه وأقر عيناه رب السموات العلا بصلاح كل أمته وأبناء شعبه ..

وحفظ الله لنا شاعر وأديب قبائل ربيعه الذي خلد لنا هذه الوقائع بشيء لا ينسى أمد الدهر ..

كما أتقدم لك يا عزيزي بعذري وأسفي على تأخري بالرد على هذا الموضوع المفرح والذي يستحق الإطلاع منذ البدء ويستحق التثبيت والتقييم ..

وكن يا عزيزي برعابة المولى عزيز الجلال وحفظه دوماً وأبدا .

محبك / أبو عبدالعزيز الدوهان

الحمد الله على سلامة النقيب / صالح نهابه العنزي وان شاءالله اجر وعافيه ولا غرابه على الوايلي الشجاعه والاقدام وفعل النقيب تفتخر به عنزة يقول احد شعراء الفدعان واصفاً للفدعان :

عدونا بالكـون عمـره قصيّـر *** ناتيه بسيوفٍ تقـص الوريـدي
نركب على مثل الحمام المطيّـر *** ياطن حديد ولبس اهلهن حديدي
كم واحدٍ خلّـي باثرهـن متيّـر *** عليه عكفان المخالـب تعيـدي
من رازنا عن نـو بالـه يغيّـر *** يرتاح عن وجهه لقانا يهيـدي
أبي أختصر ميزاتهـم بيـن الأعـراب ** والهـرج دون أفعـال مـافـيـه ثـابـه
حازوا على خمس الفضايل والألقاب ** فـازوا بـهـا يـوم المراجل اكسابـه
حـمـر النـواظـر يـوم غالـب وغـلاّب ** قـصيـرهـم مـا يـوم قـشّع اطـنـابـه
والدار باجـوهـا عـلى خيـل وأركـاب ** قطعـانهـم تـرعى خمـايـل أعشابـه
والصوت نادوبه عـلى راس مرقاب ** مـن جـاع يـقـلـط للقـرى مـرحبابـه
ثـم الـعـطيـه مـا تـرجـع ولا أيـجـاب ** أخـذ العـوض بسلـومنـا بـه معـابـه
والخامس اللي للمغـر صـار شـرّاب ** حكم بحـق الضيف وأنهى الطـلابـه
]ماضي فخـرهم للمثل صار مضراب ** عـنـد العـرب شيـابـهـا مـع شبـابـه
يشهـد لهـم تاريخهم عبـر الأحقـاب ** بـهـم الـحـمـيـة والـذكـاء والنجابـه
هـذي فعايـل لابـتـي عصم الأشنـاب ** وضـحـتـهــا لـلـي يـريـد الأجــابـــه
وصح لسانك يابو مشعل ولاغرابه دايماً سبّاق لكل مافيه فخر من مفاخر قبيلتك العريقه بناخيكم الجعفري

ممكن تعطنى فكرة مختصرة عن النقيب ـ صالح نهابه العنزي او لهابه اقروا عنوان الموضوع
وكرما عدلوا على ذلك ياادارة

الحمدالله على سلامة النقيب صالح وبارك الله فيه بيض الوجه الله يبيض وجه

<!-- / message -->

الحمد لله على سلامته وقبيلة الفدعان مدرسة كانت وما زالت تخرج لجحافل الابطال في كل المجالات سواء الشجاعه او الكرم او الحميه وكفيت ووفيت يا ابو مشعل بيض الله وجهك جزل في كل مواقفك ياحامل لواء الادب لعموم قبيلة عنزه الف الف شكر لك 00000
هل للاخ صالح اخو اسمه سالم نهابه هذا زميل قديم قبل ثلاثين سنه تقريبا وشكرا

الف الحمدلله على سلامتك
اخوي صالح نهابه العنزي
وتستاهل القصيده يالغالي

تقبل مروري اخوي نايف عايد