لو يملك الشطين ماهو بمسقيك


من قصائد الشاعر معزي بن طليان الخريصي الفدعاني العنزي

__ __ __

يالله ياللي ماتعدد حسانيك

يافارض الحجه وصوم رمضآني

بالتسعه وتسعين بسماك ألبَيك

لبيك يامدير الفلك وإلزمانـي

لبيك ياللي كل الآسلام ترجيك

يأمدآول الدنيا وللكون بآنـي

منجي سفينه نوح بسمآك أناديك

يا مرجع ليعقوب عقب امتحاني

الوذبك ياخالقي واعتصم فيك

واعوذبك من جور وقتِ دهاني

ومن بعد ذكر الله ياقلب وش فيك

هيضتني وانا ادري انك تعاني

خل الحكي بيني وبينك واناجيك

واحذر تجاهرني عيانَِ بياني

ولاتبيح سرك للذي مايهقويك

بعض الجماعه حاسد قلبانـي

معميه حقده والحسد مايدانيك

صديق وجه وبالقفى محكواني

يبي عن علوم المشاكيل يثنيك

لاشك مايقدر وضيع المكآني

عكس الجمايل بالفعايل يجازيك

ولاعد نور الله خبيث المجاني

يكمى حسب فعلك ويشمت بماضيك

يبحث عن الزله ويكمنى الحساني

يموت يامن جيب بالخير طآريك

ميتً ظمير منأفقي ً هدانـــي

مساح جوخ ابن الدجاجه من الديك

ولايرتفع بالجو طير الطماني

حاسدك كلمة نعم لو مايلاقيك

وارض الصبخ ماتنبت الزعفراني

ارض الصبخ لو ربعت ماتعآنيك

منبوتها ماهو من الديدحاني

منبوتها الحرمل وشوفه يآ ذيك

غير العفينه مابها نبت ثانــي

وحشو الزلق بالك تغرك وتغويك

ماهو من اللي يدركون المعاني

وترى الكشاخي لو بهرجه يصافيك

ماعز نفسه دون عز العواني

وحذر عشير السوء بالسوء يرميك

يجذب لسانك ونوب يجذب لساني

يجيب لك هرج ً يغثك وياتيك

وهو قلْبينَ كنه البهلوانـي

عليك باللي قبل عرفك يحيك

متبينن كنه سهيل اليماني

ياجيت ديوانه بهرجه يسليك

وله موقفً عند اللزم ما خفاني

شهمً كريم وبالمعاني يباديك

قرمً بشوش وطيب معشرانـي

نباه عن كل المواجيب يكفيك

وليا زهمته جاك يزمي زمياني

ومن كبر تقديرك يقدر عوانيك

وزلتك يرفيها وسيع البطاني

مثل الجمل يضر نفسه ويرضيك

ريف الضعيف وريف من جاه عاني

والطًيب لو انه عدومعاديك

عنده مكانك مايجي فيه ثاني

وفي فعله الطيب بالايام يرضيك

وليا عطا يعطي بليا مثاني

شوفه علاج من المواجع يداويك

بليهان شيال الحمول العماني

الطيب لو انه عدو مايخليك

ابد ولا ياطئ الحصان الحصاني

ولا الردي شوفه يغثك ويذيك

شوفه وباء العفن البخيل الهداني

لو يملك الشطين ماهو بمسقيك

الطيب عن يمناه بعد صفهاني

وقال الشريف الحر مايماشي الديك

ان رافقه يمشي طمان بطماني

وشكواك للي مايعزك ويغليك

قمة مذله بالخفى والبيانـي

لاتشتكي شكواك الا لواليك

رب السماء معطي فسيح الجناني

-----------------------------------

معزي ابو فيصل

الاخ متعب لاشلت يمينك


قصيده شامخه بشموخ صاحبه شكرا

على نقل الجزل من القصيد

وفعلا كما قيل الشعر ديوان العرب
وصح لسان الشاعر
معزى العنزى

وننتظر الجديد

الشاعر معزي بن طليان الخريصي الفدعاني شاعر معروف وأن كان مقل في شعره ولكنه غزير المعنا يجيد الحكمة وقد أتحفنا بهذه الرائعة من روايع شعرة في الحكمة والموعظة وعندما قرأت قصيدته عادت بي الذكريات مع شاعرنا معزي فقد دونت في طبعات كتابي ( ديوان الوائلي ) قصيدتان مساجلة بيني وبينه وذلك قبل عشرون عاماً قد خلت وهاهي :

