بسم الله الرحمن الرحيم وبه نستعين
قال عبدالله بن دهيمش بن عبار هذه القصيدة توضح أنساب قبائل ربيعة العشرة المعروفة في العصر الجاهلي وصدر الإسلام وملخص من تفرّع منهم حسب المصادر والوثائق وما استفاض واشتهر لكي يدرك كل جاهل ومتجاهل النسب الصحيح الثابت الذي لا يزوّر ولا يحوّر وقلت :
بسـم الـلـه الـوالي بـديـت التفاصيـل *** فـي ذكـر ذربيـن الرجـال المشاكيـل
من عصرنا الماضي لياحاضر الجيل *** ولا قـلـت قـول بـلا دلايـل وبـرهـان
يـا مـا مشيت من المشاويـر جـولات *** ادوج بـالـبـدان واجــمـع روايــات
واصدرت في سيرة ربيعة اصدارات *** وحاولت اكمّل سيرتي قـدر الأمكان
جـمـعــت كـل اشعـارهـم والـحـداوي *** ووسـومهـم والقـابـهـم والـعـزاوي
تـاريـخـهــم يــرويــه راوي لــراوي *** وكنت استمع لأقوالهم كـل الأحيان
قـلتـه وأنـا سجـلـّت تاريـخ وأنسـاب *** حـقايقٍ يفخـر بهـا الكهـل والشـاب
وبـديـت اوثــق مـن روايـات شـيّـاب *** اقوالهـم ماهي من هذرايـم سـردان
اطلـب مـن الـرّب الكـريـم المـعـونـه *** والـلي عـملتـه عـزوتـي يـذكـرونـه
بيـض الضمـايـر جـهـدي يثـمنـونـه *** ولانـي بحـال الـلي يقولـون جحـدان
أريـد اعـد أنـسـاب عـزوة ربـيـعــــه *** هـم أكلـب المشهور وأيضاً ضبيعـة
وأسـد أسـد الـغـاب مـا هـو نـزيـعـه *** خـلفـة ربيعـة مـن صماصيم عدنـان
واقسـام اكـلـب هـم مـحلـف وعـامـر *** رجـالـهـم بـالـكـون لـلـخـصـم دامـر
ضـد العديـم اليـار ركب كور ضامـر *** وعـوق الخصيم اليا تلاقـوا بميـدان
أمـا ضبيعـه خلـفـتـه احـمـس وزيـد *** وجـلي من قـروم الرجـال الصناديد
والـيـوم صـاروا فـي بـلاد الأكـاريـد *** بـأرض الحويزه فـي نواحي عبادان
وعميـرة جـاب من المناعير منـعـور *** انجـب مبشـر خلفته صايب الشـور
ومبشر جـاب انمـار نجـلـه ومنصور *** واعدي من نسله له القـدر والشان
وجـديـلـه انـجـب عـبد قيس وغفيلـه *** والنمـر أبـن قاسـط اعـزاز القبيلـه
وبـكـر وبـني تـغلـب حـمـات الدبيلـه *** وعنـز بتهامه بيـن خثعـم وشهران
ومن نسل عبـدالقيس لكيز مـع شن *** ومنهـم قـبـايـل مـا بمـفعولهـم ظـن
عـلـي العـيونـي مـا تخـاذل ولا كـن *** هـزم فلـول القـرمطي والسعـد زان
والنمـر بن قاسط منـه قاسط وتـيـم *** وعـبـد مـنـاه واوس مـابـه مثاليـم
ابطـال في خـوض المعامع صوريم *** ومقدامهم شيخ النمـور الضحيـان
وغـفيله ايضاُ منهـم قسام وفـروع *** مع تغلب الغلبا لهم حلـف وجموع
تاريخـهـم بمسطّـر الكتـب مطبـوع *** وبـلادهـم بـيـن الـجـزيــره وحـرّان
وتغلب منهم بطل الوغى يوم خـزاز *** كليب وايـل فـي عـلـوم الفـخـر فـاز
جـمـع الأراقـم لا بــدأ طـراد ولــزاز *** منهـم هـل الشهبا صناديـد حمـدان
وبكـر منـهم يشكـر وعجـل وحنيفـه *** وتيم وقيس أهل الجموع المخيـفـه
يـوم المطـاعـن بالسيـوف الرهيفـه *** منهم ذهـل عـوق المعادي وشيبان
وعنـز انجب أراشه وأنجـب رفـيـده *** منـهـم عسيـر قـروم نـعـم الـبـديـده
أولاد عـنـز أهـل الـفـعـال المـجـيـده *** أهـل السـراه الـلي بهـا علمهم بـان
أمـا عـنـزة يــذكـر ويـقـدم عــيــالــه *** نـوادر مـن انـجـال عـامـر سـلالـــه
جـد عـنـزة حـاز الـلـقـب بـالبـسـالـه *** الـفـارس الـلـي لـلـمـعـاديـن طـعـان
يـذكـر ويـقـدم عقبـوا جسـر وهميـم *** وبنـو سعـد نـسل الرجـال الشغاميم
وبنو الدول شجعان ما تقبـل الظـيـم *** ومنهـم مقابيس الوغى نسـل هـزان
وطريـف منهـم ثـم عـزوة محـارب *** فـوق النجـايـب مـهـدفـات الغـوارب
لـهـم عـلى فـعـل الـمـراجـل تـجـارب *** وثامـن نسـل عامـر شغاميـم جـلاّن
ومنـهـم ضنـا عـنـاز من نسـل وايـل *** مسلـم وبشـر مـن سـلايـل حـمـايـل
