أهداء للرجل الفاضل فهد بن مياح بن حجيلان المسيكي
قال عبدالله بن دهيمش بن عبار الفدعاني هذه القصيدة شكر وثناء للرجل الفاضل
صاحب الكرم المعروف فهد بن مياح بن حجيلان المسيكي السبيعي :
الـنـعـم يـزهـى لـلـنـبـيـل أبـن مـيّـاح *** الـقـرم فـهــد مـن سـلايـل حـجـيـلان
الـمـكـرم الـلـي لـلـمهــاجــيـل ذبــاح *** ياما ذبـح للضيف من عيـت خـرفـان
شهـم وبشـوش ومعشـراني ومـزّاح *** طلـق المحـيـا خـاطـره دوم مـا شـان
الــنــادر الـلـي لـلــعــلا دوم شـبّــاح *** يتعب عـلى الطولات في كـل الأحيـان
مفـتـوح بـيـتـه مـا يـضبـه بمـفـتـاح *** حـوشـه مشرّع مـا تـقـل فيـه بـيـبـان
ديـوانـه المشموخ مـن جـاه يـرتـاح *** ديــوان ريــف الـجـار يـا وي ديــوان
وأخوانه من أهل الهداية والاصلاح *** يا عـل عـودٍ جـابـهـم عـنـد رضـوان
سـلايـل الـلـي بـالـتـراحـيـب صـدّاح *** مـيـّاح عـنـوان الـفـضـيـلـه واحسـان
مـيّـاح دوم لـكـاسـر الـبـيـت شـتّــاح *** عـلى النقا وفي ربعتـه صنع رسـلان
ريحـة نفيـح الهيـل ينعـش اليـا فـاح *** تفرح ضمير اللي عـلى البـن خرمان
لا زرفات عجلات الركايب لهن شاح *** يـومـي لهـتـاش الهـواشـل بـالأردان
لاجـن سفايفهـن من الجـري طـفّـاح *** وعليهـن الـلي مـن المناكيف جيعـان
قال اقلطوا حيّاكم الـلـه عـلى أفطاح *** وقلّط شحوم الحيل من قـرّح الضـان
يـنفـق ويـبـذل مـا يحسّـب لـلأربـاح *** ويفـرح اليـا جولـه مـن البـر ضيفان
من ساس عـزوه ما يمانيهم اشحاح *** غير الصخى والجود بالكون فرسان
العزوة اللي كان راعي الدبش صاح *** وقال افزعوا جونا من القوم عـدوان
جوهـم سقـام الضـد بسيوف ورمـاح *** وفكـوا قطيـع الـذود ذربـيـن الأيمـان
وأقـفى معـاديهـم بـه طعـون وجـراح *** مـن ضـرب لابـه بالملازيـم شجعـان
يـوم الشفـايـا بـحـزت الضـيـق كـلاّح *** رجالـهـم مـا هـو مـن اعـداه زمـلان
ما يدخلـون بحـق بالعصـر الـلي راح *** مـلـجـأ الطـريـد وللمجـلـيـن مـزبـان
يـوم الشـليـمي حـارب النـوم بامـراح *** في ضفهم يرقد وهـو كـان سهـران
وقـصـيـرهـم فـدوه فـي غـال الأرواح *** والربـع جاهـم ملتجي وأبـن زيـدان
فـعـل المسكـا لـه تـسـاجـيـل بصـفـاح *** مكتوب بالتاريخ من ماض الأزمان
الإهداءات
01-26-2026, 08:06 AM
قصيدة شكر وثناء بالرجل الفاضل فهد مياح الحجيلان المسيكي
العرض المتطور
