السلام عليكم

وش رايكم كل واحد يدخل هالموضوع يوميا ويختار كم بيت أعجبه ويكتبها هنا
سواء للوالد الشاعر عبدالله أو من الشعراء الذين حصل بينهم وبين الوالد مساجلات ...

أنا أبدأ بهذه الأبيات التي أعجبتني للشاعر سليمان المانع ثم أترك لكم المجال لنثر ما أعجبكم من أبيات أو قصائد هنا ...

كان الشعر يابن الهرم جابـه اهرام *** الـلـي قـصـيـده كـان كـلـه احـمـيـا
كـم صال جـال وضل ثابـت ومقـدام *** عـلى عـنـزة مـا ساوم الـكـل عـيـا
هو جامعتـك الأولـه يا أبـن الإكـرام *** لـو كـنـت كـان الجيـل كامـل ولـيـا
موقف شعر شعر المواقف إلـى قـام *** تجـلس تـحـت يـده القـوافـي تفيـا
الـرايـد الأكـبـر عـلـمـنـا بـالإعـــلام *** الـثـقـل لا خـف الـغـشـيم وتـعــيــا
أنـا افـتخـر بـه قبـل كنتـم بالأرحـام *** هـو لعـنـزة مـن دون هـذي وذيــا
حتى اسأله ما انته لنا قلتها اشمـام *** وأنـتـه لـنـا مـثـل الـقـمـر للـثـريـا
يـا أستـاذنـا يا معجـم الفـكـر مـادام *** جـاء وقـتهـا مـا كـل فـرصه تهـيـا

اخي وائل العبار شكرا على الموضوع الجميل

وإليكم هذه القصيدة الشهيرة :

للأمير محمدالاحمدالسديري رحمه الله
والتي يقول فيها
يقــــــول من عدا على رأس عالي
رجمن طويــــــــلٍ يدهله كل قرناس

في راس مرجو من عسير المنالي
تلعب به الأريــــــاح مع كل نسناس

في مهمهن قفرن من الناس خالي
يشتاق له من حس بالقلب هوجاس

قعــــــــــدت في راسه وحيدٍ لحالي
براس الطويـــل ملا بقه تقل حراس

متذكرٍ في مرقبــــــــي وش غدالي
وصفقت بالكفيـــــن ياس على ياس

اخذت اعد ايامهـــــــــــــا والليالي
دنيــــــــــــا تقلب ماعرفنا لها قياس

كم فرقت مابيـــــــــن غالي وغالي
لوشفت منهـــــا ربح ترجع للافلاس

ياما هفا به من رجــــــــــال مدالي
ماكنهم ركبـــــــوا على قب الافراس

ولا قلطـــــــــــوهن للكمين الموالي
ولا صار فوق ظهورهن قطف الانفاس

ولا ردد واصم الرمــــــــك للتوالي
كلن يبـــــــــــــي من زايد الفعل نوماس

من بينهم سمر القنا والســــــلالي
مثل البروق برايحــــــــــن ليله أدماس

يقطعك دنيا مالهـــــــــا اول وتالي
لو اضحكت للغبــــــن تقرع بالاجراس

المستريح اللــــــي من العقل خالي
ماهو بلجـــــــــات الهواجيس غطاس

ماهو بمثلي مشكــــــــــلاتة جلالي
ازريت اسجلهـــــــن بحبرن وقرطاس

حملي ثقيـــــــــل وشايله باحتمالي
واصبــــــر على مر الليالي والاتعاس

وارسي كما ترسي رواسي الجبالي
ولا يشتكي ضلع عليه القدم داس

يا بجاد شب النــــــــار وادن الدلالي
واحمس لنا يا بجاد ما يقعد الراس

ودقه بنجـــــــــران ياظريف العيالي
يجذب لنا ربعن على اكوار جلاس

وزله ليامنـــــــــــــــه رقد كل سالي
وخله يفـــــوح وقنن الهيل بقياس

وصبه ومده يا كريــــــــــم السبالي
يبعد همومي يــوم اشفه بالانفاس

فنجال يغدي ماتصــــــــــــور اببالي
روابع ناخذ بها اخماس واسداس

لا خاب ظنـــــــــــي بالرفيق الموالي
مالــي مشاريهن على نايد الناس

يا عل قصــــــــــرٍ ما يجي له ظلالي
ينهار من عالــــــي مبانيه للساس

لا صـــــــــــار ما هو مدهل للرجالي
وملجا لمنهو يشكي الظيم والباس

بحسناك يا منشـــــي حقوق الخيالي
يا خالق اجنلسٍ ويا مفني اجناس

تجعل مقره دارس العهـــــــــــد بالي
صحصاح دو دارس مابه اوناس

البوم في تالـــــــــــــي هدامه ايلالي
جزاك يا قصر الخنا وكر الانداس

متى تربــــــــّــــــــــع دارنا والمفالي
وتخضر افياض عقب ماهي ابيباس

نشـــــــــــوف فيها الديدحان متوالي

مثل الرعاف بخصر مدقوق الالعاس

وينثر علـــــــى البيدا سوات الزوالي
يشرق حماره شرقة الصبغ بالكاس

وتكبـــــــــر دفوف معبسات الشمالي
ويبني عليهن الشحم مثل الاطعاس

اتمنى ان تكون نالت استحسانكم

ولكم مني اجمل تحيه

تحيااااااااااااااااتي

تحياتي لك يالوحداني 2011 قصيده رائعه واختيار موفق سلمت يداك

قال النويبعي هذه الابيات
لاهنت يامن تكسب الطيب لاهنت000 نعرفك فارس قوم صايل وجايل
وجهت نظر لك ياابو مشعل وبينت000 وانا يضايقني اذا الحمل مايل
يامن من الفدعان بنت و تبينت 000 انشهد انك من صناديد وايل
رجلٍ لحسنات التماثيل دونت 000 عناز تشهد لك و كل القبايل
ومع من تعرض لعنزه ماتهاونت 000 و اثبت ما قلته بحسن الدلايل
والطيبه من الفعل مبطي لها نلت 000 و اهلك قبلك حاميين الدبايل
لكن عن هالوقت بعطي لك برنت 000 محدٍ يبي ياصاح حكي الصمايل
ان كان مامع الحرامي تضامنت 000 وتشاوره وتقول وش انت قايل
وبمجلسه دايم على النمه ادمنت 000 و تقول ما لمجلسك هذا مثايل
ولصورته مع عامة الناس حسنت000 وتقول حامي معبسات الشمايل
وان ارسلك في حاجةٍ ما تماهنت 000 و هو اعمى يقرا بنظام رايل
لكن يا ابو مشعل قل بربي امنت 000 و جنب طريق مشببين الفتايل

وكذلك هذه الابيات :

إلى صار ما من بالمجالس تسالي = ولا به علوم طيبه تشرح البال
أبي انعزل واجلس وحيدٍ لحالي = أخير من مجلس خبيثين الأعمال
لو كان قالوا منطوي وانعزالي = العزله أفضل من مقاعيد الأنذال
معنى كلام أبو زويد طرالي = أنا أشهد انه في مهاجيه ما عال
ابن رخيص اللي جراله جرالي = بصير وامثاله عذبات واجزال
عليك في دوٍ من الناس خالي = ان كان ما أنت للمست الخشم حمال
اليا صار ما ترافق من الناس غالي = مالك بدار للمباغيض منزال