جاني خبر عكر مزاجي وكيفـــــــي=== وعاد الكدر عقب الفرح والمســــرات

وقع الخبر هيض خيالي وطيفــــــي=== وفاضت عبارات المراثي وعـــــبرات

مالوم لو دمعي تبدل نزيفـــــــــي=== خطو الرجل موته خساره لـيا مــــــات

ابكي على الشهم العديم العفيفـــــــي === مادور الخملات عند القـصـــــــيرات

ابكي على الوافي ضميره نظيفــــــي === صعل الرجال اللي أهدافه بعيـــــــدات

ابكي على شتاح كسر المضيفـــــــي === راع الدلال المكرمات العذيـــــــــات

ابكي على اللي للرفاقه سعيفــــــــي === مرشد عزيز الجار ستر الخونـــــــدات

عسى الخيال اللي لبرقه رفيفــــــــي === يسقي ثرى قبره بدار القــــــــــريات

بحسناك يالرب الكريم اللطيفـــــــــي === تغفر ذنوبه الشيخ عن كل مافـــــــــات

والعبد يفنى عقب جري وهريفــــــــي === والعمر يمضــــــي في دقايق وساعــات

مرحوم يالقرم الشجاع الشريفـــــــــي === مرشد سليل المجد راس الشريفــــــــات

النادر اللي باللوازم يقيفــــــــــــي === يوم الحروب الطاحنه له بطــــــــولات

مقدم جموع اللي سلفهم يخيفــــــــي === حمر النواظر يوم للخيل صـــــــولات

كواكبه داهوم جمعه عنيفـــــــــــي === خامس جموع رويل عصر القوامــــــات

عز القرايب والصديق الحليفـــــــــي === قصيرهم مايشكي الضيم هيـــهــــــات

كم معتدي خلوه مثل العسيفــــــــــي === وخلوا خيوله للمحاريف طـــوعـــــات

لهم قرى الغوطه مقيض ومصيفــــــــي === وشيتون بالريشه وحول الدمــيـــثـــات

ومن حد تدمر للحسا والقطيفــــــــــي === ومن ديرةالبلقا الى حد ابانــــــــــات

ومن قبلي الشعبه لشرقي طريـفـــــــي === ترعا بها العليا عشايروخـــلــفــــات

يتلون عقب اغرير صفوة امنيـفــــــــي === الشيخ ابن شعلان زبن الـــــونــيــات

ياراكب من فوق طلق اليمينا
,,,,,,,,,,,,,,,,,,,,,يمشي وحدها مايريد الثمانا
زين المواجب مثل روج السفينا
,,,,,,,,,,,,,,,,,,,,,يقطع سهال مسهلات امتانا
يلفي سعدون حلي الجبينا
,,,,,,,,,,,,,قل هرجك مسره خاطري يوم جانا
كانك تبي حربنا ومشتهينا
,,,,,,,,,,,,,,,,,,,الحق وحنا نطعمك من قرانا
نلحق للمطلوب كان هو يبينا
,,,,,,,,,,,,,,,ونقصر بالطولات كان هو بغانا
ونركب على من فوق حرش اليدينا
,,,,,,,,,,,,,,,,,,عرب عراب وكرمات سمانا
نجدع عليهن بالقاع حبس الكمينا
,,,,,,,,,,,,,,,,,,وراجن عليهن ملويات العنانا
قب عليهم لابه مترفينا
,,,,,,,,,,,,,,,,من فوقهن نلحق من هو عصانا

ياراكب الي مالهجها الجنينا
,,,,,,,,,,,,,,,,,,,,ماهي وحدها ثامنه له ثمانا
فج النحور محجلات اليدينا
,,,,,,,,,,,,,,,من ساس عيرات وابوهن عمانا
يلفن لمسلط ترثه الغانمينا
,,,,,,,,,,,,,,,,قل ارحلوا عن جوكم صار مانا
نبي ندله مقرعات الحنينا
,,,,,,,,,,,,,,,,,,أذواد من رعي المخافه سمانا
ماهم بورث جدودنا المقدمينا
,,,,,,,,,,,,,,,,كسب بالايدي من حلايب عدانا
نفكهن من لابه معتدينا
,,,,,,,,,,,,,,,ومن دونهم عود العريني عصانا
يرعن بضل عقاب مروي السنينا
,,,,,,,,,,,,,,,,,,,اللي اليا صارت علينا حمانا
وقولوا ترانا يمهم مقبلينا
,,,,,,,,,,,,,,,,ويقصر عن الطولات كانه بغانا
عدونا نجيه لو مايجينا
,,,,,,,,,,,,,,,,,ونضفي على عدونا من خطانا
ونركب علي الي كنهن الشنينا
,,,,,,,,,,,,,خيل الصحابه ماعترضهن احصانا
الموت عند قطيهن وان حدينا
,,,,,,,,,,,,,,,,,,وياسرع رد وجيههن مع قفانا

