حبيت تكون اول مشاركه لي في بيتي ((منتدى ابن عبار)) قصيدة مدح واتمنى تعجبكم
القصيدة لشاعر:عايد الشمري والقصيده مسنده لحسين البليهي
تفضلوا ....

يعني على قولة هـل العـرف ياحسيـن *** لاخـيـر فـي رجـلٍ بـلـيـا جـمـاعــــه
ولانـي ولـدت بـدار فـكـاكـة الـــديـــــن *** اهل الكرم والطيب واهـل الشجاعـه
ويلان لا وردو عـلى المـوت عـجـلـيـن *** فـيـهـم عـلـى ورد المـنـايـا بـتـاعــه
الطـيـبـيـن الـطـاهـريـن الـنـقـيـيـــــــــن *** الـخـيـريـن الصادقـيـن السبـاعــــــه
موفين حــق الجـار بالطيـب والليــــــن *** للجـار فـي قـرب النشامـا مــنـاعــــه
معهم سليت ورحت بالمذهـب الــزيــــن *** راحـت معـاهـم حـفـنـة سنيـن ساعــه
ثـلـثـيـن عـمـري راح يـا وي ثـلـثـيـــن *** مـا يـوم جـتـنـي العـايـلـه والـلـكـاعـه
صاروا لي الطف من غطا الجفن للعين *** وارق مـن حـكـي الـــحـديـث بشفاعـه
تـحـس فــي قـرب الـرجــال المـيـامــيـن *** انـك اخـو مـن ((دم)) ولا ((رضاعـه))
حـمّـايـة الـوضحا مـن الـلـي مغـيـريـن *** لاويـن مـن طـالـت عـلـيـهـم ذراعـــه
واجـب عـلـي اذكـر فـعـول الكـريـمـيـن *** الـلي شـروا كسـب المـراجـل بـضاعـه
مـادام أنـي وافـي واحـب الـوفـيـيـــــن *** وقـنـاعـتـي فـيـهـم تـفـوق الـقـنـاعــــه
لازم عـلـيّ اعـد فـعـل الحـشـيـمـيـــــن *** واتـرك حـديـث الـنـاكـسـه والـرعـاعــه
اتـرك عـلـوم عـفـون الاشوار مهـفيـن *** حـق الـرجـال الـطـاهـره بـالـشنـاعـــه
نـقـالـة الـحـكـي الـمـلـفــق عـلـى ويـن *** بالهـون يـاهـل الـواطـيـه والـبـشـاعــه
ياحسيـن ما تـوخـذ قـبـيـلـه بخـبـلّـيـن *** مـادامـهـم مـا يـوم جـابـوا قـــلاعــــــه
دحـوش الـرجـال مقابـلـيـن النساويـن *** اهـل الحـكي والـكـذب واهـل الخـنـاعـه
وياحسين قـالـوا فـي حـديـث القديميـن *** تحشـم كـلاب الـقـوم رغـم الـدنـاعـــــه
وانـا لـك الـلـه مـاسـمتعـت الـمـقـفـيـن *** والـلـي مـشا لـي بـاع دبـلّـت بـاعــــــه
مـايـرخـص الـغـالـيـن فـعـل الـرديـيـن *** راعــه بـقـلـبـي حـب الاجـواد راعـــــه
ياحسين جـيـت ونبض كـل الشراييـن *** حـب عـنـزه بـاعـلا عـوالـي رفـاعــــــه
ولا تـحسب أنـي جيـت لاني مسيكيـن *** ولا ســلايـل دافـعــــيـن الـرتــاعــــــــــه
جيتك ولـد مـن روس ربـعٍ عـريبيـن *** شـبـوب نـارٍ عـالـي بـانــدلاعــــــــــــــه
انـا ســلايـل لابــة بـالـمــــــلايـيــــــن *** بـالـضبــط امــه كــامـلـه بـاتـسـاعـــــــه
شـمر عـلى عـرش المراجـل سلاطيـن *** اسياد عـرش الطيـب مـن فـوق قـاعـه
ان جت على الفزعات نعمك ونعميـن *** وان جـت عـلى المـده تموت المجاعـه
ولا جت على وصل الـرحـم للقريبيـن *** اقـسـم قـسـم مـا بـالـطـنـايـا قـطـاعـــه
الحاصل ان القـلـب مابـيـن عـرقـيـن *** متساويـات بـنبـضـهـن وانـدفـاعــــــــه
عرق النسب واسم الطنايا العزيزيـن *** وعـرقٍ مـع الـويـلان صـعـب انقطاعـه
وامنـت فـي قـول الرجـال الحكيميـن *** مربى الولـد يغـلب عـلى الاصل طاعـه
ياحسين واللي نـزل الطـور والتيـن *** والـلي هـدى الانـسـان فـن الـزراعــــه
ماقلتها ياحسين واقصـد بهـا شيـن *** غـيـر الـثـنـا بالطـيـب مـامـن طـمـاعــه
حبي لكم ياحسين اصـل المضاميـن *** ومـداد حـرٍ فـي مـع سـنـاه وشـعـاعـــه
حـرف كـتبـتـه ورد فـل وريـاحـيـن *** ويـالـيـت كـل الـنـاس تـقـدر سـمـاعـــه
وربـي لا أرددهـا بـكـل الـمـيـاديـــن *** ولـو لـي بـعـد قـدره نـصيـت الاذاعـــه
لاني وفـي عشّـاق طـبـع الـوفـيـيـن *** وقـنـاعـتـي فـيـكـم تـفـوق الـقـنـاعـــــه
وخـتامها بالـورد والعطـر ياحسيـن *** مـنـي لـكـم يـا أهـل الـوفـا يالـجـمـاعـه

صح لسان الشاعر وسلمت اخي الكريم على النقل كل التحية والتقدير لك..

صح لسان الشاعر وجزاه الله خيرا وكفوا به وبربعه شمر والشكر لك اخي على نقل هذه القصيده الجميله من شخص طيب طاب حظكم الجميع

صح السان شاعرها قصيده في مدح قبيله عنزه موجه الى حسين البليهي المضياني 0 لك ودي مع تقديري000

شاكرين ومقدرين للأخ الذي نشر هذه القصيدة المعبرة عن أحساس صادق بقبيلتان تستحق الثناء والشكر موصول لقائل هذه القصيدة الشاعر عايد الشمري وله من كل عنزي جزيل الشكر والعرفان وقد تم ترتيب القصيدة وتلوينها وتكبير الحرف

شكراً على مروركم