أهداء مقناص وادي رم قبل أيام جديد
ألى الأخ الكبير عبدالله بن عبار

السلام عليكم ورحمة الله وبركاتــــــــه,,,,

لـــــــكم هذه الـــــــــــصور مــــن مقنــــــاص وادي رم

قبل اسبـــــوعــــــــيــــن وتم التقاط هذه الـــصـــور ،،،،

وأرجــــو أن تنــــال اعــــجابكم

صويب الغزال اللي رعى عاليات النيف........ في مرتع عسير على اللي يريدونه

اتعب على الطيّب ترى رفقته عز........ وإلا ألردي مافاد نفسه يفيدك

الصـاحب الـلي لا لمـح جيـتك فز........ هذا الذي لازم تعـده عضيدك

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,
وهذه صور لمقناصنا قبل عدة أيــــاااااام ورزقنا بالصيد الثـــــــانـــــي

حمرن علاويـهـا به الصـيـد رتاع ........ان شـفـتـهـن ولا الاثـاري جدادي

ولاني مع اهل السوق شاري وبياع .......رزقي على? محصي حساب الجرادي

وتـــــقـــــبــــلو تحـــــــيـــــاتــــــــــــي
الزلابيه وادي رم

أخي الكريم سالم الزلابية بارك الله فيك . . .

صور رائعة جداً ويعطيك ألف عافية . . .

حقيقة نحن نفرح بمن هو مثلك وشرواك لأن أهل القنص معروفٌ عنهم الشهامة والرجولة ويندر وجود الردي بينهم . . .


أشكرك كثيراً على هذه الصور الجميلة والرائعة ولا هنت . . .


دمت بخير وعافية
أخوك سلمان الشبيعان

الأخ الزلابي لقد شوقتنا في هذه المناضر الخلابة وهذا الوعل يذكرني بوصف الشعراء في قصائد المقناص

قال الشاعـر فالح بن مسعر بن ركاض العامري السبيعي من قصيدة :
لي بندق رميها يغـدي غـثـا بـالي *** ومخضبٍ عـقبها من كف صاحبها
الـلـه يـرحمـك يـا عـودٍ شـراهـالـي *** مـن واحـدٍ جابهـا للسوق جـالبهـا
شراها لي بالذهب لو سعرها غالي *** بمايـة وعشرين ما يفهق بغايبهـا
مطرق فرنجي رباعي ماله شكالي *** يكـودنـي طـولهـا لاجـيـت أزهـبهـا
يا بندق العـبد ياللي مالهـا أمثـالـي *** اللي ليا جت ليال الصيف عج ابها
كـم فـرحت بالخـلا من صدر زمالي *** وكـم سرحـة دورت منها ربايبهـا
يا زين طردي بهاغزلان الأسهالي *** والتيس دمـه يثـّوع مـن مضاربها
كم عـود ريـم يجي مشيه تهنفـالي *** كـن الحـنـايـا عـلى راسـه يقـلـبهـا

وقال الشاعر فراج بن ريفة القرقاح الفهري العبيدي القحطاني مجاراة لقصيدة الشاعـر فالح بن مسعر بن ركاض السبيعي من قصيدو طويلة :
لي بندق ما صنعها الصانع التـالي *** مـن دقـت المارت نحـال مقاضبهـا
في يدي قـرار تكف الجمع لنهـالي *** طـويـلـة ناحـل مقـضب خشـايـبهـا
لمـحـلا صـوتـهـا بالمـردم الخـالـي *** فـي قـنة الحيـد والحدباء تجاذبهـا
ولمحلا ضربها في جزل الأوعـالي *** أبـو حـنيـه كبـيـر الـراس شايـبهـا
ذبحت عشرة بها والضل ما مـالي *** والحادية روحـت تـثـلـع مضاربهـا
عط الطويلـه عـريب الجد والخالي *** ولـد الـردي لا تخلونه يـزول ابهـا
ولا الشجاع الذي للصعـب حمـالي *** أرفـع نـواصيـه يـا ربـي وقـطـبـهـا

وقال الشاعـر العطيفي الولدعي من عنزة هذه الأبيات من قصيدة مجاراة لقصائد أبن ريفة وأبن ركاض :
لي بنـدق رميها ماضي له افعالي *** ومخضب عقبها من لفض شاربهـا
عـدل نظرهـا وحديده كنهـا ريـالي *** كـن الحيـايـا تـلـوى مـع مقاضبهـا
عـاداتـنـا باللقـا نحمي بـهـا التالي *** نيشـانـهـا باللحـم حـزت نـجـربـهـا
والـيا لفونـا من المقـناص زعـالي *** أحـدٍ مـدح بـنـدقـه وأحـدٍ يعـذربهـا
بشرتهـم بالعشا مـن عقـب مقيالي *** والقايـده مع مـرد الكـوع ضاربهـا

وقال الشاعر خلف بن حفر الجميلي هذه الأبيات من قصيدة :
لـي بـنـدق جبتهـا شفي وتـزهالي *** يا الـلـه ياللي عطيتـه لا تـشح ابهـا
لمحـلا سجـهـا للـتـيـس بـأقـبـالـي *** فـي دروح قامت تصوعـه قـوالبهـا
وأمزيّن ديكها عن خملـة الـقـالـي *** وأجلس عليها لحين القـمع اشببهـا
لا جن مثـل الحيا بـه دق واجلالي *** أطمن براسي وأنا أعاين غـواربهـا
أقـلـط للأول اليـامـا يلحـق التـالـي *** والقـايـده مع مجـل الضلع صالبهـا
والـوف قدامهـا لا صابها اجـفـالي *** لا جت تشفع وحس الرمي راعبها
تبشروا بالعشا مـن عقـب مرحالي *** يـوم التفـافـيـق تـتـبعـهـا جنـايبـها


القصائد ملخصة من قصائد المقناص في كتابنا قطوف الأزهار

كفو يالبناخي عز الله هذي علوم الرجال أللي تطرب البال ..

وصح لسانك ولسان مؤرخنا الفاضل على ما أورد من قصائد لرجالٍ كرام ..

وننتظر منك المزيد والجديد وفقك الله وسدد على دروب الخير خطاك ..

هذي والله الرحله اللي يشفق عليها الواحد

بيض الله وجهك

لابغينا الصيد نلقا له محاري * والغدران الطافحه في عذب ماها


بيت من قصيده لنا منذ اكثر من عشرين سنه

الاخ العزيز الزلابية أشكرك من كل قلبي
على هذهي الصور الجميل
واهنيكم من كل قلبي على رحلتكم الجميل
ومثل ماقال ابو مشعل شوقتنا في هذهي المناظر
بارك الله فيك وللاخوان الي رافقوك في هذهي الرحله
لاكن اطلب منك تزودنا بل مزيد ولا اطول علينا

وتقبل تحيات اخوك رياض الفدعاني

يا مشاء الله عليكم .. رحلة مميزه فعلاً بس انتبهوا من حماية الحياه الفطرية