عرض مشاركة واحدة
قديم 02-12-2011, 11:47 AM   #3
فئه صاحب الموقع
 
تاريخ التسجيل: Aug 2008
المشاركات: 1,538
افتراضي


وإليكم أيها الإخوة الكرام مقطع الفيديو للإحتفال التكريمي الذي كان في الملتقى السنوي الثاني لشبكة منتديات قبيلة السّبعة لعام 1432هـ 2011م .




نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة



نص قصيدة الأديب عبدالله بن عبار بهذه المناسبة وقصائد أخرى بالشيخ طراد بن راكان المرشد وقبيلة السّبعة:

أشكـر الشيـخ الكـريـم أبـو مـطشّـر *** أخـو عشوى بالفخـر نجمـه تعـلى
درع ربـعـه كـان نـاب الوقت كشّـر *** لـلـرفـاقـه كـنـه الـشـهـد المـحـلّـى
مـن نصى بـلازم سمع قـولـه تبشّر *** وأن لفـاه الضّيف رحّب بـه وهـلى
يا عسى عـمـره طويـل ولا ايتقشّر *** شيـخ لابـة بالظـفـر زبـن المجـلـى
مـا ذكـر رجـالـهـم لـلـطـيـب دشّــر *** يكسبـون الطـايـلـة خـلـفــة مـعّـلى
هـل العـرفاء كـان جاهم دايـر الشر *** شاف مـا يرعـب ضميره ثـم ولـى
يكعـمـون الـضـد والعـايـل ايـهـشّـر *** مـن يـناطح جـمعهـم راسـه تـدلـى
لـلـمـجـاور مـا أحـد بـالـقـول فـشّـر *** جـارهـم يـدلـه ضمـيـره وأيـتسلى
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

وهذا مقطع من قصيدة قلتها سابقاً عندما زرت الشيخ طراد وشاهدت مجلسه ورجال القبيلة من حوله وصادفت عدد من الرجال لهم قضايا وهو يسعى في حلها وهكذا يكون الشيخ فقلت :

سيّـرت يـم الشيـخ مـن نسـل ثـلاب *** مالي مقاصـد جيـت بالخيـر أمسيه
الشيخ اللي يلقـا الهـواشل بترحاب *** طـبـعـه إلـى جـاه المسيـّر أيـحيـيـه
والـقهـوجي تـلـقـاه للهـيـل صـبـّاب *** واللي قلط من حين يجلس يقهويه
مـن دلـةٍ فـنـجـالـهـا كـنـه اخـضـاب *** عده على توصيف هايس امسويه
مـن كـيـس قـرم دوم للـنـار شبـّـاب *** كيف النشاما بغالي السعـر يشريـه
ما مقصـدي بالكيـف سـايـز وقـلاب *** هـذاك ترتكته عسى الهجـر يلويـه
الـكـيـف فـنجـال المـهـيـّل الـيا راب *** مـر وحلـوا يـنـدار والـعـود قـافيـه
ومن عقبهن قـلـط مفاطيح الأذنـاب *** عـيت الهـرافي ما تفـارق صيانيـه
أبـوه قـبــلـه كـان لـلحـيـل قـصــاب *** طبعـه ولـو شان الزمن مـا يخـليـه
يـمـنـاه تـبـذل كـنـهــا ديـم سـحــاب *** ينفـق وربه سامك العـرش يعطيـه
حـيثـه تـعـّود للمـكـارم وهـو شـاب *** نفسه عـلى فعـل المراجل اتهقويـه
يـقـود داهـوم مـثـل ضـلـع ديــراب *** هاك الجموع الـلي إلـى سـار تتليـه
الحـر ينجب حـر مـا ينجـب غـراب *** حيث الذهب من معدنه يسبك جنيه
جيت أخو عشواعنده الربع حضّاب *** والكل يمشي فـي لـزومه ويقضيـه
نعـتـز بالـطيـب ونـفـخـر إلـى طـاب *** ونجزع إلى شفنا الجفاء والمزاليه
ولا نقـرب اللي دوننـا يغـلـق البـاب *** ومن لا يقـدرني تـوقـفـت ما جـيـه
والبيت بلا عمدان وأوتاد واطـنـاب *** مخطر من العاصوف يقشع مبانيه
تـحـرصـوا عـن كـل نـاقـد وهــزاب *** ومن بـه حميـه واقـع الأمـر يعنيـه
ومن يقطع الغبه عـلى لوح اجـراب *** لا زم عـلى الجـزره يعـبّـر دوانيـه
أقـولـهـا ولا نـي حــراوي وشــلاب *** ما غير ربي سامك العرش راجيـه

نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

* ومن القصائد التي قلتها بالشيخ طراد بن راكان المرشد هذه الأبيات :

