موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

المكرّم الفاضل فرج البلازالمعذرة عن مسح قصيدة الغسلان لأسباب ما نستطيع التطّرق لها .

ونعوضك بقصيدة الغسلان بهذه القصيدة :

قال عبدالله بن دهيمش بن عبار هذه القصيدة توضح أنساب قبائل ربيعة العشرة
وملخص ما تفرّع منهم حسب ما جاء بالمصادر والوثائق ولكي يدرك الذي يخلط
قبائل وينسبها لبعضها أن النسب ثابت ما يزوّر ولا يحوّر:

أريـد اعـد أنـسـاب عـزوة ربـيـعـــــه *** هـم أكلـب المشهور وأيضاً ضبيعة
وأسـد أسـد الـغـاب مـا هـو نـزيـعـــه *** خلفـة نـزار ومن صماصيم عدنـان

واقـسـام اكـلـب هـم مـحـلـف وعـامـر *** رجـالـهـم بـالـكـون يـنهـى ويـامـر
ضـد العديـم اليـار ركـب كـور ضامـر *** وعوق الخصيم اليا تلاقـوا بميدان

ضبيعه منه احمس ومنها جلي وزيد *** بـواسـلٍ وقـت الـمـعـامـع صـنـاديـد
والـيـوم صـاروا فـي بـلاد الأكـاريـــد *** فـي ديـرة الموصـل وديـرة عبادان

وعميـرة جـاب من الشغـاميم منـعـور *** انجـب مبشـر خلفته صايب الشور
ومبشر جـاب انمـار نجـلـه ومنصـور *** وعدي من نسله له القـدر والشان

أمـا عـنـزة منهـم بـنـو جسر وهميـم *** وبنـو سعـد مثـل الحـرار الصواريم
وبنو الدول شجعان ما تقبـل الضيـم *** ومنهـم مقابيس الوغى نسـل هـزان

وطريف من عنـزة وعـزوة محـارب *** أن كان لاحوا فوق هـدف الغـوارب
لـهـم عـلى فـعـل الـمـراجـل تـجـارب *** وثامـن نسـل عامـر شغاميـم جـلاّن

ومنـهـم ضنـا عـنـاز من نسـل وايـل *** بشر وضنا مسلم شخوص وحمايل
كـان اعتلـوا فـوق المهـار الأصـايـل *** يرذون سـرد الخيـل في كـل ميـدان

وجـديـلـه انـجـب عـبد قيس وغفيلـه *** والنمـر أبـن قاسأط اعـزاز القبيلـه
وبـكـر وبـني تـغـلـب قبـائـل أصيـلـه *** وعنز بتهامه حلـف خثعم وشهران

ومن نسل عبد القيس لكيـز مع شن *** ومنهـم قـبـايـل مـا بمـفعـولهـا ظـن
ما منهم اللي عن حشود العـدو كـن *** ضد المعادي يـوم زوغات الأذهـان

من النمر تيم اللاّت مع اوس منـات *** يـوم الحـرايـب يلتقـون الصعـيبـات
لـهـم فـعـايـل سـجـلـت بـالـسـجـلّات *** زعيمهـم مـذكـور نسـل الضحـيـان

النـمـر وغـفيلـه لهـا اقسام وفـروع *** مع تغلب الغلباء غدوا معهم جموع
تاريخهـم معـروف بالكتـب مطبـوع *** وبـلادهــم بـيـن الـجــزيــره وحـرّان

وبكـر منـه يـشكـر وعجـل وحـنيـفـه *** وتيم وقيس أهل الجموع المخيـفـه
ويـوم المطـاعـن بالسيوف الرهيفـه *** منهم ذهـل عـوق المعـادي وشيبان

وتغلب منهم بطل الوغى يوم خـزاز *** كليب وايـل فـي عـلـوم الفـخـر فـاز
جـمـع الأراقـم لا بــدأ طـراد ولــزاز *** منهـم هـل الشهبا من أحفاد حمدان

وعنـز انجب أراشه وأنجـب رفـيـده *** منـهـم عسيـر قـروم نـعـم الـبـديـده
أولاد عـنـز أهـل الـعـلـوم المـجـيـده *** أهـل السـراه الـلي بهـا علمهم بـان

هـذي ربـيـعـة فـي جـميـع المـصادر *** عـشـرة قـبـايـل بـالـفـعـايـل نــوادر
ومـن حـرّف التاريـخ مـا كـان قـادر *** يمسح نسب عشرة قبايل لهم شان

هـذا نـسـب والـكـل يـنـسـب لـجــده *** ماهي عـلى الرغبـة ولا هـي مـوّده
حـيـث الـحـقـايـق كـل فـاهـم يـعــدّه *** مـاهـي حكـايـة قـالهـا فـلان وفـلان

