موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - إلى شاعر عنزة ومؤرخها ... عبدالله بن عبار ...

لاهنت يابن عبار ونحترم موقفك

مار تراني قريت الرد قبل التعديل ، ولو اني أرى انه من باب الانصاف ان تذكر القصايد الردود على قصايد سليمان اليمني بما انه ذكر قصيدة سليمان اليمني ، وهي في كتاب السديري ومتداوله ، وذكر ماقال في حق السبعه والفدعان ، حتى انه في كتاب السديري هضم حق السبعه والفدعان ، يعني لماذا حنا يالسبعه مذكور الشي اللي ضدنا ولايوجد اللي لنا ، لذا يتصور ان ساجر الرفدي وهو اشهر من نار على علم وراعي مغازي بعيده وله بطولاته وانتصاراته ، يتصور ان السبعه والفدعان لم يدافعوا امامه وانهم لم يفعلوا شيء والحرب سجال ، حتى ان قصيدته اللي بها بالقلب ولوال ، قالها بعد ماطاح وقضب من السبعه اللي بعدها لم تقم له قائمه ضدهم وضد ضناعبيد عموم ، من يقرأ كتاب السديري لايدرك ذلك وانا اعتقد انه من باب الانصاف على الاقل ان قصايد سليمان منتشرة بكتاب مشهور مثل كتاب السديري وكلن يقراه ، اما قصايد هاني وجدوع غير مشتهره ولااحد يدري عنها ، لذلك ارى انها لو ذكرت على الاقل تعادل الكفتين ان هذي قصيده وذي ردها وجانب السلقا مذكور ماهو خافي ، اما جانب ضناعبيد لايعلم ، لماذا نحن نتحمل عبء السالفه اللي علينا ولايذكر اللي لنا ، هذا حنا نقرأ قصايد سليمان اليمني وكلن يقراها بكتاب ابطال من الصحراء .
ونحن نعلم ان كتاب السديري اريد له ان يخرج بشكل مثالي في تصوير الابطال وان ذكرت اشياء ضدهم في بعض الاحيان او حتى مقتلهم او اسرهم،
فمثلا مقتل عقاب وحجاب قصايد سعدون العواجي بهم بعد موتهم متعدده لايمكن التغاضي عنها واغفالها ، اما اسر محدى الهبداني وقصيدة خلف الاذن به اللي ارسلها لابن سمير ،محدى له رد عليها لم يذكر وبين محدى برده ان الفرس تقنطرت ، وكذلك قصيدة حر شلع يوم البواشق مخامير ،، تم تغييرها وفيه اشياء كثيره وملاحظات كثيره الان لاتحضرني ، لكن ودي انك ذكرت قصايد جدوع وخابور والشيبان الله يرحمهم اللي قالوها لك ، حتى لو قالوا مانبيها مايعني اننا نوافقهم في ماقالوا فهي المساله بعيده عن اشخاصهم وارائهم ، وهم الله يرحمهم قالوها لك ، فمن جهة وصيتهم لك بعدم اظهارها هو متناقض في واقع الحال مع اخبارك بها ، لو انهم مايبون يطلعونها ماكان قالوها لك من الاساس،ولكن ربما قالوها من باب عاطفي انهم طرف في الحدث ، والا هي في النهايه تاريخ ماهي قضب خواطر ، ولو انك توردهن على الاقل بما انهن رد على قصايد فتتعادل الكفه بين القصيدة وردها مثل قصايد اليمني وهاني وهكذا..