انواع من الشعر الشعبي
================
الساجدي في الشعر الشعبي / اعداد أبو عمار الربيعي
=======================
الساجدي من الاوزان الشعريه الموظفة لأغراض المنبر والتكايا والمواليد وقد اطلق عليه هذا الأسم لكونه يؤدى بعد مناسك الصلاة والابتهالات في المحاريب ويعتبر جزأ من الشعر النبطي المتداول في جزيرة العرب ::::
-------------------------------------
نمشي على نجم الجدي = وبيه للمضارب نهتدي
نرضى كلام بن الشهم = ونرفض كلام بن الردي

احفاد لأجداد مضوا = بالضيم والذل مارضوا

شالوا خيام وكوضوا = واترنموا بالساجدي

نمشي على نجم الجدي

علم الوكت من علمهم = ظلم الدهر ياظلمهم

رايد أثر من جدمهم = علاني ليهم أهتدي

نمشي على درب الجدي

يارويحتي طال الجفه = والوصل هجران صفه

الجفن مني ماغفه = تيهت حتى موردي

نمشي على درب الجدي
------------------------------------------
السامري في الشعر الشعبي( شعر البادية )
=======================
ياسامري وين الربع = عيوني ترى اشتاكت لهم

مافادني سيل الدمع = ولالمني شوكي بهم
**
يمته شملنه ينجمع = وانشد على احوالهم

ماهمني كسر الضلع = بل همني ماهمهم

**
تركوا على كلبي صدع = واتمرمرت من اجلهم

وانه الوفه عندي طبع = مهما يطول فراكهم

**
هجر الوليف بياشرع = وانه الحنين الوصلهم

انوارهم حين التشع = يبدي النهار بليلهم

**
ياحسرتي الماتنسمع = على الجفا من حالهم

نذر علي لو ننجمع = داري مضيف الخيلهم

من المشط بالزهيري ( ردلي )
====================

عنك هواي انشدت بس ماوصل = ردلي

يالخذت كلبي الوفي كبل الجفه = ردلي

ضيعت كل التعب ماحققت = راده لي

ثلثين عمري انتهى بين العتب = والهم

ضايع بدرب الوكت اسحن صبر = والهم

طعت الوشاة ورحت منهم صرت = ولهم

يوم الغزاني العشك كلبي هتف = مرحله

لاجن ابد ماذكت من النبع = مرحله

ماجنت ادري الحلو بالحب اله = مرحله

ياحيف بمحبتك دمع النواظر = وشل

خليتني بغربتي بجروحي اروفن = وشل

رمح التجافي كلف هودر بجسمي = وشل

غنيت من حركتي وماواحد = ردلي

-------------------------------------
**
ياسامري وين الربع = عيوني ترى اشتاكت لهم
----------------------------------------------
مربعات الناصريه ( من وزن التجليبة )
=========================
احب الليل ونجومه ومسراته
واحب حتى الجفن لو همل دمعاته
**
طويل ألليل يالمحبوب سامرني

ضعنك لاتشده ودوم جاورني

عيني لو رحت شنهو اليصبرني

وتدري الشوك ماتنعرف حالاته

**
اهواي احباي راحوا والوكت غدار

بالجنه ويجي الشامت يشب النار

حتى الدار ماجنها هذيج الدار

وجن درب الوكت طالت مسافاته

**
يستأنس زماني بغربتي ولوعي

يصافحني ويوج النار بضلوعي

عفاج اشلون ماوشلتي يدموعي

يوم الضاع كلبي وفكد دكاته

**
احب الليل ونجومه ومسراته

واحب حتى الجفن لو همل دمعاته
______________________
النموذج الثاني ( من وزن الشبكها )
-------------------------------------
ليل واتجمع شملنه = ترف ولدارك وصلنه
أه ياريحة أهلنه = الدمعه صارتلي وسيله
==========================
-منوعات من الشعر الشعبي العراقي // اعداد ابو عمار الربيعي
---------------------------------------------
شلون تريد اودعك واني اعرفك زين
رايح مني انت وما الك رجعة
===========
وتطلب مني ابوسك كلي من يا عين
ويا بوسه التعوض حركة الدمعة
============
جنت من لحظة تبعد كلبي بيك يحير
هسة شلون بيه وكلبك مودعه
===========
وهسة شلون بيه وما اعيش وياك
واذني شلون صوت غيرك تسمعه
============
وعيني شلون كلي تنحرم ملكاك
وطيف شلون كلي الغيرك اتبعه
=============
يالتعرفني كلش ماني حمل وداع
اذوبن من اودعك ذوبة الشمعه
============

