|
مناخ جُب ودخينه
مناخ جُب ودخينه
**************** الإبل وما أدراك ما الإبل كم ساح من دم لأجلها كم أعدت من غزوه وغزوه لأجلها وكم مات من أهلها دفاع عنها الابل فيها معزه قال الشاعر محمد الدسم بقصيدته ألشيخه: وسادس وصاتي لك معزةوهيبـــــــــــــــه عليك بسفن البر حرش العراقيـــــــــــــــب ولا يعجبك الزبد هو والرويبـــــــــــــــــــه ترغب لحوش الضان وتخلي النيــــــــــــب راعي الغنم يشيب من قبل شيبــــــــــــــــه والبل معزه تجلي الهم والشيـــــــــــــــــب الى أشهلب الوقت لو هو حليبـــــــــــــــــه يوصلك لديار الهناءوالتعاجيـــــــــــــــــب *************** نعم كان هناك ثلاثة قطعان من الإبل اثنان منهن للفدعان ،واحد للهضبي من العقاقره ، وواحد لجدعه من ضنا ماجد ، والثالث للقواسم من الرسالين من ألسبعه وكانت الثلاث فخوذ مترابعين هاك ألسنه مع بعض وأبلهم مع بعض ويجيهم هاك ألغزو من قبيلة معاديه وياخذون الابل ويلحقونهم ويتناوخون بشعيب دخينه وثار عج المعركة بينهم وبين الغزاة من تلك القبيلة وينذبح منهم ناس ومن تلك القبيلة ناس وما فكوها ويتركون شعيب دخينه وينزلون على فيضه جُب ويلحقونهم لجُب مره ثانيه وينوخونهم واتفقو على عدم المنع أي الذبح من دونها وبس وتدور المعركه ويذبحونهم ويفكون قطعانهم ولا يضل إلا السبر من القبيلة المعادية والسبر هم الرقايب اللي يرقبون ويعلمون الغزاة بمكان الإبل وين به ابل يغزونها ويقولون أنهم خمسه بس وتشاوروا بينهم وش نقول لربعنا لسألونا عن الغزو وينهم وش صار فيهم وش نرد وش نقول معقول ما رجع غير حنا يا السبر بس قال واحد منهم اتركو المرد علي وقال هاك القصيده اللي تبين فعل خصمهم بهم وشلون لاحقوهم ونوخوهم وفكو الابل ولا خلو منهم احد إلا هم. والقصيده تفسر نفسها ************ الهجن هجن مـن ألعرســي تنحــرن جُــب ودخــينــه العلــم جايبينـه ألخـمسـي والجــو لجــت مـقـاطينـه عقيدهــم شــايبٍ يــرســي يوم الردي خنثرت عينـه لحقونا اللي حكيهم رمسي نــووبنـا النـيــه الشــينــه ضــربهـم بــــدفق كبسـي طريحـهـم لا تـــــرجينـه دمـــنـا كنـــه الــدبــسـي سيل شعـــيبٍ على دخينه ************ والعقيد هو هليل القويماني من الهضبي من العقاقره ومات من الهضبي من العقاقره بالمعركة ابوعريان القصله وابوعيده من الحمد *************** جمعها وكتبها اخوكم/احمد بن محمد الحريميس ابومنصور |
بسم الله الرحمن الرحيم
الاخ ابو منصور 000 حياك الله وبارك الله فيك 0 قصه وقصيده لها معنى وتراثيه تذكر معاني الرجال 0 سلامي لك ودمت بخير 0 |
هذه المعركة من المفاخر لأنها دفاع عن النفس والمال ، وهذا مشروع بل من قتل دون ماله فهو شهيد كما جاء في السنة النبوية الشريفة ، وهذه المناوخة من تاريخ عنزة الذي يجب حفظه .
وياحبذا ذكر المزيد من هذا التاريخ المشرف . |
الأخ حميد الله يبقيك والف شكر على المرور والمتابعة وهذا شي اعتز به وأفتخر به الا وهو تعقيبك على مواضيعي والمرور عليها
تحياتي لك |
الأخ صفوق أشكرك على المرور والمتابعة وأبشر لن أذخر شي عندي ابداً
تحياتي لك |
يقول عايد ابن ضافي الجلوي رحمة الله :
دشن ضنا ماجد حماة الاطاريف = نطاحة العايل برمح المطني والولد نذخرهم لصعب المواقيف = أنا اعتزي بالولد والولد مني كفوا والنعم بضنا عبيد .... اشكرك اخي على هذه القصة والقصيدة الخالدة لشجاعة هؤلاء الرجال رحمهم الله.. |
اخي الرجال العنزي اشكرك على المرور والمتابعة ولا شكر على واجب فالبحث في قصص القبيلة واجب على ابناءها لكي يؤثق لها والله يسمع منك ويرحم الجميع بواسع رحمته تحياتي لك |
| الساعة الآن 08:46 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd