رساله إلى سعادة الأستاذ ناصر بن عبدالوهاب التميمي وكيل وزارة الداخليه للأحوال المدنية:

وش حصـل يا ناصـر العبدالوهـاب *** بالتواصل شفـت مضمون الـردود

الخـبـر وقـعـه مـثـل طعـن الحـراب *** كـان صـح العـلـم بـه دبـل الكـبـود

يغـضـب الأطـفـال وكهـول وشبـاب *** كـان هـي تـمّـت عـراقـيـل القـيـود

عـن عـنـزه كـيـف يقـفـل كـل بــاب *** ضدهـم مخصوص من بـد البـدود

نـفـيـهـم ثـار المشاعـر والعـصـاب *** مـا تــقــل لـهـم كـيـان ولا وجــود

كـان قـصـد الأمـر تـنكيـل وعـقـاب *** مـابـهـم خـايـن ولا مـنهـم حـسـود

من يشكك فـي ولاء الويـلان خـاب *** مـا يـهـمـهـم التـجـاهـل والجـحـود

بـنـي وايـل مـا يــوطّـون الـرقــاب *** دوم ممشاهـم عـلى العـلـيـا سنـود

استـمع مـنـي وخـذ قـول الصـواب *** عـزوة عـنـزه يحفـظـون العـهـود

وأنـت تـدري مـا بـني وايـل جنـاب *** أصلهـم ثـابـت من جـدود الجـدود

أنـشـد التـاريـخ يـعـطـيـك الجـواب *** لا تصنفنهـم مـثـل وصـف الهنـود

أنشـد بـني حنـظـلـه هـم والـربـاب *** وأنشـد الصمان وطعـوس النفـود

تشهـد تـلـول اليمـامـه والهـضـاب *** والعـرب سكان نجـد من الشهـود

لـو نبشت الـلي دفن تحـت التـراب *** تلقا عظام جدودهم وسط الحفـود

تـسعـة وعـشـره نـعـده بالحـسـاب *** مـن قـرون ماضيه من غـيـر زود

جـوا لديـرة طسم من بعـد الخـراب *** هي وطنهم من عصر عاد وثمود

وسكنوا في خيـبـر الحـرّه احـقـاب *** مـن بـعـد ما غـادروا منها اليهود

يـوم صارت دار أخو نوره خصاب *** من خـرج من نجـد لـديـاره يعـود

مـالـهـم شـرهـه عليك ولا عـتـاب *** الـقـضـايـا حـلـهـا عـنـد الـسـعـود

في خطاب ملوكهم فصـل الخطاب *** وضّحـوا عن وضعهـم كـل البنـود

هـم حكّام الشعب زاكـيـن الجـنـاب *** آل سعـود ملـوكهـم نسـل الأسـود

دوم منهجهـم عـلى شـرع الكتـاب *** مـا يطيعـون المحـرّض والحـقـود

الملـوك الـلـي يـحـلـون الصّـعـاب *** كـل مـنـهـم عـن كـرامـتـنـا يــذود

هـم ذرانا وعندهـم جـبـر النصاب *** وكـلنـا تحـت أمـرهـم دايـم جـنـود

ما بنا الـلي لا بـدأ الماجوب غـاب *** دونهـم نـرسي مـثـل شـم الحيـود

وأن حصل يوم بـه غـبار وضباب *** فـي نـهـار الكـون نـأتيهـم جـرود

نـدحـر الخـصم الـلّـدود ولا نـهـاب *** والدلـيـل الـلي مـرابـط بالـحـدود

صح السااااانك يابن عبار

ماهي غريبه منك