مرني غرو ٍوسبب لي الرجّه
انتبهت وصارت الحال مرجوجه

فز قلبي والاحاسيس مرتجّه
الله اكبر..شفت في مشيه غنوجه

قلت مع حالي معه..ياحلاالسجّه
لابس البرقع والأعيان مدعوجه

جادل ٍمن شفتها القلب متوجّه
مع طريقه والاحاسيس محروجه

يوم تلفت بالنظر تقل محتجّه
سحرها خلا المعاليق ممزوجه

نظرته ترهب حشى الصدر وتفجّه
مشيته تعزف خطى ساق مدموجه

والله اني لجمع الشوق وهجّه
والله اني لمشي الصعبِ واسوجه

وين ابعرف حيها..؟ وين بتوجّه..؟
لو امهار الشعر قرح ومسروجه

من صدف له غافل ٍضاع بالعجّه
عاقل ٍفى حال وبحال مرجوجه

عاسف القيفان عن كل معوجّه
هايم بدرب المحبين وفجوجه

الشاعر / فرج البلاز

يالعيد خبرني عن وصل الأحباب
عقب البطى والبعد زاد الغيابي

العيد باكر والهوى حيل غلاب
وجملة مشاعر تشتكي من عذابي

الشاعر فرج البلاز

صح لسانك يالبلاز وأسأل الله أن يجمع شملك .

الشاعر عبدالله بن عبار

صح بدنك تسلم على حضورك وتفاعلك الوافي

الله يديم هذه الحفاوه في الموقع والأهتمام من قبلك بأسم عنزه وقبيله عنزه

لاهنت

حيّاك الله يا فرج الله يفرج همّك عوداً حميداً ابطيت عنا اظن التي اعترضت لك اشغلت فكرك يقول الشاعر الشيخ خلف بن دعيجا :
البيض عسى البيض ما يرتجبني *** خويهن ترمى عـليـه التهـامي
ياما سرحن بالقـلب يامـا عـزبني *** تأتي دلي القلب منهن مظامي

الله يعينك ويكفيك شر الرّجه .

الله يحييك ويبقيك يا بن عبار والله يعين ويوفق الجميع لما يحبه ويرضاه
لاهنت وأهنيكم يا أداره الموقع على الأهتمام والأحتفاء والتفاني
بهذا الموقع الذي يحمل أسم قبيلتنا العريقه قبيلة عنزة أضافةٍ الى الكتب المطبوعه

وخصوصا الوقوف ضد كل من يحاول مس أسم القبيله أو يقوم بالتزويد والتحريف في أمور تخص القبائل والعشائر الباديه والحاضره التي تنتمي الى قبيلة عنزة ..

الله لا يهينكم وبيض الله وجيهكم