قصايد مساجلات بين منصور الخضع وعبدالله بن عبار وضحوي الجبيلة

قال الشاعر منصور بن حواس الخضع هذه القصيدة يسند على عبدالله بن دهيمش بن عبار :
يـالـلـي تـمـعــدن خـل عــنـك الـتـمـعـدن *** الـرّق لـلـي مـغــدنـه فـيـه شـبـشـار
انـذك عــن نــجــر الـمـعــانـي الـيــا دن *** يكسـرك كسـرن يـبـحـل لـكـل جـبـار
انـذرتـكـم مـا يـنـفـع العـطـر يـا مـصـن *** واعطيتكم عـن الخـطأ نصـح وأنـذار
خل النسب واهل الحسب وانت ابن من *** لا تـصـبـح لجـرف يـهـلـفـيـك حـفـار
وانــهــج تــمـرغ وانـتـبــه لا تـوهــــن *** واحـذر تشابط حيص منيـب يا حنـار
ولـو تـسـتـحـي يــردكــم فـارق الـسّـن *** ولا تـطـبـي مـن خـستـك لأبـن عـبـار
ويـنـك اويـن الـعـيـلـم الـعـذب يـا شـن *** يا وجـه ذيـخ اليـا اروح الذيب هـرار
يا فـارسـن مـع ذيـلـهـا لـلـفـرس عـن *** باسـم عنـزة لا تـدخـل بـكـل مضـمـار
خـل الـفـروسـيـه وشـف عـالــم الـفـن *** يـا عــل فــمـك يـسـكـرونـه بـمـزمـار
وعـن عـنـزة واخـبـارهـا لـلـمـلأ صـن *** مـثـلـك يـعـيـبـهـا بـنـشـرات الأخـبـار
يا شـاعـرن مدعـوم شعـرك من الجـن *** دعـمـك مـن البـارح لـه الـذيـب دوار
والذيـب سلـطـة من السمـاء للمجـنـن *** يـشـبـع جـراه ويـشبـع الـوالـد الـبـار
جـاك الـيـقـيـن وكـان رديـت بـالـظــن *** جـمـيـع بـارد وجــه اكـويـه بـالـحــار

وقال عبدالله بن دهيمش بن عبار هذه القصيدة جواب لقصيدة الرجل الفاضل الشاعر
منصور بن حواس الخضع أبو عبدالله مع الشكر الجزيل :
حـي الــذي عـن الـمـواجــيـب مـا كــن *** منصور ابن حـواس محمـود الأذكـار
أبـو عـبـدالـلـه دوم مـا خـاب بــه ظـن *** حيثـه عـريب الساس من خلفت أمـار
مـا غيـره عـن مسلـكـه هـن ابـن هـن *** ولا هـو عشيـر لـكـل هـايـف وثـرثـار
اخـبـرك يـا منـصـور يـا مـسنـدي لـن *** لـن الـتـفـت يـالـقـرم لأقـوال الأشـرار
الـلاّش يا منـصـور لـو تـنصحـه عـن *** عـن الخـطـأ مـن خستـه زمجـر وثـار
الـلـه عـلـيـم أنـه عـلـى عـنـبـره حــن *** مشتـاق يـبـغي مـسكنـه داخـل الـغـار
المـعـتـدي يـتـرك جـنـونـه إذا اسـجـن *** شين الضمير اللي بدرب الغوى سار
والظـالـم الـلي إبليس ساقـه ولـه قـن *** مـالـه مـع الأجــواد قـيـمـة وتـعــبـار
مـن عـقـب مـا جـرّب لعـاويـز ومحـن *** اصبح يسب النـاس كـي يجلي العـار
مـا ذاد عـن عــنّـاز يــوم أنــه طـعــن *** يثني على الـلي لعنزة سبب الأضرار
كـشـفـت زيــفــه ثــم مـن عـلّـتــه ون *** الـلـي عـبـث بـأنـسـابـنـا كـنـه الـفـار
مـن عـقـب مـا سبـب شباشيـر وأفتـن *** هـج وطـفش مخـذول ولـديـرتـه نـار
بـالـزيـف والـتـزويـر وبـكـذبـه ابـخـن *** حـقـايـقـه وضـحـتـهـا للمـلأ اجـهـار

وقال محمد بن ضحوي الجبيلة مجاراة لقصيدة منصور الخضع وعبدالله بن عبار:
يـا راكـب الـلي لا مـشى بـالـخـلا كـن *** مسـار خـطـه بـالثـرى سـيـل جـرار
وإذا بــالــقــار صــوت الـجــرس رن *** كـل المـواتـر مـا تجيبـه عـلى القـار
جيبـن جـديـد وصـاحـبـه للسفـر حـن *** من طلعته ضاري على قطع الأسفار
يلـفـي لمنصـور الخـضـع قـبـل يلفـن *** بـيـوت جـزليـن القـوافـي والأشـعـار
وانـا لـمـا قـلـتـه يـا منصـور ممـتـن *** ولا زود انـا بالشعـر عـلى ابن عبـار
الشاعـر الـلي لا كتـب يخرس الجـن *** شعـره عـلى قـذرين الألسن تقل نـار
سـيـف مـجـرب بالمـواقـف ولا مـن *** جـتـنـا بـيــوتـه كـنـهـا سـيـف بـتـار

