موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

ومن لانفـع. نفسه تٌوده. على ويش
اهداء إلى ابني سعود بن محمد سوعان الربيّع
ــــــــــــــــــــــــــــــــــــــــــــــــــ ـــــــــــــــــــــــ

ياسعود أنا بوصيك عن خـوّة الديش = الخـايب الفـاشـل .ضـريـر البصيره
فـودك مـن المثبور. هـم. وتباليش = ومع النـدم. تصبح. وتمسي. ابحيـره
يغـريك باشـيا. مخزيـه. مالها. قيش = تـرميـك ببحــور. العـــذاب. الخـطيره
حكّم ضميره والعقل واترك الطيش = ولا. تـرتـجي مـن. لايـصلي. .بـريـره
طنش ســوالف.خايب السـد.تطنيش = كــب السفيـه اللي هـــروجـه حــقيـره
عجّـل وهمش تـايـه الرأي. تهميش = وحـذراك.مع .ذا لا تطــول. المسـيره
ابعـد وجـاز.اللاش. صـد ً.وتهميش = خـلـه. يـولي مـاتـبي… زود خـيـره
اكثـر حكايـا. الهيس كذبً وتهليش = ولا ظـنتي. ياسـعود. يـربـح. خشيره
ومن لانفـع. نفسه تٌوده. على ويش = ولو به.سـنع. وإحساس قرر مصيره
وليـا نحـاه البعـد. لا تنشـده. ليش = وان طـعتني. دور.من. الناس. غيـره
وعـلـيـه. حـذرا لا تـدز. المطـاريش = لـوما بقـالك. بـالخــلايـق.. عـشــيره
وان.غاب.والاّ. مات ياسعود.حتيش = الله. يعيضـك. بالـوجـيـه. الســــفيره
سـج القـدم لاتستمع. للوشـاويش = واعتاض عن ديـره. سـكنهـا.ابـديـره
لا تخاوي.من الناس. كود المداغيش = قـرومً. بـهـم نـوماس في كل ســيره

محمد بن سوعان الربيّع