الفـيـن عـام وهـي قـبـايـل عـريـقـه *** وأهـل النسب عنهـا تقـول الحقيقـه
الـعـم مـا يـنسـب لخـلـفـة شـقـيـقـه *** ولا جـاز شلح الجد في كل الأزمـان

كـم جـد فـي ذريـتـه صـار مشـهـور *** لـولا فـخـرهم كان مخفي ومطمـور
هم شهروا علمه وهـو كان مغمـور *** عاجز عن علوم المراجل وكسلان

الـلـي نـزل لـو كـان جـدّه خـلـيـفــه *** مـع العـرب مـالـه مكـانـه وصيفـه
مـا يصعـد بـروس الجبـال المنيـفـه *** يـبـقى مـقـرّه في مهابيط الأطمـان

والـلي يـنتحلـون الجـدود المشاهير *** مقصدهـم لـوايـل مهـونـه وتحقيـر
مـامـن قبـيـلـه تـنـتحـل جـد تـزويـر *** ما ظنتي يسطي على الجد سرقان

مـا لـعـنـزة بـوايـل جـديـلـه عـلاقـه *** مـتى عـنـزة صارت لقاسط لحاقـه
عـنـاز أبـن وايـل بـساسـه عـراقـه *** ما هـو حليف ولا ظهر علمه الآن

مشهور عـلمه في جميع المراجع *** ولا يغـيّـر التاريـخ منشـد وساجـع
والعلم اللي ما مصدره صح فاجع *** حنـا ضنـا عنـاز مـن أصـل ويـلان

عـزوة ضنـا عناز كيـف اهمّلوهـا *** رامـوا سواهـا وبالوسايل نسوها
ما تنسب العـزوة عـلى غير ابوها *** من حرّف الأنساب يشعر بنقصان

اصل عنـزة معروف مافيه شكات *** حـنـا عـنـزة مـا نستمع للخـرافـات
والـلي يلفـق من خـيالـه دعـايـات *** نقول لـه يا محرّف الأصل غلطـان

عـنـزة تذكر بالمصادر لهـا الفيـن *** مضى عليها قرون واحد وعشرين
تعـرف ولا وجـودها بـس قـرنيـن *** حيث المصادر وضّحت كل ما كـان

قلته وأنـا سجـلّت تاريخ وأنسـاب *** حـقايـق يفخـر بهـا الكهـل والشاب
ادوج وانقـل من مصادر وشيّـاب *** وعلى البحوث امضي الليل سهران

بـددت مـالي مـا طـلـبـت المعـونـه *** والـلي عـملتـه عـزوتـي يـذكـرونـه
بيـض الضمـايـر جـهـدي يثمنونـه *** ولاني بحـال الـلي يقولـون جحدان

عـزوة ضنـا عـنـاز فصلتهـا بـدود *** بشر وضنا مسلم من الطفل للعـود
انقل صحيح القول من علم ماكـود *** مجهـد ولا اسجـل هـذاريـم سردان

كتبت نسل سهيل مع عـزوة عبيد *** وبني وهب وجـلاس فـرّدت تفـريـد
ويشهد على التأليف كـل الأجاويـد *** مـن روس شيـاب القبيلـة وشـبّـان

سهيل أبن بشـر ضنـاه العـمـارات *** انجـب جبـل شجعـان يـوم القوامات
وسلقا سلامه لهم بالكون صولات *** ودهامشه في جولت الخيـل فرسان

وعبيـد من عقبـه سليمان وسبيع *** ابطـال في عصـر اللقـاء والمفازيع
رجالهم بطل وصميدع وصعصيع *** وثـالـث بدايـد خلفـة عـبيـد فـدعـان

وجلاس عقّـب فـارس الخيـل زايد *** وزايـد مـن اعقـابـه ثمـان البـدايـد
رويـل الـلي لهـم المراجـل عوايـد *** قعاقعـه ورجـال مرعـض ودغـمان

وفـرجـه والكواكبـه علمهـم شاع *** وأشاجـعـه لابـه طـويـليـن الأبـواع
وسوالمه يوم الوغا اسود واسباع *** وعبادله اللي تروي السيف والزان

وبني وهب شراعبه ضد من عال *** مع ولد علي اللي يضدون الأبطـال
وهـب حمـول الخيل حمايـة الـذال *** ومنهم مدابيس الوغى نسل نبهـان

واقسامهـم فصلتهـا خـيـر تفصيـل *** وذكرت كـل شخوصهم والمشاكيـل
من وقتنا الحاضر لياماضي الجيل *** ولا قـلت قـول بـلا دلايـل وبـرهـان

نـظّمـت مـن قـافـي معانـي مـفيـده *** فيـهـا ذكـرت انـسـاب كـل الـبـديـده
وصلّوا على الهادي ختام القصيدة *** رسولنا الـلي سـار في هدي قـرآن