فـاض عـذب القـافـيـه ما بـه لـواث *** صـافـي المنـظـوم مـا طبـه بحـيـث
نـصـه الـلي بالـفـخـر مـجـده وراث *** ريـف لأصحابـه ولخصامه غـثيـث
قـاد ربـعــه بـاهـتـمـام وبـاكـتـراث *** سـار صـوب العـز والعـلـيـا حثيـث
أبـو مطشـر يـبعـث الـمجـد ابـتعـاث *** وأحمـد الله في عـرين الليـث ليـث
صـفـوة الـلـي صـادقـيـن بـالحـنـاث *** نسـل أخـو عشوى ملاذ المستغيث
فـعـلهـم بـاقـي وهـم تـحـت الجـداث *** ومـجـدهـم قــديـم مـا تـوه حـديـث
فعـلـهـم عصـر الحـرايـب والحـداث *** يدركـون الطـايـلـه مـن يـوم حيـث
مـا يصوغ السـاس بالـقـاع الدمـاث *** ولا يطيب الغرس غير من الجثيث
ومـن طـمـن فعـلـه لمجـد الجـد داث *** لـو تسلسل منسبه مـن دور شيـث
به رجل محسوب من عرض الأثـاث *** لـو جـدوده دمهـم يـبـري الغـليـث
ومـن تـسـمع لـلمـناحيـس الـخـبـاث *** يـنبـث ويـرجع عـلى راسـه نبيـث
ومـن أيـفـرق لابـتـه مـثـنــا وثـلاث *** كــنـه المـلـهـوف دايـم لـه لـهـيـث
والـنـقـيـلي كـان بـيـن النـاس عـاث *** بالعـرب يفتـك كـما الـداي الخبيـث
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

وهذا مقطع من قصيدة قلتها بالشيخ طراد بن راكان المرشد :

أبـو مـطـشـر دوم جـعـلـه بـالأوجـاد *** تـوازنت لـه وأستوت والسعـد زان
مضايفـه لأجـل المـراجـل لـهـا شـاد *** مـلـم لشخـوص الـرفـاقـه وديــوان
مجلس شرف ما داج بـه كل سرماد *** يجمع نوادر من شغاميـم الأعـيـان
مجلس فخر به ينشرح صدر وافواد *** فـواد من قلبـه عـلى الربع شفقـان
نـعـتـز بالطـيـّب ونـفـخـر الـيـا جـاد *** والجود يضهـر لـه دلايـل وبـرهـان
شيخ بفعـل الطيب لـه شـف وامـراد *** قـصـده يـبي ينهـج مناهيـج راكـان
أبـوه قـبـلـه كـان لـلـطـيـب مـعــتـاد *** لو شان وقته خاطره دوم مـا شـان
حيثـه تسلسل من صناديـد الأجـواد *** شيـخ وتحـّدر مـن نحانـيح شيخـان
حفيدهـم يـمشي عـلى سلـم الأجـداد *** حاشى تزول أمجادهم مع خبر كان
واليوم ما حاش المفاخـر والأمجـاد *** لكـود مـن يسعى لـربـعـه بالإحسان
الشيخ ما يحـمل ضغاين ولا أحـقـاد *** ويبـذل جهود لعـزوته قـدر الأمكان
عـصـر التسلـط راح دوره ولا عـاد *** والـلي تـكبّـر يـفـقـد القـدر والشـان
علم الفضيله بان في روس الأشهاد *** ومن رام فعـل المرجله بالفخر بان
من طاب يستاهـل بـه المـدح يـنشاد *** ولا الردي يقصر عن المدح كوبان
ضرب المثل به للملأ نصح وأرشـاد *** والخط ما يرسل على غيـر عنـوان

نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

وهنا هذا مقطع إهداء من الشاعر صنت بن فاتن المفلح الغضوري من مجلس قبيلة عنزة في مدينة ينبع



نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة



يقولون الرجال المعرفة بين الرجال كنوز=وثيقه ما يغيرها الزمن للي يوثقها
تكرّمنا على العز وشرف ما هو تكرّم عوز =من اصدور الرجال اللي على القمة بيارقها
هل العرفا يضدون الخصيم ولا عليهم هوز =مواقفهم عظيمه معجم التاريخ ينطقها
تجمعنا حضور رجال واجب والمقام عنوز =سوالف يبهج الخاطر تداولها ومنطقها
لنا التاريخ يشهد بالمواقف والعلم مركوز =على وجه البسيطه في مغاربها ومشارقها
ولوّ المدح ما ينفع ولا يرفع لك النقفوز =شموخ الطايلة بعرض السما نرقا ونلحقها
نبدد فكرة الحاقد ونرقى بالشموخ ابروز =وكبد ٍ ما تريد امجادنا بالنار نحرقها
بني وايل سنام المجد قمة للادب ورموز =حقايق صفحة التاريخ تنطق في حقايقها
مبانينا على صم الصخر ما هو بنا مهزوز =على مر العصور صفوفنا محدٍ يفرقها
نعز الجار ونعز الخوي للطايلات نحوز =صروح المرجلة حنا على قمة شواهقها
دخيل البيت يآمن ما يخاف مكرمٍ معزوز =نسوق ارواحنا دونه ولا نخشى عوايقها


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة
ختاماً نسأل الله أن يوفق الجميع لما فيه الخير في الدنيا والآخرة وجمعنا وإياكم على ما يحبه الله ويرتضيه لعباده الصالحين

وكونوا برعاية الله تعالى
وإلى اللقاء في أعوامٍ قادمة بعون الله .
محمد بن دوهان متواجد حالياً