ابيات مساجلات جديده - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

08-25-2024, 07:03 AM

قال بشير العبدلي المطيري قناص الشمال هذه الأبيات يسند على زميله عبدالله بن عبار :
البشـت هـذا بشتكـم يا ابـن عـبـار *** اعـتــز في هـديـتـك يـا ابـن وايــل
ولاهي غريبه منك يا وافي الأشبار *** يا سـاس قـوم يكسبـون النـفـايـل
يـاعـل يـفـدونـك قـريبـيـن الأنـظـار *** الـلي يجيـبـون الـردى والفشـايـل
هـتامـة المجـلس عديمين الأبصـار *** الـلي سوالفهـم ضعوف وهـزايـل
قال عبدالله بن عبار هذه الأبيات مجاراة لأبيات الشاعر بشيّر العبدلي :
تعيش يا الـلي لعاكـف القـرن جـزار *** في وقت ساعات الضحى والقوايل
بالبنـدق الـلي مقيسـه وزن وعـيـار *** يـامـا رمـت جـزل الوعـول الجلايل
ولـك مجلسٍ ينفـح بـه البـن وبـهـار *** وعـلـوم مـن منتوج فكـرك صمايل
من زار ديوانك يجـد طـيـب الأخـبـار *** ومن بعدهـا عيتا من الضان حايـل

وهذه الأبيات من شعر الهجيني ارسلها : الصارم عبر توتر :
ودوا سـلامـي لأبـن عـبــــار *** الهيـلـعـي طـيـب السمـعـه
لـه مجـلـس يـبهـج الخـطـار *** نـاس عـلى الـعـز مجـتـمـه
تلقى علومه قصص واشعار *** وعـنـده رجاجيـل مستمعـه
والـبـن فـي مجـلسـه يـنـدار *** عـلى النشاما ماهـي خمعـه
يـفـداه هـيس قصيـر اشبـار *** هـلـبـاج ويـديــه مـنـزمـعـه
عـفـن وحـقـيـر مـالـه مقـدار *** نـفسه عـن الطيـّب منقمعـه
وهذا جواب عبدالله بن عبار رداً على الصارم :
تـعــيـش يـالـصــارم الـبــتـار *** يا صايـب الـراي والـرمـعـه
لـك الشكـر يـا عـزيـز الجـار *** يا الـوايـلي عـرفتـك طـمـعـه
ابـشـر تـراني مـانـي محتـار *** مـن كـلـمـة الـنـذل والأمـعــه
الجـهـد تـشـهـد لـه الأخـيـار *** والهـيس والـلاّش منصمـعـه
والجاحـد الـلي جحـد بأنـكـار *** مـا يطـفي الـنـور والشمـعـه
من الحسد صابه كمد واكدار *** مـالـه سـوى النوح والدمعه