رجال من قبيلة عنزة لهم مواقف مشرّفه - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

05-27-2019, 12:24 AM

رجال من قبيلة عنزة لهم مواقف مشرّفه

الرجل الفاضل حمود بن عبدالرحمن الشبيب الرباعي الحسني من السلقا من العمارات رحمه الله من أهل حريملاء ثم من أهل الدرعية كان والده رحمه الله من خواص الأمير عبدالعزيز بن مساعد بن جلوي أمير حايل رحمه الله وعيّن حمود الشبيب وكيل أمارة عرعر في بداية تولي الأمير عبدالله بن عبدالعزيز بن مساعد ثم عيّن أميراً لحفر الباطن وكان له مواقف مشرفة مع جميع سكّان تلك المنطقة ثم عيّن محافظ لمدينة الخرج حتّى تقاعد وكان مثال يحتذى في التواضع والعفة وحب الخير وحل قضايا الناس ويتّصف بالكرم وبعد النظّر وهو يقدّر الرجال وينزلهم منازلهم وتوفي رحمه الله وهو لم يكمّل بناء بيته لتقشفه وعفته وكان رحمه الله لي عنده وجاهه وتقدير هو وأبنائة ومن ذكرياته قلت هذه القصيدة أثني عليه لما له من مواقف معنوية مشرفّه وقد ضمنت هذه القصيدة ديواني ديوان الوائلي :
* وقال عبدالله بن دهيمش بن عبار العنزي هذه القصيدة يثني على سعادة
الشيخ حمود بن عبدالرحمن الشبيب محافظ الخرج سابقاً :

سار القلم يكتب على بيض الأوراق *** وسجلت من نظم القـوافي صفايـح
مـا قـلـت منظومي منـافــق ومـلاق *** لا شـك اعـبـر بالعـلـوم الصحـايـح
ولانـي لمعنـا صاحـب السبق بـواق *** والقـاف بـه عبـره وفـن ونصايـح
قـلـته وعـنـد الـلـه تقاسيـم الأرزاق *** وعرف الرجال الصيد فود وربايح
الـلي نـوده صـوبـه الـرجـل تنسـاق *** لـو حـال من دونـه جبـال وبطايـح
يـا أبـو فهـد والـلـه نـودك ونشتـاق *** كـمـا تـشـوق لـلـمـزون الـفــلايـح
إلـى علهـا مـن ناشي المـزن بـراق *** ديـم جـعـل بـيـد الـفـيافـي سـفـايـح
يا شيـخ نهـديـك التحيـة والأشـواق *** ولا فــلا تـوفـي ثــنــاك الـمــدايـح
شعـر المـديح بغـيـر الأفعـال ما لاق *** ومـدح الحمايل بـه طرايف ملايـح
فيـك الشهامـة والمكـارم والأخـلاق *** ما تنوصـف مهمـا تفيض القرايـح
مجنـاك من ربـاع يا زاكي الأعـراق *** حمايـة السـاقـة إلـى صـاح صايح
نهدي عليك من الضماير والأعماق *** سـلام مـثـل الـورد زاكـي الروايـح
وأنـت الـذي فعـل المكارم بهـا فـاق *** والطيـب مبطي لـه نظـام ولـوايـح
شلت الثقل يا حمود لو كان مايطاق *** إلى ماج عن شيل الثقل كـل طايـح
والـلي يروم المرجـلـه دربهـا شـاق *** مـن صعـبهـا مـا رامهـا كـل دايـح
حصلتهـا يا حمـود عساك ما اتعـاق *** ويـعـل مـا تـنـدب عـليـك النـوايـح
دون الدنس والعيـب حطيت مغـلاق *** تـرفـا الخـمـال ولا تـدور الفضايح
مفـاخـر اجدودك قـديمـات واعـتـاق *** امجـاد ورث اللي برمس الضرايح
يا حمود عاداتك على الطيب سبـّاق *** بـيـتـك يـروده كـل غــادي ورايــح
وأنت الذي يا حمود للطيـب عشّـاق *** رمـت الفـخـر قـبـل تبـين اللـوايـح
عـن الكرم ما بك تكاسل ولا ارهـاق *** مـن عـادتـك تقليط عـيـت الذبايـح
وإلـى نصاك الـلي لمـر الشـري ذاق *** يشكي عـليك المعضلات الجوايـح
يـعــود كـنـه لاعــقٍ شـهــد تـريــاق *** يضحك طرب عن قلبه الهم زايـح
تأتي هـل الحاجات من كـل الأشنـاق *** وينصاك من قـلبه من الغبن فايـح
وتـحـل بـالحـكمـة مبـاهيـم الأحـلاق *** والـطيـب بسلـوم الحـمايـل منايـح

سوف أحاول نشر ملخص من مواقف رجال عرفتهم