وهذه الأبيات قالها عبدالله بن عبار رثاء بالرجال الذين فقدتهم القبيلة وهم حران بن عشوي ومعيض العفري وموسى المشعان رحمهم الله :
من حـان يومه ما نفع طـب وانعـاش *** ولا يرجعه سكب الدموع الطشايش
العمر مـثـل العشب في مدفق الطاش *** لابـد يـذبـل ثـم يـصـبـح حـشـايـــش
والـمـوت لـرواح المخـاليـق قـشّـاش *** وسهـم المنـايا لكـل مخلـوق نـايش
والعبد ما يقـدر عـن المـوت ينحـاش *** ولافاد خوف أهـل القلوب الخرايش
لـو كـان في قصرٍ مثـل ضلع عكّـاش *** عـلـيـه يسطي لـو يـصـك الـدرايـش
وآخر مصير العبد رقعه مـن الشاش *** وسـط المقـابـر والحـفـور النـبـايش
ليـت الصخي فخـر القبيله لـنـا عاش *** حـران الـلي لعلـوم الأجـواد حـايش
الـمـكـرم الـلـي بـالمقـابـيـل يحـتـاش *** مـن فـرحتـه بالضيف يذبح رشايش
لا جاه ضيف من الفـرح تقل مهتاش *** يبسم طـرب من نشوة الجود شايش
حـران مـا خـلا الـبـهـم يـبلـغ كبـاش *** ضانه لجـب مـا صـار عـنـده لكايش
خـوالـه رمـالات مـن ربـع هـتّــــاش *** ضـد العنيد الـلي من الـزوم طـايـش
والجـد بـدري من معطـرت الأنمـاش *** مـرويـن حـد المـرهـفـات العطـايش
يامـا جلسنا في مضيفه عـلى فـراش *** لـو مـات كـنـّه بـيننـا اليـوم عـايـش
ومعـيـض بـوجـيـه المساييـر بشّـاش *** نـال الفخـر يـوم المـراجـل غبـايش
الـيــا لـفـالـه تـالـي الـلـيـل طــــرّاش *** فـرحت ضمير اللي على البن دايش
شملان ربـعـه تقهـر الجـمع لاغـاش *** سـتـر الـعـذارى لابـسـات الغـوايـش
وموسى برز بالمرجله رابـط الجاش *** أبـو محـمـد مـا ضـلـوعـه هشـايـش
مـن عـزوة الفدعـان حامين الأدباش *** خـصيمهـم شـاف النـكـد والـبـلايش
لـيـت الفـنـا للهيس والـنـذل والّـلاش *** دحـوش الـرجـال السافلين القلايش
خطو السفيه لـلـي مخـادع وغشّاش *** الـلي بـصـدره مـثـل سـم الـهـوايـش
وخطو الذي ينفخ ويجمخ على ماش *** فـاسد ويـفخـر في عـظـام الـولايش
والغـادر الـلي لشمـل عـنـاز طشّاش *** عـلى الفلس وسط المجالس ايرايش
لـيـت المـنـايـا تـفـتـك بـكـل خـفّـاش *** وتقضي عـلى أهـل البلبلة والقرايش

وقد وصلنا عدد من القصائد عبر الجوال ومنها ما يلي :

قال سليم بن كسار المضياني يرثى الفقيد حران بن عشوي البدري الأشجعي رحمه الله :
ليت ابن مرعي ما ارسل لي رسالـه *** العـلـم الـلي يا حـيـف مـا سـر بـالي
يا سعـود قـلـبي زاد فـيـه اشـتـعـالـه *** والدمـع مـن عيني على الخد سالي
قـلبي صفق من راس ضلعـه لجـالـه *** يا سعـود مـا حـران يـكـفـيـه غـالي
غـالـي ولا هـو بـس غـالـي لـحـالــه *** والـلـه يـعـادل بـالـمـحـبـه عـيــالـي
وشلون اعـزي عـقب فـقـده عـيـالـه *** وانـا اللي ابي لي ناس تأتي عزالي
مـرحـوم يـا رجـل الـفـخـر والبسالـه *** الأشجـعــي حـران وجـه الـرجـالـي
راعي الكـرم راعي الوفاء والجمالـه *** مـن اعـيـان وايـل بالحـميـة مثـالي
هـاك الـقـبـال الـلـي عـزيـز قـبـالـــه *** غـيـبـة قـمـر فـي مظـلمـات الليـالي
يـبـكـيـه ديـوان الـفـخـر والشـكـالـه *** وفـنـجـال وايـل لـجـهــزن الـدلالـــي
ويبكيه من عاشـوا مـعـاه الـزمـالـه *** وتـبـكـيـه وايـل كـلـهـا بـالـكـمـالـــي
يالـلـه عسى الجـنـه مـكـانـه وفـالـه *** ومـنـزالـه الـفـردوس بـعـد السؤالي

