النــمنمــــــه والـهمـهمه للســقـيمـي = والحـسـحـسـه والـدسـدسـه للمساكـين
والـواعي اللي فـيه عقــل وحلـــيمـي = يفـهـم هـدف معـنـاي فـي كـل تمعــين
ماحـط اخـويه وابـن عمـي خصيمــي = من ذا الــذي بصابعـه يفـضخ العـــين
وإذا جهـل معنـاي خـطـوا الغـشيمــي = مانــي مـــدرس للــذكـاء للـغـشـيمـين
مانـــي بمكفــولــن تخطــو الخـيـمـي = اللــي يلــوخ الهــرج وسط الديــاوين
زبــدة كــلامــي للـعــروف الفهيمــي = وإلا ضـعيـف العـرف مااقـوله ويــــن
نـقـدت فـي شعـري اخصال الذميمـي = عمـيـت مـاخـصـيـت حسان وحســـين
شــاعر فكـر واطـرح فكـر للحكيمــي = مانـي مشـرع فـي نـظـام القــوانـــــين
انا بـشــر مانــي لموســى كلـيـمـــي = اللــي علـم نـيـة نـفـوس الخـبـيـثـــين
مانــي بمـكـنــون الخـفـايـا عـلـيـمي = ولاني محسن صورة الهــزل تحســين
وتفكيـر بعـض الناس ماهـو سليمـي = بنفوسـها ضـاعت ثـقـتـهـا لهـا سنـين
واللـي ذكـرته مايـنـوش الحشيــمـي = ومعنـاي واضـــح للـرجـال الفـهـيـمين
وإن سبـنـي خطـوا الحسود اللئيـمي = صـديت تـقـديـرن لرؤوس الحـشـيمين
مانـي من أقوال الردي مستضيمـــي = ومـن قـال قـول يـبـيـن الاسـم تـبيــين
وتـرى التخـفي والحيـا للـحـريـمــي = وإلا الـرجال رجــال عكـس الخواتــيـن
مالـي مـع صفوف الجماعه غريمـي = إلا الحـسـود اللـي يبــي لــيـه الـشــين
ومن شك في نفسه ماهو مسـتقيـمي = يطـبق علـيـه مـن الكــلام الـعـنـــاوين
منـي تحسـس كل فـكـرن عـقـيـمــي = حلـل غـلـط واخطا الهدف والنياشـــين
واللـي لفـعل المـرجلـــه مايـقـيـمــي = علـى الـردى مـانـي وكيـل الــرديــيـن
مايـنـفـع المـجـد الـتـلـيـد القـديـمـي = لاصار حاضــر صاحبه صفر الايــديـن
ياصاحـب العـزم النشيـط الهـميـمـي = اخـتـار مايـعـجـبـك مـن بـين الاثـنــين
ما دام ما خصيـت شيـخ وزعيــمـي = لا تـعـتـرضـنـي تعتـرضـك الشياطــيـن
كانـك كـريم وفــي خلاقـك كريمـــي = باالـنـقــد ماتـطـبق علـيـك التــلاحـــين
وكانك ذميـم وباالكبــر مسـتـديمــي = يطبــق عليـك الشـين مايـطـبق الــزين
هذا الكـلام لكــل رجـــلٍ صـريـمــي = الزيــن كـفـوه زيـن والشـيـن للشـــين
وصلو عدد صافي هبــوب النسيمي = علـى الـرســول اعداد سجد المصــلين

السلام عليكم ورحمة الله وبركاته

تسلم والله يا راع العشوى وسلم الله الشاعر خلف بن محدى على هالقصيدة الجزلة المعبرة

أبو فراس الحمداني له بيت شعر أحفظه ودائماً أكرره وقد ذكرتني به وهو :

إن الغني هو الغني بنفسه = ولو أنه عاري المناكب حافي

كذلك ذكرتنا بقصيدة الأخ الكريم خلف بأبيات لا أعلم من هو شاعرهن وأعتقد إنه إبن حميدان حين قال :

لقيت بالعبيد عبدٍ هيلع=كل المراجل في يمينه تذكرا
ولقيت بالأحرار حر ٍ باطل=بنصيف ملح لو يباع ما يشترا
لقيت حي القلب فيه امروه=والخبل ما يعطيك من رطب الثرا
لو بتمنى ما يموت ثلاثة=وباقي الجماعة موتهم حقٍ ترا
الظفر بفعله والكريم ابماله=ومن هو يخلص مشكلٍ بين الورا
وباقي الجماعة عند ضيفٍ بديره=كسر العراقي بالجماعة أكثرا

سلمت يمينك يا راع العشوى على إيراد هذه القصيدة الكريمة وصح لسانك أخي مرةً أخرى ولسان الشاعر خلف بن محدى حتى يرضى ..

وكونوا جميعاً برعاية الله عزيز الجلال وحفظه .