موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

مساجلات جديده صالح العبار وسالم الرودسي

قال الشاعر صالح بن عبدالله بن دهيمش العبار هذه الأبيات يسند على والده عبدالله بن دهيمش بن عبار :
يالخيـال الـلي عـلى صيـد النـوادر ضاري *** فوق متن الريح حلّق مع سحاب طموحه
لا تصيـد الا النوادر من هجوس اشعاري *** شاردات ما تليـق الا بالشاعـر وممدوحـه
لحـليـم البـاسـل الحلـحيـل عـوق الـزاري *** أمـدحـه لـو كـان بـه شهـادتـي مجـروحـه
جـم صافـي للقبيله عـذب ما هـو صـاري *** جـذب منبع سلسبيله يروي الـلي يموحـه
كنّـه عـلـم فـوق قـاره يقتـدي بـه سـاري *** وبالكـرم والجـود دايـم فـي دلالـه فـوحـه
سطـر تـاريـخ القبـيلـه واصـدره للقـاري *** بارع بشعـر الجزالـه شـاد نظـم صروحـه
وان بغيت ارسـم بجـوده لوحـة بخطاري *** تبـرق بـروق الصخـا بـراس حـم اللوحه
والـدي وافخـر بفعـلـه من نسـل عبـاري *** واجـب اوثـق بمجـده بالقصيـد اطـروحـه
قال عبدالله بن دهيمش بن عبار هذه القصيدة جواب لقصيدة الأبن صالح بن عبدالله بن دهيمش العبار :
ابـتـدي بسـم الـذي فـي كـل خـافـي داري *** الـولـي خـلاق عبـده جـل نافـخ روحـه
منشي مزون السحايب من هبوب الذاري *** ربـنـا بـيـبـان رزقـه لـلـمـلأ مـفـتـوحـه
وبعـد ذكـر الله بديت القـاف جـاني طـاري *** القصيد انظـم بيوتـه من نبـع نقروحـه
قلـت رد بيـوت صالح حيـث قـال يـمـاري *** بالعلـوم الـلي تشّـرف طايلات شبوحـه
كـل ضـايـع يـقـتـدي بسـهيـل فـالـغـداري *** القمر بدر الدياجي دوم يضوي ضوحه
والهـريـد الـلي تكلّـم كـل هرجـه عـاري *** بالعرب كلن يقـول المعتدي وش نـوحه
الذي بالكذب بـايـع والذي للكذب شاري *** لـجتـه مثـل حـراج الـعـود أو منفـوحـه
واثـق بالـلي عملـت وللبـذي ما اجـاري *** الخـزي كـلـن يعـرفـه غايتـه مفـضوحـه

قال سالم بن خساف الرودسي ابو انور هذه الأبيات يسند على عبدالله بن دهيمش بن عبار يقول :
ارسـل لـك الأبيات مـاني مجاريـك *** حـيثـك قـرابـه يا عـريب السلايـل
من مارثـة حنتوش مافيه تشكيـك *** اصلك ذهب من صفوة اولاد وايل
حـنـا تـرانـا عـزوتك نعتـزي فيـك *** بـارواحـنـا نـفـداك والـشـك زايــل
اهـل القـويدا فعلهـم ماهـو خافيـك *** عـدوهـم منـهـم يشـوف الهـوايـل
وحنا يا أبـو مشعل نـودك ونغليـك *** مـن دور أهلنـا والجـدود الأوايـل
عسى ولـي الكـون يقهـر اعـاديـك *** تطلع علـى الظالـم نجـوم القوايل
وقال عبدالله بن دهيمش بن عبار هذه الأبيات جواب لأبيات الشاعر سالم بن خساف الرودسي :
يا سالـم ابن خسـاف ربـي يحييـك *** اشكـر جـنابـك يا رفيـع الحمـايـل
تعيش يا سالم عسى الـلـه يقويـك *** يا نسل اللي يفزع اليا عال عايل
الرودسي يـوم الحـراب المشاويك *** يصلا العـدو في حاميات الفتايـل
والنـعـم بجـدودك وثـم النعـم فيـك *** حـيثـك سـلايـل طيبـيـن الفـعـايـل
يا القرم مـا تشكل عـلي الصعاليك *** السافليـن أهـل العـلـوم الهـزايـل
الـلي كـلامـه بالـوسايـل تـمـاتـيـك *** ظالـم عسى بالناس جنسه قلايـل