الله بالخير يالربع

عندي لكم قصيده بالحيل طيبة وتجوز لكم

وقالها الشاعر محمد بن مقحم بن فالح النجدي الصقري العنزي وهي تسمى شيخة القصايد يقول :

من البارحة بالقلب هجـس ٍ وتعبـار

هجس ٍ وهاجـوس ٍ تعاقـب نكيفـه

الصبر مفتاح الفـرج هـو والافكـار

من لاصبر تصبـح حوالـه كسيفـه

يالله يالمطلـوب يــاوال الاقــدار

انـت الـذي مـدات جـودك لطيفـه

يالله يالمعبـود عـاون هـل الكـار

تحـل شــدات عليـهـم كليـفـه

اللـي مجالسهـم بهـا بـن وبهـار

ونجـر ٍ يصـوت للمسيـر رجيفـه

ومكارم ٍ للضيـف عجـلات وكبـار

ومفطحـات فـي صحـون نظيـفـه

تقليطهـم للضيـف قعـدان وبكـار

وحيل الغنم وقـت السنيـن الحفيفـه

اكرام ضيـف البيـت حـق وتعبـار

والكـل منـا يفتخـر فيـه ضيـفـه

يا مزنةٍ غـرّا مـن الوسـم مبـدار

اللـي جذبنـي مـن بعيـدٍ رفيـفـه

هلت من القبلـه هماليـل الأمطـار

من سيلها الـوادي غدالـه وحيفـه

تمطر من الهدرا اليـا خشـم سنـار

وتسقـي ديـار محقبـه والحتيـفـه

وتضفي على كل المفالـي والاقطـار

وتصبح بهـا خـدان ربعـي مريفـه

عقب الحيا فاحت بها ريـح الازهـار

وتعاقـب النـوار مـثـل القطيـفـه

وترعا بها الغرا وتبنـي لهـا طـار

عقب الضعـف راحـت ردوم منيفـه

اذوادنـا مايرتعـن دمـنـة الــدار

ولا يرعـن الا بالفيـاض النظيـفـه

يرعـن بعبـدالله وجبـر ٍ وجـبـار

خيالـة يــوم المـلاقـا عنيـفـه

ترعى بها الوضحا من الذود معطـار

غبوقـة الخطـار عجـلٍ عطيـفـه

يبنـي عليهـا بنيـة اللُّبْـن لجـدار

عقب الضعـف راحـت ردومٍ منيفـه

اذوادنـا يرعـن بنـا سـر وجهـار

من دونهن نروي الغلـب والرديفـه

ترعى بضف الغوش بقصاف الاعمار

تقطف زهر مرباعهـا مـع مصيفـه

ما هي سوالف مسرد ٍ عقب ما نـار

اللي هرب واطـراف رمحـه نظيفـه

إن سوهجوا عنها قليليـن الابصـار

من دونها نروي السيـوف الرهيفـه

ان سوهجوا عنها معاميس الابصـار

حنـا نـرد اللـي يبيـهـا نكيـفـه

خطو الولد مثـل البليهـي اليـا ثـار

زود ٍ على حمله نقـل حمـل أليفـه

بشدا هديب الشـام شيّـال الاقطـار

واليـا كبـر حملـه تـزاود زفيفـه

وخطو الولد مثل النداوي اليـا طـار

صيده من الجـزلات ماهـي ضعيفـه

ترجي العشا من مخلبه وقع وطيـار

حسه على صيد الخـلا لـه وحيفـه

وخطو الولد يصبر على موتـة النـار

صفـر علـى عـود تضبـه كتيفـه

وخطو الولد يامال قصـاف الاعمـار

لانافـع ٍ نفسـه ولا منـه خيـفـه

ورجل ٍ بلا ربعه على الغبـن صبـار

يمنى بـلا يسـرى تراهـا ضعيفـه

واليا بخصته ماسـوى ربـع دينـار

مع العـرب يشبـه خطـاة الهديفـه

حنا فريـق ولا نغبـي سنـا النـار

مـا ننـزل الا بالـديـار المخيـفـه

ودار ٍ به الحقـران ماهـي لنـا دار

حتيش لو صـارت خصـاب مريفـه

وحنا لك الله مـن بعيديـن الاخبـار

والنفس ما نلحـق هواهـا حسيفـه

حلويـن للصاحـب وللخصـم قهـار

وعدونـا لـو هـو بعيـد نخيـفـه

حنا كما المشخص عن الصرف ما بار

بالوزن يرجـح والمصـاري خفيفـه

وتلقـى منازلنـا رفيعـات واخيـار

والرجل عن دوس القصايـر حفيفـه

لابد مـا نسجلهـا تواريـخ واذكـار

وتبقى لدسميـن الشـوارب وظيفـه

الا ومـع ذلـك لـك الله لنـا كـار

عن جارنـا ماقـط نخفـي الطريفـه

نرفا خمال الجار لو هـو بنـا بـار

ونضحك حجاجـه بالعلـوم اللطيفـه

ولا نبدي الخافي لاصـار مـا صـار

وندمح خمال الجار لـو بـان حيفـه

ونرفا خماله رفيـه العـش بالغـار

ونودع له النفـس القويـه ضعيفـه

والجار له قيمـة وحشمـة واعتبـار

وجارتنـا عـن كـل عايـز عفيفـه

ما زارهن مـن يبغـي الحيـف زوار

الا ولا عنـهـن نــدس الغريـفـه

نبيـه إليـا بـدل الــدار بـديـار

وكـل بجيرانـه يـعـد الوصيـفـه

نكرم سبـال الضيـف حـقٍ وتعْبـار

لا من ولـد العفـن شـح برغيفـه

أحد ٍ علـى جـاره بختـري ونـوار

و احدٍ على جـاره صفـاتٍ محيفـه

وصلاة ربي عد ماخضـر الاشجـار

على الرسول اللي علومـه شريفـه

ماشاء الله القصيده حلوه بصراحه بس ما نحس انها قصيره

يا راكبا من فوق عجلات الاقـران @@ حيل وتو اجلوسهن وافياتـــي
قب الضلوع الغزل نباي الامثان @@ نثل النعايم يقرشن مقفياتــي
مدن من اللجون يوم الشفقـان @@ باطراف حوصه للعشا ممرحاتــي
يا رسل يا مرسال كا انت عطشان @@ وردهن الهوجا قراح اثواتـي
تراك منها تروح تيما باليقـان @@ عند الغنوم دلالهم متعباتـــي
ادناهم اللي يوسد الزاد خرفان @@ يحي بهن لا شافهن مقبلاتــي
اليا حلت الهرجا بقصر ابن نجران @@ طلق ينشدهن عن الماضياتـي
قل كون ٍ جرى مابين بشرة وعرنان @@ يبري لهودٍ بالحشا مسملاتـي
امسى حلالٍ عندهم تقل ضلعــــان @@ واضحى الضحى وبيوتهم خالياتـــي
غدوا شتات ٍ بين كافر وشيطـان @@ من ضرب أخو عليا مسيس الهواتي
سلحاننا بايماننا تقل غــدران @@ صنع النصارى منحظات الشواتي
ياما خذوا بخشوم من شيخ عــربان @@ صباح شوف العين ماهو بياتي
والله لو أني ورا شط عمـــــــان @@ لاجيك بشيخ مثل صيت الزناـي
أبي الثواري شرب قالط وهــدلان @@ ما أقول أنا هرج بليا ثباتـي
وعينيك بالغف الطرايف وحلوان @@ والشرز ما داجن به المرزباتــــي
تحدروا وحدركم اله بنقصــان @@ حظط لجابين الصفا والحذاتـي
وأن ساعف الله غير تزبن لحبران @@ تزبن على شمر هل الطايلاتـي