قال الشاعر هايل بن عشوي البدري الأشجعي في رثاء حران بن عشوي الأشجعي وموسى المشعان ومعيض العفري رحمهم الله :
العـمـر يـجـري والليـالي لـهـا اقـدار *** والـلـه عـليم بساعـة الشـر والخيـر
والـلي مقـسوم للبشـر واقـعـه صـار *** ولا يـنفع المخلـوق كثـر المحـاذيـر
والمـوت حـق وياخـذ كبـار وصغـار *** ولا دايـم الا وجـه والـي الـمـقـاديـر
مـار الرجال الـلي لهـم عـلـم واذكـار *** خـسـارة بـقـلـوب كـل الـمـنـاعـيــر
عـلـم لـفـانـا لـيـت يالـربـع مـا صـار *** مـن سبـتـه باتـن عـيـوني سواهيـر
وصفـقـت بالكـفيـن والفـكـر محـتـار *** عـلى الـرجال اهل الوجيه المسافير
راحوا ثلاث رجال مـن ربعـنـا خيـار *** بالحـادث الـلي حـط بالـقلـب تـأثـيـر
يا حيـف راحـوا فيـه وافين الأشبـار *** الـلـي لـهـم عـنـد الرجاجيل تـقـديـر
حـران وموسى للكـرم رمـز وشعـار *** ومعيض عطر صفحة الطيب تعطير
يـا الـلـه يـالـلـي لـلـخـطـيـات غـفـّار *** تحميهم مـن حـر اللـّظى والزمهرير
مرحوم يالـلي تكـرم الضيف والجـار *** يالـلـي ديـوانـه فـاتـحـن للمسايـيـر
القـرم ابـو نايـف عـلى الطيب صبار *** كـريـم سبـلا مـا يـهـاب المـخـاسيـر
يـامـا ذبـح للضيـف قـعـدان وابـكـار *** ودلال صـفـر لـلـنشـامـا مـبـاهـيــــر
عـسـاه بـالـجـنـة بـعـيـد عـن الـنـار *** فـي جـاه مـن ساق المزون المدارير
واشكر جميع اللي رثاهـم بالأشعـار *** اعـلام مـن شـعـار وايـل مـشـاهـيــر
والـلي كتـب والـلي تعـنى بالأسفـار *** والـلي يقـول الحـق من غـيـر تزوير
بسم البدور وبسم متعـب يالأحـرار *** مـنـا لكـم يا اهـل الـوفـاء كل تـقـديـر

وقال الشاعر حمد بن سالم الضوي هذه القصيدة رثاء بالفقيد حران بن عشوي رحمه الله :
اسـوء خـبـر يـوم الخميس استمعنـاه *** ذاب الـكـبـود وبـالـمـيـاسـم كـواهــا
عـلـم يـزلـزل راسي الضلـع لـو جـاه *** مثـل الصواعق لا هـوت من سماها
مـن دون سابـق عـلـم جـانـا مفاجـاه *** كـم نـفـس ازعجـهـا وكدر صفاهـــا
وانصبر انفسنا عسى الصبـر نـقـواه *** بـمـصـيـبـةٍ حـلـت ودوى صـداهــــا
حـران قـالــوا مـات والأجــل وافـــاه *** وغـدت بـه الأيـام واعـطـت قـفـاهــا
حـران راحـت بـه تـسـابـق مـطـايـاه *** بـاقـفـاي لا بـقبـال عـجلـه اخـطـاهـا
يا الله عسى الفردوس سكنه ومـاواه *** يـرغـد بـطيـب عيشهـا وبـرد مـاهـا
وجـعـل السحاب الـلي تـزبـر بمنشاه *** يـمـطـر عـلـى داره ويسقـي ثـراهــا
وتـنـزاح ظـلـمتـهـا وتـبـقى مـضّـواه *** ويخضر ورقهـا والـزهـور اتغطاهـا
والـلـه يـبـيحـه وايـتجـاوز خـطـايـاه *** وتـلقـى بـدار الخلـد نـفسـه رضـاهـا
رمـز الـكـرم ريـف النشـامـا فـقـدنـاه *** وبـغـيـابـه الـدنـيـا تـضايـق فـضاهـا
الـنــادر الـلـي مـا تـعـــدد مــزايــــاه *** لـيـت الليـالي مـا قصرت بـه رشاهـا
جامع صفات الطيب من مبتدى صباه *** ورجله عـلى شان الفخـر مـا ثناهـا
رجل الوفاء رجل الكرم من عـرفـنـاه *** والـمـرجـلـه بـيـديـه رافـع لـواهــــا
لامـن لـفـوه ضـيـوف سمـحن محيـّاه *** مـع زايـد الـتـرحيـب يـكـرم لحـاهـا
قـلـيـل مـن مـثـلـه وسـوى سـوايـــاه *** ومـدّت يـمـيـنـه بالكـرم مـا تضـاهـا
كـم كـبـش لـلـخـطـار تـلـّه وذكـّـــــاه *** وكـم مـن رجـال لـلـولـيـمـة دعـاهــا
وكـم خـيـٍر وقـتـه حـداه وتـنـّصــــاه *** وكـم لازمـه لا جـوه فـيـهـا قـضـاهـا
رجـل مـن رجـال الـبـدور الـمسـمـاه *** الـعـزوة الـلـي مـا نـزل مـسـتـواهــا
لــو راح تـبـقـالـه بـالأذهــان ذكــراه *** وبطـيـب ذكـره نـفـتـخـر وانـتـبـاهـا
عـسى عـوضـنـا بالحـرار المـضـراه *** صـقـر وراه صـقـور محسـن وراهـا
الـلـه يـسـاعـد كـل الأخـوان وابـنــاه *** ويساعـد اسـرة فـي حيـاتـه رعـاهـا
والـلـه يـقـوم بـعـونهـا عـقب فـرقـاه *** والـلـه يـصـبـرهـا ويحسـن عـزاهـا
ويارب عـن نايـف عـلى كـبـر بـلـواه *** وعـنـه عـلى جـور السنين وقساهـا
وزده يـقيـن بـكتبـت الـرب واقـضـاه *** لـلـعـمـر سـاعـة مـا يـعــدى وراهــا
الـلـه بـدأ تـصـويـر خـلـقـه وسـّــواه *** والـلـه عطـاه الـروح والـلـه خـذاهـا
دنــيـا ولاهــي كــل وقــتٍ مـحـّــــلاه *** لـو يـوم تـصفي مـا يـداوم صـفـاهـا
ولا فـيـه احـد يـبـقـى مـخـلـد بـدنيـاه *** ولامـن حـيـاه الا لـهــا مـنـتـهـاهــــا