ويالتعرف غلاك بكلبي يملا الكون
رايد كلبي ليش بهجرك اتصدعه
==============
انت اول عشك ذوبت بيك الروح
وانت اخر نفس لو صعد شيرجعه
===========
وانت اجمل حلم غمضت عيني عليه
اوردت يطول ليلي ومنا ما اوعه
==============
وانت البيك أأمن من تخون الناس
ما حاسب غدر بعيونه ألوسعه
==============
اذا رايدني اودعك اخذ كلبي وياك
واذا كلبك تخلى ابد ما اودعه
============== ======

الأخ أبو عمّار الربيعي لقد أجدت في أختيارك لهذه القصائد ومن الطبيعي أن أختلاف لهجات الشعوب من أسباب عدم فهم بعض الكلمات ولو رجعّنا الكلمات إلى حروف الهجاء الأصلية لأتضح المعنا أكثر فمثلاً الأخوة في بلاد الرافدين وبعض بلاد العرب يكتب ( القلب ) ( الكلب ) وهذا مثّل مسمى حيوان وليس العضو النابض في الأنسان أما أنواع الشعر الشعبي فأن مسمياته تختلف من بلد إلى بلد ومن قبيلة إلى قبيلة فمثلاً البيت القائل :
-------------------------------------
نمشي على نجم الجدي = وبيه للمضارب نهتدي
نرضى كلام بن الشهم = ونرفض كلام بن الردي

فهذا يسمى بالعراق الساجدي ونحن نسمية الشعر المروبع او الرباعي ولحنه كلحن حداء الخيل أو الحداء عند جذب الدلاء من الآبار
------------------------------------------
أما الشعر الذي سمّاه الأخ أبو عمّار السامري في الشعر الشعبي( شعر البادية ) ومنه طاروق هذا البيت
**
تركوا على كلبي صدع = واتمرمرت من اجلهم

فهذا اللون من لحن حداء الخيل ويلاحظ أن الأخ يريد بكلمة كلبي قلبي كما أشرنا سابقاً والسامري عندنا على طاروق هذا البيت من شعر بركات الشريف :
ما أخطاك ما صابك ولو كان راميك *** واللي يصيبك لو تتقيت ما أخطاك

أما الشعر الذي يطلق عليه اسم الزهيري فهو يسمى في سوريا العتابه وطاروقه كما ذكر الأخ أبو عمّار
====================

عنك هواي انشدت بس ماوصل = ردلي
يالخذت كلبي الوفي كبل الجفه = ردلي
ضيعت كل التعب ماحققت = راده لي
----------------------------------------------

وهناك لون قد يكون خاص في منطقة حيث سمّاه مربعات الناصريه ( من وزن التجليبة )
=========================
احب الليل ونجومه ومسراته
واحب حتى الجفن لو همل دمعاته

وهذا اللون يسمى الرجز الشعبي

أما النموذج الثاني ( من وزن الشبكها ) فأنه يشابه لشعر الدحة عندنا وهذا البيت مما أورده اخينا أبو عمّار
-------------------------------------
ليل واتجمع شملنه = ترف ولدارك وصلنه
أه ياريحة أهلنه = الدمعه صارتلي وسيله
==========================

وشعر الدحة منه هذا البيت :
أنتي وضحى لأبن ضري ** ما جلبت على الحضري ** مرتعها بفياض الهري ** بهاك الفياض العذيه

ثم ذكر الأخ أبو عمّار منوعات من الشعر الشعبي العراقي ونحن بدورنا نكرر الشكر للأخ أبو عمّار الربيعي على تواجده ومشاركاته القيمة

