الرجل الفاضل الشيخ شايح بن ناجي الرشدان ابو عمر المريحمي الجعفري
ساكن تبوك من الرجال المنصفين وقد ارسل هذه القصيدة على طاروق شعر
الدحّه وعبّر عن مشاعره ويشيد بجهد عبدالله بن دهيمش بن عبار بما يخص
خدمة قبيلة عنزة من الذود عنها وتأليف أنسابها وتراثها وله مني جزيل
الشكر وجزاه الله خير على عدله وانصافه وتبيان الحقيقة :

1- بـسـم الـلـه حـنـا بـديـنـا *** سبـحـان المـولى عـليـنـا

2- الـلـه الخـالـق عـظـيـمـي *** الـواحـد ربـي عـلـيـمـي

3- خـلـق الأرض وسـمـاهـا *** فـي سـت أيـامٍ بـنـاهــــا

4- بـأمـره تـهـب الهـبـايـب *** ويكـفـينـا شـر المصايـب

5- نـعـبـده مـا نـعـبـد غـيـره *** هـو الـلي كـثـيـرٍ خـيـره

6- نـطـلـب الـمـولـى ثـوابـه *** ويـجـنب عـنـا عـذابـــــه

7- رب عـلـيـنـا يـتـوبـي *** غـفـار لـكـل الـذنـوبـــــــــي

8- يـمـحـاهـا لـو هـي كـثيــره *** صـغـيـره ولا كـبـيـــره

9- وحـديـث مـنـزل بـكـتـابـه *** عـلى الـرسـول يهـدابـه

10- للتوضيـح احـكـامٍ شـرعـيـه *** قـرآن وسنـة نـبـيـه

11- وحـنـا لـلـرب مصلـيني *** حـتى يـأتـيـنـا اليـقـيـنـي

12- ولا نتبـع درب الشيطـاني *** عـدو أبن آدم زمـانـي

13- ومن يتبع لأمره خسراني *** مصيره على النيراني

14- والنـعـم بـأبـن عـبـاري *** رجـل يتحـمـلّ صـبـاري

15- دايم بهرجه صدوقي *** من ساسه عريب عروقي

16- عبدالـلـه مشهور بطيبه *** وافعاله ماهي غـريبـه

17- وأن بـدأ وادلا بأفكـاره *** ولا هو من ناس قماره

18- الشعـر الجـزل هـو قـدّه *** بالصوت الطيّب يعـده

19- شاعـر قديـم وجديدي *** مـدرك وبـرايـه سديدي

20- وأيضاً باللحن الجميلي *** وللطّيب مرافق عميلي

21- دايم في طيبه يزودي *** ولا يمشي درب المنقودي

22- كسـب عـلـوم الـرجـولـه *** واهـل الأمانـه تقـولـه

23- والـف الكتـب المعـروفـه *** لـلي يقرابـه ويشوفـه

24- عـنـوانـه اصـدق دلايـل *** بـه تاريخ لـبـني وايـل

25- الكتب شاعت بأخباره *** من الأدنـى لبعيـد ديـاره

26- فهيـم لـبـدع القيفـاني *** بالحكـمـه لـه البـرهاني

27- يفهـم المعـنـا بشاره *** من المبـدأ لآخـر مساره

28- للمدح كفـو هـو كـاره *** من طيبـه شبّـاب لناره

29- البن بدلال الرسلاني *** وللضيف جزلات بصياني

30- من طيبه ذكره بأفعاله *** من ساس اعمام وخواله

31- عبدالله من أهـل القـدر *** ولـه المعـزّه بـالـصـدر

32- الـلـه يـمتـع بـأيـامـه *** ولا يجـي درب المـلامـه

33- بالعـقـل ثابـت رزيـني *** وباللاّزم ينفـق ويعيني

34- في بـيتـه دايـم كريمي *** يفـداه العـفـن اللئيمي

35- يظهـر بالشـان الرفيعي *** وبنفعه مثـل الربيعي