كـان اعـتـلـوا قـب المهـار الأصـايـل *** يـروون حد السيف والرمح والزان
جمع عنزة من ساس عـزوة عريقه *** كـل العـرب عنهـم تـقـول الحقيـقـه
الـعـم مـا يـنسـب لخـلـفــة شـقـيـقـه *** ولا جاز شلح الجد في كل الأزمـان
اصل عنـزة معـروف مافيـه شكـات *** من مصدر التاريخ مـاهي خرافات
والـلي يلفـق مـن خيـالـه حـكـايـات *** نـقـول لـه تـراك مخـطي وغلطـان
جـد القبيـلـة رقـم سـبـعـة وستـيـن *** مضى عليه قرون بحدود عشرين
وجـود عـامـر جـدنـا قـبـل الفـيـن *** حيث المصادر وضّحت كل ما كـان
ذكـر عـنـزة سجـل بكـل المراجـع *** ولا يغيّـر الأنسـاب منشـد وساجـع
تـذكـر لهـم فـي كـل ديـر منـاجـع *** من خيبـر الحـره اليا حـدود لبنـان
وايـل ضنـا عـنـاز اصـل وعـراقـه *** ما هـو حليـف ولا لغـيـره لحاقـه
وايـل جـديـلـه مالـنـا بــه عـلاقــه *** حـنـا ضنـا عنـاز والساس ويـلان
عـنـاز كتّـاب النسـب مـا اهمّلوهـا *** تـنـاولـوهـا بكـتبـهـم مـا نـسـوهـا
ولا تنسب العـزوة على غير ابوها *** والـلي يعاف الجـد يشعر بنقصان
اعـتـز فـي طـاري ثقيليـن الأرواز *** بشر وضنا مسلم من احفاد عـنّـاز
وأخـوه يذكـر ذايـع الصيت مـعّـاز *** شيـابنـا وشيـابـهـم لـيـس كـذبـان
مـعـاز مـن نسـلـه حـمايـل عطيـه *** في قـول نخبـه من رجـال السميـه
والنعـم باهـل المرجلـه والحـميـه *** لنا الشرف لا قالوا اجدودنا اخوان
تـوارث الـمـوروث اصــدق دلايــل *** حيـث الأفاضة مـن أهـم الوسايـل
تـفـرعـّت مـنـهــم ثــلاثـة قـبــايـل *** خـميس وعطيّـات وأيضـاً عقيـلان
عـزوة ضنـا عـنـاز فرعتهـا بـدود *** بشر وضنا مسلم من الطفل للعـود
انشر صحيح القول من علم ماكود *** وعلى البحوث امضي اليل سهران
جملـة ضنـا عنـاز من دون تفـريـد *** أنساب نسل سهيل مع عـزوة عبيد
وبني وهب وجـلاس نعـم الأجاويد *** وذكـرت فرسـان القبيلـه والأعيـان
سهيل أبن بشـر ضنـاه العـمـارات *** انجـب جبـل شجعـان يـوم القوامات
وسلقا سلامه لهم بالكون صولات *** ودهامشه في جولت الخيـل فرسان
وعبيـد من عقبـه سليمان وسبيع *** ابطـال في عصـر اللقـاء والمفازيع
رجالهـم بطـلٍ صميدع وصعصيع *** وثـالـث قبايـل خلفـة عبيـد فـدعـان
وجلاس عقّـب فـارس الخيـل زايد *** وزايـد مـن اعقـابـه ثمـان البـدايـد
رويـل الـلي لهـم المراجـل عوايـد *** قعاقعـه ورجـال مرعـض ودغـمان
وفـرجـه والكواكبـه علمهـم شاع *** وأشاجـعـه لابـه طـويـليـن الأبـواع
سوالمه يوم الوغا اسود واسباع *** وعبادل اللي تروي السيف والزان
من وهب الشراعبه ضد من عـال *** وولادعـه بالكون شجعان وأبطـال
وعـزوة مـنبـه لا بطـل كـل عـذال *** سـت الجموع الـلي تكـنّوا بنبهـان
هـذي ربيعـة فـي جميـع المصـادر *** عـشـرة قـبـايـل بالـفـعـايـل نـوادر
ومـن حـرّف التاريـخ ما كان قـادر *** يدفـن نسب عشـر القبايل بكثبـان
هـذا نـسـب والـكـل يـنسـب لـجـده *** ماهي عـلى الرغبة ولا هي مـوّده
صدق الـحـقـايـق كـل فـاهـم يـعـدّه *** ماهـي حكايـة قالهـا فـلان وفـلان
كـم جـد فـي ذريتـه صـار مشهـور *** لـولا فخرهـم كان مخفي ومطمـور
هم شهروا علمه وهو كان مغمور *** عاجز عن علوم المراجل وكسلان
والـلي نـزل لـو كـان جـدّه خليـفـه *** مـع العـرب مـالـه مكـانـه وصيفـه
من لا صعـد روس الجبال المنيفـه *** يبـقى مـقـرّه في مهابيط الأطمـان
والـلي تـخـيّـر بالجـدود المشاهيـر *** مقصوده لجـده عـيـاف ومحاقيـر
مـا تـاجـد الـلي ينتحـل جـد تزويـر *** ولا هو بضاعة يجلبونه بالأثمان
نظّـمـت مـن قـافـي معـاني مفـيـده *** فيـهـا ذكـرت انسـاب كـل البـديـده
وآخـر كـلامي فـي ختـام القصيـدة *** صلّوا على من سار في هدي قرآن