قصيدتي تنصا هلى الجودوالمجد
للي بهم زين القصيد مخلوفي

رد الثنا مالي مصالح ومقصد
واليا ذكرت اسمه ونعم معروفي

احمد لاقيل العلم ون راح ونرد
على مديحه ماتجيك الحسوفي

يبو معاذ الي له الشكر يسند
عداد من يلبس احرام ويطوفي

من خوته مدحي حقيقه ومن جد
وياما وقف دون الخوي من وقوفي

فزعة خويه ون شكا الوقت ونحد
مثل الجبل وقت ازدحام الضروفي

احمد قنيطر فاللوازيم ماصد
واهل الصخا يوم الزمان محفوفي

من ساس ابوه وساس جداً على جد
كسابة الجزلات ماهم ضعوفي

هاذا من الويلان يحسب وينعد
اهل الفعايل مكرمين الضيوفي

يوم الاصايل فالمعارك تراكد
يوم الجزيره بين اماناً وخوفي

حريبهم بالهوش يكسر ويضهد
طشوه للي عن عشاها تحوفي

نسل الرجال رجال علماً موكد
ينهج علا نهج العوارف ويوفي

شاعر وعد النور مصدر ومارد
ماهو بشعر مراكبين الحروفي

وكلمه بلا معنا لمن قالها ضد
والزور في سلم الرجال محذوفي

////
وليد مناور الحويمضي الحربي

صح لسانك يا وليد ورفع الله شانك ولا عليك زود والرجل الذي مدحته يستاهل ومشكور على الثناء بمن يستحقّه .