يا مل عيني ما يلجلج همهـا @@ والكبد عيّت عن لذيذ الطعام
المرجلة ماهو سريع خمهــا @@ حفر قليب وبالتهيار هـــــدام
تحفر وتطوي لين يصفي جمهـا @@ واليا ركد يركز عليه مقــــام
ترى عليك يا شيخ حقنة دمها @@ قبل يسمك باللفوف قتــــــام
هو كيف بنت الشيخ تاخذ عمها @@ وملاك من غير الرضا حرام
هنيت هدر ٍ ما بلش في لمهـا @@ واليا ملي بطنه يريد ينـــــام

فعلا قصائد من ذهب

حياك الله يالمرتعد

نشكرك اخي المرتعد
على الاختيار الجميل من القصائد

قال عبدالله بن دهيمش بن عبار هذه القصيدة بالتضرع والدعاء وطلب ‏
الهداية من الله وقد تفاعل مع هذه القصيدة عدد من الشعراء : ‏


يـا لـلـه يـا رحمـن يـا خيـر مطلـوب . يــارب غــيــرك مـالــنـا رب ثــانـي

يـالله يـا جالي صدى حـزن يعـقـوب ... عـقـب التـوجـد والـرجـاء والتماني‏

يـدعي ودمع العـين بالخـد مسكـوب ... يـا رب يـا رحـمـن تـرحـم كـيــانــي

جاه القميص وشم بـه ريح محبـوب ... وعـاد البصـر من يوم جته التهاني

يـا فـارج الشـدات عن عبـدك أيـوب ... أطـلب نـجـوحي كـان صار أمتحاني

في ساعـة يلفح على الوجه لاهـوب ... يـوم الحشر به واهج الشمس داني‏

أجسامنا تجـزع مـن البرد والشـوب ... والـنـار مـا نصـبـر عـليهـا ثـوانـي

يالـلـه لا تجعـــل لـنـا بالخطـأ ذنـوب ... نـطـمـع بعـفـوك يـا كثيـر الحسانـي

يـا غـافـر الـزلات يـا قـابـل الـتــوب ... عــلـيـك يـا رب المـلأ صلـح شـانـي

‏ لك ابتهل تجعل مسيري على صوب ... وعـلى الصـراط المستقيم أتهدانـي‏

عساي أكون من أهل الخير منسوب ... وأطـاوع الـلي عـن خـطايـه نهانـي

نـويـت أوفـر لحيتي وأقصـر الـثـوب ... وأشوم عن لعـب الورق والأغانـي

نويت أغض الطرف عن كل رعبوب ... وأكـف عـن شعــر التـغـزل لسـاني

وأعرض عن الغايب ولوفيه شاذوب ... وأصفح عن اللي في كلامه هجاني

والعـبـد مـا يلفـظ مـن القول مكتـوب ... يـا رب مـن ظلـم الـعـبـاد أتحمانـي

أعـوذ بـالـرحمـن عـن كـل مغـضوب ... قــريـن ســؤ ولـلمعـاصـي دعـانـي

أبليس أخـو مره عـلى الشر منـدوب ... يـا رب عـنـي تـقـعـلـه كـان جـانـي

مـن طاع شوره عرضه كل عـذروب ... حـتـى يحـطـه فـي وضيـع المكانـي

عصر الجهالـة زل والعـمر محسوب ... الـعــمــر مـهــمـا طـال لابـد فـانــي

دنياك يـا لغـافـل بهـا الوضع مقـلوب ... تـرمـيـك مـا بيـن العـلا والطمانـي

يـا مـا هفابـه مـن جماهيـر وشعـوب ... راحـوا وساقتهـم ظـروف الزمانـي

مثـل السفينـة ساقهـا مـوج سالـوب ... يلعـب بهـا العاصوف دون الموانـي

لاشـك مـن لا يـتـبع الحـق مـغـلـوب ... ولا يسهـج الواجـب لكـود الهـدانـي

يـا حـميّـد الملفي بـالأضلاع لا تـوب ... ومـن بـان شيـبـه فاختـتـه الغـواني‏

لا تخـاوي الا كـل طـيـب ومـنجــوب ... خـاوالفهـود ولا تخـاوي الحصانـي

وأبعـد عن الـلي عنده الحظ مجلوب ... يضحـك عـليـك وتحسبـه معشرانـي ‏

تـم الجـواب وطيّـب القـول مرغـوب ... يخـتـم بـذكـر الـلـه وذكـره كـفـانـي

وصلوا على من سار في كل ماجوب ... المصطـفـى نـزل عـلـيـه الـمـثـانـي


وتقبلوا تحياتي......