قصيده محزنه

قصيده شاب صار له حادث وكانت امه معه وتوفت نتيجه هذا الحادث وكتب الابيات هذه للي يواسونه






يواسيني وانا الميت وحالي يجبر الدمعات




تسيل من الذي فيني ويبكي وهو يواسيني



وانا ابكي واتنهد وارسم بالحزن لوحات




يجبروني عشان امشي ورجلي ما تمشيني






قتلت رعايتي بيدي قتلت الحب والرحمات




حرمت النفس من حقها وانا ابكيها وتبكيني



وكنه حلم قدامي يقيدني من الصرخات




ابي اصحى ولكني عجزت القى الي يصحيني





فداك القلب يايمه ومهما قلت من كلمات




صغيره في كبر حقك بس اتمنى تعذريني



نهبت الفرح من بيتي صحيح اني خسيس الذات




صحيح اني ولد طايش وكل ما أسمعه فيني







تجول عيونهم فيني تفصل مني قياسات




وتشيح وجوههم عني وكني غيرت ديني





يظنوا حزنهم اكبر وهم اصحاب هالمأساة





وانا اتحدى اذا فيهم ربع مايحترق فيني








نقص قدري بعد موتك وغابت نشوة اللذات




وصار الهم عكازي اباكيه ويباكيني



عطيتيني بدون حساب ولا سمعتك تقولي هات




وانا اشرب حيل من دمك ودمك ما يكفيني






يايمه ارجعي كافي ابجلس معك لو لحظات




واقبل ايدك ورجلك وافرش لك رمش عيني





يايمه ما تحملهم يقولوا فات ماقد مات





تعالي غيري هالقول واطيعك باقي سنيني









واترك عادة التدخين وانفذ ما تبي بسكات




واصلي الفجر في المسجد قبل منتي تصحيني





يايمه ارجعي تكفين وطفي شمعة الآهات





ابيك انتي ولا غيرك على موتك تعزيني









وضميني وداويني مثل ما كانت الهقوات




ما ابي احدن يواسيني ابيك انتي تواسيني





دخيلك بس لا تبكي اذا شفتي بي الدمعات





انا مقوى ابكيك اذا انتي تبكيني








اللهم أغفر لآبائنا وأمهاتنا



اللهم اجعلهم في بطون الألحاد



من المطمئنين ونور لهم في قبورهم


وأفسح لهم مد البصر يا رحمن يا رحيم


منقول

الأخ حميد الرحبي أحسنت النقل وأنها لعبرة لمن يعتبر وهل يوجد في بني آدم من يعوض بالأم والأب ؟ الله يهدي كل ضال

الاستاذ// ابو مشعل المحترم

لنا ولهم الرحمه... تحياتي لكم على المرور