هذه الأبيات طلب مني نشرها بالموقع أعجاباً بها من بعص
الأخوة وهي تعبّر عن عزة النفس والتمسّك بالصديق الوفي

سرحت مع طيف الخيال ورحـل بي *** أسري وارافـق هاجسي واعتـزلبـه
ما ودي أحـد مـن المـلأ يـبتحل بي *** اقفـل عـلى غيض المشاعـر بعـلبـه
عن ما يعيب النفس فكري شهل بي *** والهون ذل ولا ربح من عمل به
للحيف وعلوم الردى ما نزل بي *** حيث الشرف ما جاز بيعه وجلبه
مـا دام خـلاق الـعـبـاد اكـتـفـل بـي *** بـه اكتـفي مـالي عـلى الخلـق طلبـه
نفح الصدور المغرضة ما هبل بي *** أمشي عدل وأوطـأ عـلى قـاع صلبه
ومن صد عني عافني ما قبل بي *** نار الحسد في ضامره تشتعل به
أجنب اللي من العـرب ما شبل بي *** ومن لا حفـظ مـودتي مـا انشغـل بـه
صديقي اللي أن ماتصلت أتصل بي *** وأن ما اتصل واجب علي اتصل به
أكــن لـه كــل الـمـحـبــه بــقـلــبـي *** ويـكـن لــي كـل الـمـوده بــقـلـبــــه
أن جيت رحب وأبتهج واحتفـل بي *** وأن جاني أدي واجبـه واحتفـل بـه
يفهم مقـاصد غـايتي مـا جهـل بـي *** صحبـة نـقـا مـالـي مطامـع بسلبـه
وقت اللزم ما موقفه قيل سلبي *** المرجله والطيب فاز ونفل به
لو أشتكي من جاير الـوقت غـلبي *** بالحال لبى مطلبي واعتجل به
وأن كان دالوب الليالي فتـل بـي ***جـاهـه ومالـه يـبـذلـه مـا بخـل بـه
ولا الـردي كـوبـان مركاض هلبي *** مـا سـر بـال الـلي نصـاه ودخـل بـه
يفداه الـلي من ثقـل نفسه يعلبي *** كـن الـخـلايـق مـن نحـانـيح صلـبـه
ويفداه الـلي بحلـوق الأجـواد يلـبي *** والـيـا لـقـا غـرت رفـيـقـه دجـل بـه
ودنـيـاك ما دامـت لقيصـر وفـلـبي *** مـن صـارع ظـروف الليـالي تغـلبـه
يا مكثر اللي قال وقتي فعل بي *** جار الزمان وعضني ناب كلبه
مـا هـي بكثـر الغـربشه والتشلبي *** كانـه غـرز ضرع الـزمن من يحلبـه

وهذه القصيدة القيتها في يوم الخميس الخامس والعشرون من شهر ربيع الأول 1431هـ
في حفل أقامة رجل الأعمال المعروف فهد بن محمد الطوب على شرف رجل الأعمال
هزّاع بن عايش أبا الروس العنزي بمناسبة فوز أبله في مزاين الأبل بأم رقيبة:

قلت افرحوا واحتفلوا اليوم ياعنـوز *** بالـلي بطيـبـه تـفـتخـر كـل عـنّـاز
هـزاع مبـطي عـادتـه يـدرك الـفـوز *** ولا هي غـريبة بالمزايـن إليا فـاز
زايـن بـذود مـن المغـاتـيـر مـفـروز *** ترجح على الراعي الياطوّح العاز
وأن هاز قعدتها براس العصى هوز *** تـأتـيـه دكـلـه كنهـا الخـيـل بـلـزاز
يـستـاهـلـه حـيـثـه مكـرّم ومعـزوز *** مجناه مـن لابة حشيمين واعـزاز
مـا دوّر الشهـره ولا قـصـده بـروز *** سهل الجناب بحسن الأخلاق يمتاز
ولا كـل مـن يملك عقـارات وكنـوز *** مثلـه عصامي للوطن يعـمل انجـاز
مـهـد طعـاميـسٍ بطـانيجهـا حـزوز *** من عقب ما كانت مهالش ومغراز
بـه همـة الواثـق وبـه ثقلت الـروز *** اشـم وأشمـخ مـن شواميـخ خـّزاز
كالحيـد يحجي عن هـواجيـر تمـوز *** مـا حـركه هوج العواصف ولايهاز
يا ما نصاه الـلي شكاله مـن العـوز *** ويـا مـا تبـّرع مـن حـلالـه لمعـتـاز
يلجـالـه الـلي مـن الديـايين ملـزوز *** والشايب الـلي ثالث الرجـل عـكّـاز
شـهـم ويـتـلـه لـلـجـمـالات حـافـوز *** مـثـل القطـامي كـل مـا تـندبـه نـاز
حيثه شبيه الـلي لـه الوكـر مركوز *** صقـر الحـرار الصيرم النادر البـاز
هـزاع رمـز وكـل عـزوه لها رموز *** صيته شهر بالطيب في نجد وحجاز
هـزاع عن فعـل الفخـر قـال ماجـوز *** الدهمشي للطيب والمـرجلـه حـاز
حـاز النجـاح وحاسده بـات منحـوز *** وأهل الحسد بعيونهم شك مخـراز
لـه السـلام مـن الشغـاميـم مـكـزوز *** رمز الوفاء منقوش أسمه أبـرواز
نمدح جنابه والـردي بالـف هامـوز *** ولاني بحال الـلي من الناس همـّاز