*- قال الشاعـر معزي بن طليان الخريصي هذه القصيدة يسند على عبدالله بن دهيمش بن عبار :
قال الخريصي وأبتدأ سـر وأعـلان *** شـكـيـتـي لـلـوايـلـي رافـعــيــنـــه
قـم يا نديبي شـد لـي فـوق نيسـان *** تـوه جـديـد وشـركـتـه ضـامـنينـه
سافـر بحفظ الله مـن هضبة العـان *** مـن عـنـدنـا للـوايـلـي مـرسـلينـه
تـلـفي لـقـرم مـن صـنـاديـد ويـلان *** اهـل الـفعـايـل والعـلـوم الـثـمينـه
والـيا لفـيـتـه قـال حيـيـت يـا فـلان *** ويذبح لك من الضان عيتا سمينه
قلـه تراني يا أبن الأجـواد عجـلان *** عـنـدي رسـالـة يـمـكـم دافـعـيـنـه
رسـالـتـي كـزيـتـهـا لـك بـقـيـفــان *** من حيث أبن عـبـار يفهـم رطينـه
قـلـه مـعـزي صـار يالقـرم بلشـان *** الحـال ذابـت والمشـاعـر حـزيـنـه
سبـايـب الـلي حـط بالقـلـب نيـران *** لعـبي كا لعـب الـهـوى بالسـفـينـه
وش حيلتك باللي غدا اليوم بحلان *** الـلي بحـل مـا بـيـن قـلبـه وعينـه
هـذا وصلـوا عـدد ما هـل الأمـزان *** عـلى الرسول اعداد رمل الدفينـه
* قال عبدالله بن دهيمش بن عبار هذه القصيدة رداً على الشاعـر معزي بن طليان الخريصي :
بديـت بالله خـالـق الأنـس والجـان *** عـلام فـي غـيـب القـلـوب وكنينـه
الـواحـد الـلـي لـلـمـخـالـيـق ديّـان *** وكلـن مـن المخلـوق يـوفيـه دينـه
عذيـت قافي عـن زوايـد ونقصـان *** وكـتبـت مـردود الـرسـالـة بحينـه
يشكي لي معزي من الوجد ولهان *** ولا ألـوم قـلبـه لـو تـزايـد حـنينـه
لا شك يا معزي أنا صـرت حيـران *** الـلي تريـده يـا فـتى الجـود وينـه
دامك سكنت اليوم في هضبة العان *** وخـلك مقـره في ضواحي شنينـه
أن كان عندك يا فتى الجود سيدان *** ومعـك رفيق وفيـه عندك خـزينـه
تصل مرامك ما أنت يالقرم زملان *** وتزيـل عن فكرك هجوس الغبينـه
وعـزي لحالك كان مالجيب مليـان *** ومـن لا لـديـه نقـود ربـه عـوينـه
أفطن لقول عبيد في قـدم الأزمـان *** تـمعـن بـمعــنـاه وأعـرف يـقـيـنـه
أخوك ما يسقيك لا صرت عطشان *** لا صار ما شرب الفتى من يمينـه
والخاتمه صلوا عـلى نسل عدنـان *** المصطـفى الـلي موطنه بالمدينـه
* وقال الشاعـر معزي بن طليان الخريصي هذه القصيدة يسند على عبدالله بن دهيمش بن عبار :
يا راكب اللي لا مشى جـاب مافيـه *** منـوت غـريـب مبعـدٍ عـن عـيالـه
منوت غـريب قـام يصفـق بأياديـه *** هـام وغـدا قـلـبـه تطـارخ احبـالـه
فطنت عـليـه الـدار وأيضاً بنيخيـه *** وقـام أيـتـذكـر لابـتـه فـي خـيـالـه
وأركا على اللي يوم بالقار يعطيـه *** الـمـيـة والسـتـيـن بـالـمـيـل نـالـه
يحمل جـواب من ضميري معـنيـه *** للـوايـلي سـاس الفـخـر والشكالـه
مـع التحـيـة والسـلامـات نـهـديـه *** حيـث الـلي مثـلـه طيـبـات خصالـه
عبدالـله الـلي كـل مـا حـل طاريـه *** أفـخـر بـعـلـمـه يـوم يلـفي مجـالـه
وأطرب لقافـه يـوم نسمع معانيـه *** حـيـث أن قـافــه دايـم بـه جـزالــه
ومن بعـدها قـلـه وليـه البطأ ليـه *** وش السبب ما جـاء مـرد الرسالـه
دفـعـت لـك خـط مـوضح مـبـاديـه *** حـيـث الـلي مـثـلـك دايـم ينشكـالـه
وأختم جوابي بآخـر القاف وانهيه *** صلوا على المختار فـي كـل حالـه
* قال عبدالله بن دهيمش بن عبار هذه القصيدة رداً على الشاعـر معزي بن طليان الخريصي :
حي الجواب اللي لنا القرم مهديـه *** وحـي الـزميـل الـلي يعـز الـزمالـه
جاني جـوابك وأعجـبني مهـاجيـه *** وسميت وأظهرت القلم من مشاله
وسجلت لك بالقيل حكمه وتوجيـه *** وأنـت الـرفيق الـلي تهمن حـوالـه
وأبي اعتذر لك يا زبـون المداليـه *** يا أبن الكرام الـلي عـريب خـوالـه
أن كان تنشـد عـن عـدم ردنـا ليـه *** فـكـري أحـتـار وحيـرنـه اشغـالـه
تأتي لنـا الأشعـار مـن كـل تـاجيـه *** ومن ثقـل حملـه ما يطيق أحتماله
لـو اختصرها قيـل قصده مـزاليـه *** وكلـن يقـول الخـط مـا جـاء بـدالـه
والرجل وقته يابن الأجواد يقضيه *** بـيـن الـدوام وبيـن خـدمـة عيـالـه
أن زار الـلي مثلـك نعـزه ونغـليـه *** واللي ما هو شرواك نقطع اعقالـه
شروى جنابك لـه عـلينـا مشاريـه *** ولانـي لـكـم يـالـقـرم بـالـرد زالــه
وتـرى الـذي لقـا صديقـه عـلابيـه *** خـلـه يـولـي مـا يـحـوش الجمـاله
لكـن ظـروفـي يالسنـافي مهـامـيـه *** مـا هـو تجـاهـل يالزميل وجهالـه

جزاك الله خيرا أخي متعب الفققي على القصيد الرائع ...

والشكر موصول للعلامة ابومشعل على أتحافنا بجزء من مدوناته