36- عبدالله قـوي الباسي *** وبصيتـه يرفع الـراسي

37- بالشعر علمه مشهوري *** عدوه ما هو مسروري

38- شجيـع وخصمـه يهـابـه *** حـراً قـوي مضرابـه

39- حيثه من عزوة فدعاني *** من نسل عقب الويلاني

40- والطيب بعنزة عمومي *** يافون بوقت اللّزومي

41- وايضـاً بكـل القبـايـل *** ونـعـم بعـيـال الحـمايـل

42- والمـدح برجـال الطيـبـي *** بـعـيـداً ولا قـريـبـي

43- بصوتي نرسل تعبيري *** يا ابن العم لكم تقديري

44- مع شكري يسمع بياني *** لعبدالله ذرب الأيماني

45- عبدالله رجل شريفي *** ومن عيب وردا نظيفي

46- ومـني سلام وتحيـه *** من قـلب صافـي بالنيـه

47- لرجال بهم الحميه *** ولا قصدي نرغب جـزيـه

48- اهل الشكاله والجودي *** وراثه على الجدودي

49- ولـو تحضر كـل الدلايـل *** للمعانـد ما يقـنع مايـل

50- مايل عن حق الرحماني *** وعلى ما يريده غلطاني

51- للحق الواضح جحودي *** لو تهدي عليـه نقـودي

52- ولو عالج عنـد الطبيبي *** لعـلاجـه ما يستجـيبي

53- ومن يجحد فعلك مقرودي *** يبي طريق مسدودي

54- لـه هـدف يـدور ابـاله *** وعن فعلك تقصر حباله

55- الـلي مـا عـنـده رواقـه *** من شغفه بـه حـمـاقـه

56- في هوى نفسـه تقوده *** وللفعـل الطيّـب جـحـوده

57- يمارس طبعه له عاده *** ومجنـب درب السعـادة

58- حياته بهـا الخساره *** مـا يسوى قـيـمـة زقـاره

59- سلك طريق الولهاني *** ومع خنزب يمشي عجلاني

60- الـغـل بـقـلـبـه حـقـودي *** للبـاطـل ذاك الـلّـدودي

61- الـلي محـتـال وكـذّابـي *** نـذل ولسـانـه سـبـابـي

62- قولـه بعكس الحقيقـه *** ما يصدق لـو هي دقيقه

63- لأبليس مربوط بعلاقه *** عـلى الميثاق وصـداقـه

64- ونعـوذ بالـله معبودي *** من ذاك الظالم حسودي

65- وكـلـن مسجـل بأعمالـه *** عنـد الـله يوم سؤاله

66- ويحاسب على ما قاله *** ولا يفيـده ماله وعياله

67- الا بأعـمـال محمـوده *** وبرحمـة ربـه معـبـوده

68- والتوبه بابه مفتوحي *** عند الله هـي النصوحي

69- بشروط تحقق بالديني *** وبفتوى لأبن عثيميني

70- وقـبـل فـوات المـنيـه *** بـالـعـذر عـن الخـطـيـه

71- ما قلته عليه شهودي *** هذا الصحيح الماكودي

72- اسمح في مظمون بنوده *** عن زله ماهي مقصوده

73- في ورق يكتب بالبوكي *** من شايح ساكن تبوكي

74- ولاني للشعر قصادي *** نبي السموحة يا اجوادي

75- وآخـر كـلامٍ نـقـولـه *** صـلاة عـلـى رسـولــــــه

76- محـمـد راعـي الشفاعـه *** أمـره ينـفـّذ بالطـاعـه

قال عبدالله بن دهيمش بن عبار هذه القصيدة جواب لقصيدة الشيخ شايح بن ناجي الرشدان كل بيت على قافيته :