شكرا للأستاذ الشاعر الكبير عبد ألله بن عبار على هذه الملاحظات القيمه والتحليل المنطقي لبعض أبواب الشعر الشعبي ،،، تقبل احترامي وتقديري
----------------------------------------
ابو عمار الربيعي

الله الله ما اجمل الشعر العراقي وهو يوازي شعر الجزيرة العربية بكافة انواعة والزهيري من اصعب الشعر حيث انه ينتهي بكلمة واحدة مختلفة المعاني وتوج الشعر العربي بالعراق منذ القدم .... يقول احد شعراء ولد سليمان مثل ماتفضلتوا نوع من انواع الشعر نحن نسميه مربوع الدحة:

ابطينا واخذنا سنه... والحلو ما جانا عنه ... عزينا من بعد وطنه ... مقيضه بيضا نثايل ....
............
....... شكرا لك ايها الاستاذ الفاضل ابو عمار الربيعي على هذه المعلومات القيمة عن شعر وفنون اهلنا بالعراق ... وسلم لنا على عليهم جميعا ... تحياتي لك ولقبائل ربيعة ابناء عمومتنا الاعزاء على قلوبنا ... تحياتي..

شكرا اخي العزيز ألعنزي على هذا التليق الرائع و من شعر الدحه في بادية العراق :::
الرجال0000 أه يشويقي 0000 دحه
النساء 0000 هيجت شوقي 0000 دحه
الرجال0000 أه ياحسته 0000 دحه
النساء 0000 سيفك جرحنه 0000 دحه
الرجال 0000 حلي الضفيره 0000 دحه
النساء 0000 أخشى ألعشيره 0000 دحه
الرجال 0000الناقه اعقروها 0000 دحه
النساء 0000 بعروسه انحروها 0000 دحه
النساء 0000 بعرسه انحروها 0000 دحه
الرجال 0000 البنت الاصيله 0000 دحه
النساء 0000 بنت القبيله 0000 دحه
وهناك لون من غناء البادية وهو غناء ( ألهجيني ) ومعنى كلمة الهجيني لأبناء البادية يعني الجمل وجمعها الهجن ( الجمال ) وهم يؤدون هذه الاغنية بعد عودتهم من رحلة شاقة وربطهم للخيول واناختهم للجمال امام بيوت الشعر وفيها ترجمة للتعب والارهاق ....
-----------------------------------------------
ياربي مزنه من لدنكم لنا
اعطشنا وعطشت مواشينا
والدارنا عدنا يادارنا
فيك بعد ترحال حلينا

شكرا اخي العزيز ألعنزي على هذا ألتعليق الرائع من شعر الدحه في بادية العراق :::
=================================================
الرجال0000 أه يشويقي 0000 دحه
النساء 0000 هيجت شوقي 0000 دحه
الرجال0000 أه ياحسنه 0000 دحه
النساء 0000 سيفك جرحنه 0000 دحه
الرجال 0000 حلي الضفيره 0000 دحه
النساء 0000 أخشى ألعشيره 0000 دحه
الرجال 0000الناقه اعقروها 0000 دحه
النساء 0000 بعروسه انحروها 0000 دحه
النساء 0000 بعرسه انحروها 0000 دحه
الرجال 0000 البنت الاصيله 0000 دحه
النساء 0000 بنت القبيله 0000 دحه
-----------------------------------------------------------------
وهناك لون من غناء البادية وهو غناء ( ألهجيني ) ومعنى كلمة الهجيني لأبناء البادية يعني الجمل وجمعها الهجن ( الجمال ) وهم يؤدون هذه الاغنية بعد عودتهم من رحلة شاقة وربطهم للخيول واناختهم للجمال امام بيوت الشعر وفيها ترجمة للتعب والارهاق 00000
=====================================
ياربي مزنه من لدنكم لنا
اعطشنا وعطشت مواشينا
والدارنا عدنا يادارنا
فيك بعد ترحال حلينا
--------------------------------------------------------------------
ابو عمار الربيعي