قال عبدالله بن دهيمش بن عبار هذه القصيدة جواب لقصيدة الشاعر محمد بن
ضحوي الجبيلة مع الشكر والتقدير لجميع اعضاء قروب عنزة للتراث والقصص:
قـم يـانـديـبـي شـغـل الـمـوتـر وغـن *** اعتل صهات الجيب من نوع فكسار
اليـا مشـا يطـوي سمـاهيـد واشـطـن *** من عندنـا سافـر على الربع مسيار
لأبـن ضحـوي يلـقـاه بـمهـيّـل الـبـن *** وقـولـت هـلا والكبش جـابـه لجـزّار
فـي ربعتـن ريـح العويـدي بهـا خـن *** والـربـع عـنـده بـالـتـعـالـيـل سـمّـار
أهـل التـراث الـلي عملهم لهـم سـن *** سـنّـة فـخـر عـاداتـهـم عـبـر الأدوار
عـزوة جلاس الـلي بـه المدح يزهن *** وعزوة وهب وعبيد واشبال عـمّـار
عـاداتهـم نـطـح الـركـايـب اليـا جـن *** عـلـيـهـن الـلي كـادهـم لـث الأكـوار

وقال حسن بن سماح أبو فارس النومسي هذه القصيدة يثني على عبدالله بن دهيمش العبار :
يا قاف حث الطرق باحساس واشعـور *** واصخر من الجزله يا مال العوافي
وهيّـض هواجيسـك قبـل طلعـت النـور *** عـلى سـكـون اللـيـل والكـل غـافـي
خابـر بـراسي عـلـم مـن اربـع شهـور *** عـلمـن ينـومسني ولا هـو بخـافـي
لأجله نظمـت بيـوت الأشعـار مسـرور *** ولأجـلـه اسجـل بالقصيد اعتـرافي
لا صـار لـي صاحـب محـنـّك ومنعـور *** من يـوم عرفي لـه اليا اليوم وافي
محزم ظهر منصا عـرب طايـل شبـور *** ويفـرق عن الـلي بالمهمات هـافي
والمـدح يزهى حضرته صايب الشور *** وشـرواه يـذخـر للسنين العجـافي
من قال من هو قلت والراس مسطور *** شـاعـر مـؤرخ دنـدنـي يالقـوافـي
شغمـوم من مـاكـر قـرانيس وصقـور *** فدعان ريف الضيف لا صار لافي
عـبـدالـلـه الـعـبـار بالـطـيـب مـذكـور *** اسمه علـم معروف ما هو بخافي
يا منومـس الويـلان يا طـايـل شبـور *** الـلي ذخـر شـرواك مـابـه خلافي
شوفتك مثل الغيث والروض ممطور *** مثـل القـراح من الغثـاريب صافي
اشـهـد شهـادة حـق مـا اقولهـا زور *** انـك فـخـر يـزهـاك مـدح القـوافي
صدق الدلايل بالنسب شعشعت نـور *** كتـاب مـا تـلـقى عـلـيـه اخـتـلافي
مجدن مخلـد سطـره صايـب الشـور *** عـنـوان للـتـاريـخ فـوق الغـلافـي
حنا عنزة بالحاضر وماضي عصور *** وبـيـوتـنـا للـضيـف دايـم مـلافـي
قـصيـرنـا يـأمـن ولا يـلـحـقـه جـور *** وعـدونـا تسـفي عـلـيـه السـوافـي
مشكور يا ابـو مشعل اليوم مشكور *** انا اشهد انك يا ابيض الوجه وافي

قال عبدالله بن دهيمش بن عبار هذه القصيدة جواب لقصيدة الشاعر حسن النومسي العنزي :
جـانـي قـوافـي كـنـهــا الــدر مـنـثــور *** حـي الـبـيـوت الـلـي لـفـني لـطـافـي
يـنـفـح شــذا عـبـيـرهـا كـنـه عــطـور *** يـشـبـه ذخـايــر لابـسـات الـغـدافـي
من نظم ابـو فارس من الربع مشهور *** صـادق وطـبـعـه بـالـمـلازيـم يـافـي
شهـم وكريـم بكـل موقـف لـه حضـور *** حيثـه مـن أصحاب القلوب النضافي
أنـا اشهـد أنـك يا حسن مابـك قصـور *** يـسـلـم جـنـابـك يـا بـعـيـد الـهـدافـي
وأنا اشهد أنـك يا أبن الأجواد منعـور *** وأنا اشهد أنك يا ابن نومس سنافي
أنـت الـذي بـالـطـيـب بـينـت بظـهـور *** ومعـتـاد جـدّك بـان عـلـمـه كشـافي
الـيـا خـنس عـن واجـبـه كـل مـثبـور *** الـلـي سـراجــه طــول الأيـام طـافـي
عـنـد المعـارف والأصاحيـب مـستـور *** للضيـف تـذبـح مسـمنـات الهـرافـي
ويوم السنين اللي بها اكوان واشرور *** مـن عـزوتـن يروون حـد الشلافـي
بـالسيـف ولا فـي عـبـاريـد شـرشـور *** مـن يطعنونـه مـا يـفـيـده اسعـافـي
نــوامـســه عـــدوهــم دوم مـكـســور *** ياما احتمـوا من دون حـم الشعافي
تاريخهـم فـي صفحـة البـوك منشـور *** نـقـوة نـشـامـا مـا خلطهـم هـلافـي
رجـالـهـم عـنـد اللقـاء تـقـل مسعـور *** مـا يـنـّطـح بالـكـون والفـعـل كـافي
شجعـان دون ذوادهـم قـص حنجـور *** هـم ضـد لـلي مـا يـريـد الـعـوافـي
مـن هـازهـم يـعـود نـادم ومـقـهــور *** يشعـر بجوفه مثـل حمـو الرضافي
يامـا بهـم مـن كـل صنـديـد مـمـرور *** عـنـد اللقـاء يتـلـف عـدوّه اتـلافي
والعـبـد مـهـمـا عـاش لابـد مـقـبـور *** ويـوم الحشر يسيـر عاري وحافي