1 - بـسـم الـلـه ربـي سـمـيـنـــا *** وبـالـــرد لـشـايـح نـويـنــا

2- ترسـل من حي النظيمي *** بـسـم الـرحمـن الـرحيـمي

3- رد الـقـصـيـده قـلـنـاهــا *** بسـم الـلـه ربـي مـبـداهـــا

4- ارسـلهـا لعـز الـقـرايـب *** شـايـح حــلاّل الـنـشـايـــب

5- شـايـح نـقـي الـسـريـره *** مـا تـــاه الـلـي يـستـشـيـره

6- عـسـى يـتهـنـا بشبـابـه *** والـلـه يــرحـم عـودٍ جـابـه

7- شايـح رجّـال محسوبـي *** عـسـى يـفـداه الـكـذوبـــي

8- من عـزوه يوم الجريره *** عـادتـهـم نـطـح الـمـغـيـره

9- حيثه مـن أهـل المهابـه *** نـعـتـز بـحـضـرة جـنـابــــه

10- تسلم يا راعي الحـميه *** جـدك مـن روس الـسـمـيّـه

11- مـن رجـال غـانـمـيني *** كـنـهــم أســود الــعــريـنـي

12- من عزوة ولد سليماني *** هـل الـجـدعـا عـز العـاني

13- ضـد اعـداهم بالميداني *** يــوم الـمـلاقـا شـجـعـانـي

14- نـعـم بـك يا عـز الجاري *** بعـلـم الفضيله لك طـاري

15- حماك الرّب من العوقي *** انصفت وحفظـت حقـوقي

16- فزعتك مـا هـي غـريبه *** حيثـك مـن عـزوة عريبه

17- تسلـم يا مكـرم خـطّـاره *** مدحي لك ما هـو خساره

18- شـايـح عـدوّه يـصــــدّه *** جتـه المـراجـل من جـدّه

19- شـايـح يـزهـاه الحميدي *** اثـنـي عـلـيـه بـقصيـدي

20- اشكـره الشكر الجـزيلي *** كـريـم وقـدره جـلـيـلــي

21- شايح عـريب الجـدودي *** صـديـق وعـني يـذودي

22- جـده يـذكـر بالـبـطـولـه *** رشـدان سـلالـة حموله

23- تخشى العدوان من سيوفه *** يكرم جيرانه وضيوفه

24- راعي الجدعا سطام العايل *** ما يربح من جاله صايل

25- شـايـح يـفـرح فــي زواره *** طالت على الطيب اشباره

26- جـده مـا يـشنـاه الـشـانـي *** حيثـه للعوجاء ما يـداني

27- من عـزوة في يوم الغاره *** تـلـقى اعـداهـم بالمعـاره

28- لهـم قـلـوبٍ تقـل حـجـاره *** من جاهـم يقصـر مساره

29- والنـعـم بنسـل رشـدانـي *** عـن مـديحه عجـز لساني

30- مـن تـونـا حـمـلـه شالـه *** فـي وقـت الـلاّزم يـعـنالـه

31- صيتـه اشهـر مـن البـدر *** هـــدر دم الـعــايــل هــدر

32- جـده من بيـت الـزعامـه *** شيـخ وتـتـلـيـه الجهـامـه

33- عـادتـه ذبـح الـسمـيـني *** كـريـم وطـلـق الـيـمـيـنـي

34- مع طيبـه صاحي فهيمي *** صبـور وطـبعـه حـليـمي

35- ويـوم المعـامـع شجيعي *** دايـم يـفـك الـقـطـيـعــــي

36- دايـم يحـوش النوماسي *** وللـعـدو شـديـد وقـاسـي

37- شايح بالطيب مخبـوري *** فهيـم وصليـب الشـوري

38- بالفخـر ينسـب من لابـه *** مـا ذكـر فـيـهـم مـعـابـته

39- راعي الجدعا زبن الواني *** يعطب خصمه بالميداني

40- لـهـم بـالأمجـاد عـلـومي *** زبـن من جاهم مظيومي

41- شجعـان بعـصـر الدبايـل *** لـهـم تـاريـخ وفـعـايــــل

42- ادنـاهـم عـز الـغـريـبـــي *** يـثـني باليـوم العـصيبي

43- هـم حـمـاة لمـستـجـيـري *** لا حضـر اليـوم الكبيري
.
44- فـزعـه للقـاصي والـداني *** لا صـار طـراد الفرساني

45- تـسـلـم يالـنـزه العـفيـفي *** يـامـن للصاحـب سعـيـفي

46- تـسـلـم يـا زبـن الـونـيـه *** عـسـى تـعـداك الـمـنـيـــه

47- يا أبـن نـاجي لـك سميـه *** ربـعـك سـتـر الجـعـفـريـه

48- حيثـك بالطيـب محمودي *** مـا تطمـن تصعـد سنودي

49- عـمـلـت بـكـل الـوسايـل *** عن كيـد اصحاب الدغايل

50- ساسك عـريـب المجاني *** عـلى الصاحب دوم عاني

51- تسلم فهمـت المقصودي *** ما تسمع هرج الحسودي

52- أبـي ارسـل يـمـك نديبي *** لـك الـرسـالـة يـجـيـبـــي

53- تسلم يا عـريب جـدودي *** ما أشكل عـلي الجحودي

54- الـلي يشمتنـا مـن هبالـه *** مـا حصّـل كـود الـرزالـه

55- ما يشكل خـطات العـاقـه *** لـلـردى نـفسـه مشتـاقـه

56- كـل الـمـنـافـذ مـســدوده *** لـلـي مـا يـلـتـزم حـدوده

57- الـلـي النميمـه لـه عـاده *** عـنـده نقـص وبـه قـراده

58- خـاب وخسـر مستشـاره *** وذهـب حـيــاه اوقـــــاره

59- حصـل الكـوبـه كوبـاني *** الـلي لـربـوعـه قـومـاني

60- متغطرس واعماله سودي *** حيثه ما ثمّن مجهودي

61- كـذّاب ورزيـل وهــابــي *** جاهل ما يعرف الأوجابي

62- جـنـب مـسـالـك طـريـقــه *** وأقـوالـه ماهـي وثيقـه

63- قـافـك مـثـل در الـنـاقــــه *** عبـر عن معنا الصداقه

64- قولـك صحيح ومسنودي *** تقولـه والناس شهودي

65- أخـبـرت الـلي بـه جهالـه *** كان الشعـر جاء مجاله

66- يـصـونـك رب الـجـلالـــه *** حيثك تحـوش الجمالـه

67- فـيـك الشهامـه والجـوده *** أعمالك ما هي محدوده

68- شايخ ما يمشي طحوحي *** كريـم وطيّب وسموحي

69- يـامـن كـلامـك يـقـيـنـي *** نصيحـه لـلي مخـطـيني

70- تـسـلـم يا جـزل العـطيـه *** تسلـم يا مـكـرم خـويـه

71- يامـن بالجـزلـه تجـودي *** نـزه ولا تقرب منقودي

72- الهـرج نقصه مـع زوده *** كـتبـت وبـيـنـت بـنـوده

73- يا شايح مافيـك شكوكي *** دايم بشوش وضحوكي

74- لفعـل المراجـل معـتادي *** وأعدك عضدي وسنادي

75- أخـذنـا بالشـعـر جـولـه *** قافك في صوتك سمعوله

76- وبعـده صلّوا يا جماعه *** على اللي يشفع بالساعه