العزا لك يا إمام المسلمين =ولاسرة آل سعود يا قيدومها
والعزا للمملكة في كل حين =وللعيون اللي جفاها نومها
نايف الله يرحمه دنيا ودين =صحوة الأفكار هو زيزومها
ما ذكرنا للعقل مثله ضمين =يجنّب النفس البرية لومها
منهجه منهج رياض الصالحين =عارفٍ أهل الفتن وعلومها
صد غارات الرفض والملحدين =وحيّة الإرهاب وسط كمومها
وغير دين الله بداره ما يبين =دعوة التوحيد شد عزومها
باذلٍ جهدٍ قويٍ ما يلين =ناقلٍ جمل العرب وهمومها
خلده في صفحة اللي خالدين =حبه لداره وحب سلومها
إرحمه يالله رب العالمين =العدا لطم الفعل بخشومها
للعقيدة نايف الحكمة عوين =مغليٍ وسط المحافل سومها
ومن يحج البيت بالأمن الحصين =عاد سالم والسما بنجومها