عجّزت الشواعير يابن عبار

عزالله هذا القصيد ماهو نكث القنوات اللي نشوف

بحر يا أبا مشعل ... وإن كان للقصيد سادات فأنت من أكابر ساداته ... صح لسانك يا أبامشعل ووفقك الله لماتحب وترضى....

بسم الله الرحمن الرحيم

السلام عليكم ورحمة الله وبركاته

لا فض فووووك ياشاعر بني وائل 00 والله ان اسمك فخر وتاج على راس كل وايلي عنده غيره وحمية للقبيلة 000 عــسـى عــمـرك مــدد بــلا عــدد يـابـو مـشـعـل 0

الأخ أبو هديل :
شاكراً ومقدراً شعورك الطيّب نحونا وسبق وأن قلت :
ما داموا الأجواد بي معجبيني *** ما همن الأنذال لو يكرهوني

بسم الله الرحمن الرحيم

لاضاق بالي جبت فنجال صيني *** لعل دسمين الشوارب يجوني

فعلاً أبو مشعل صرح شامخ بكل معاني الرجولة والكرم والطيب وحسن الخلق وقد قال من قصيدة له 0

والحمد للمولا عن الكبر مكفول 000 دام الله عزك واطال في عمرك على الطاعة 0 شاكراً مرورك المعطر بأريج الورد والريحان 0 (( أبـو هــديــل ))

الأخ أبو هديل شكراً لك على الأطراء والأعجاب وإليك وإلى القراء مع التحية القصيدة التي منها البيت التي تمثّلت به :

قال عبدالله بن دهيمش بن عبار هذه الأبيات :
البارحـه عـيـت عـن الـنـوم عـيـني *** وهاضت من الخاطر روابع شجوني
الـبـوك جـاهـز والـقـلـم فـي يـمـيني *** والـبال يـمـلي مـن قـوافـي لحـونـي
إلـى ضاق بالي جبـت فنجال صيني *** لـعــل دسـميـن الـشـوارب يـجــونـي
الـلـي يـريـد مـن أصـدقـايـه يجـيني *** ولا أتـوبع اللي من العـرب جنبونـي
مـن صـد عـني مـقـصـده ما يبـيـني *** لـوهـو سليـل الجـد عـندي يـهـونـي
ولا أحب انـا رفـقت خطات الدوينـي *** أكـره قـبـال الـسـافـلـيـن العـفــونـي
أشـفـق عـلى الأجـواد والغـانـميـنـي *** ولانـي لعـفـنـيـن الـمـزايـا زبـونــي
الـلاش مـا هـو بـا الـلـوازم ظـنينـي *** لو جيت لـه ملـزوم خـابـت ظنـونـي
شـيـن الضمـايـر لا تحـطـه خـدينـي *** طبعـه بيوق ولـو حلـف لـك يخونـي
عـقـب التجـارب بـاح خـافـي كنيـني *** قـلت الصراحه والحسود أمغبـونـي
والـحـمـد لـلـه خـايـبـه حـاسـديـنـي *** بـأمـر الـذي لا قـال كـونـي تـكـونـي
بـذلـت مـجـهـودي وربـي عــويـنـي *** وأصـبح نـوادر لابـتـي يشـكـرونـي
دام الـكـرام الـصـيـد بـي مـعـجـبيني *** مـا هـمـني الأنـذال لـو يـكـرهـونــي
بيـض القلـوب بهـرجهـم منصفيـني *** وسود القلوب أهل الحسد يشمتوني

اخي ابو مشعل بارك الله فيك وقصائد جزله و فقك الله لما يحبه ويرضاه