أبيات من الإرشيف أرجو أن تحوز على رضى الجميع

{ بعض المجالس }

إسمع وانا أدري صحيح العلم ماغرّك=خذها نصيحه وفي ماقول لك فكّر
لاشفت مجلس ونس للراحله برّك=واحرص تجيله وباسرع وقت ومبكّر
بعض المجالس ليامن جيت له سرّك=تسلى ولو إن جوْك كان متعكّر
وبعض المجالس ليامن جيت له ضرّك=ويسبب الضيق لك والضغط والسكّر
تسمع كلام ٍ مثير يزيد من حرّك=من فم رديِ ٍ بثوب الطيب متنكّر
هرجه يخلّ المشاعر فيك تتحرّك=غادي جدى في شعور الناس مافكّر
أطلق عنان الذلول وفوقها ورّك=بمسيلمه كذبه يفطنك ويذكّر
وفي حزة الموجبات يصد ويفرّك=للشّمت واللوم لاحسّب ولافكّر
عند الردي لاتبوح وتبدي بسرّك=ولاتامنه يقلب التانيث لمذكّر
وإثبت لايغدي بك العاصوف لامرّك=خلك كما الحر فوق النايفه وكّر
واحفظ لسانك وفك الناس من شرّك=وباب القشر لاتفكه خله مسكّر
والمجلس اللي لقول السوّ يجترّك=ودعيت له هات عذر وقول متشكّر

وسلامة الجميع

والمجلـس اللـي لقـول الـسـوّ يجـتـرّك

ودعيـت لـه هـات عـذر وقـول متشكّـر

صح لسانك . يا الضوي وين نغدي كل الي تقوله موجود . هل نتمشى بهذا البيت ونتكل على الله

متعب الفققي


صح بدنك يالغالي
والله مثل ماتفضلت مجالسنا هذه الأيام قل أن تخلوا من هذه الأمور
ولكن المشتكى إلى الله
ومن الصعب التقيد بالبيت الذي انت أقتبسته
إلا أننا نحاول بقدر المستطاع والله يهدينا إلى المجالس الطيبه
و يوجد هناك مجالس كثيره طيبه ومفيده إنشاء الله
الف شكر على مرورك العاطر


تحايا

الأخ حمد الضوي هذه الأبيات منطبقة مائة بالمائة على الكثير من المجالس والعياذ بالله ولكن رسولنا الكريم صلى الله عليه وسلّم حدد نوعية المجالس والمجلس الذي يتحدث به صاحب الصفاة الواردة بهذه القصيدة فأن من يجالسه يقوم عن جيفة حمار ونقول صح لسانك وأحسنت على هذا القول الطيّب سواء القصيدة لك أو من محفوظاتك وهي على كل حال قصيدة عصرية وواردة والله يرعاك

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

الأخ حمد الضوي هذه الأبيات منطبقة مائة بالمائة على الكثير من المجالس والعياذ بالله ولكن رسولنا الكريم صلى الله عليه وسلّم حدد نوعية المجالس والمجلس الذي يتحدث به صاحب الصفاة الواردة بهذه القصيدة فأن من يجالسه يقوم عن جيفة حمار ونقول صح لسانك وأحسنت على هذا القول الطيّب سواء القصيدة لك أو من محفوظاتك وهي على كل حال قصيدة عصرية وواردة والله يرعاك

شاعرنا وأديبنا ومؤرخنا

ابو مشعل

حفظك الله ورعاك

كلامك صحيح طال عمرك . ومرورك شرف كبير بالنسبه لي

أما قولك( سواء القصيده لك أو من محفوظاتك)

أحب أوضح لك أن القصيده لي

ولو كانت ليست لي فلابد أن أنسبها إلى صاحبها أو أذكر أنها منقوله

وذلك حفظ ٍ لحقوق الغير

و لما أقول من الإرشيق أقصد بذلك إرشيف قصائدي القديمه

( للإيضاح فقط )

أكرر مرورك شرف

تحياتي لشخصك الكريم

السلام عليكم ورحمة الله وبركاته

لا فض فوك أخ حمد على هذه الأبيات التي تنم عن واقع وعن تجربة ثاقبة عما شذت به بعض المجتمعات والمجالس التي لم يعد بها لصاحب الكرامة موقعاً أو مكانة ..

فصح لسانك وبنانك حتى ترضى وإلى مزيدٍ من فرائد الشعر الذي ننتظره منك أخي الكريم وفقك الله ..

محمد بن دوهان


صح بدنك ومرورك شرف وفخر بالنسبه لي
بارك الله فيك وكثر من أمثالك
شاكر ومقدر يالغالي




تحايا

بسم الله الرحمن الرحيم

الاخ حمد الضوي صح لسانك على الشعر الشعبي لانه مطابق للحياة لان المجالس مدارس تفيد وتستفيد حتى ولو كنت غير مرتاح تسمع الكلام الطيب والردىء لكن العاقل والفاهم يستمع ولايتأثرلان الناس متفاوتين بالعقل بهم من يكون غانم وبهم من يكون ردىء ولذا يجب على الشخص ان يحفض لسانه ويجعل باب الشر مسكر 0 000 تحياتي 0

حميد الرحبي



صح بدنك ومرورك شرف




تحايا

الاخ والشاعر حمد الضوى صح لسانك


قصيده تعبر على واقع ملموس هذه الايام


ولكن نقول الذى بالقمه مستهدف


والنخل يرمى بالحجر وهو مثمر


صح لسانك واعتلاء شانك قصيده من مشاعر شاعر تقبل تحياتى