عندما تتشابه قوافي القصائد يحصل خلط من الرواة وقد استمعت إلى مقطع صوتي سجله أحد الرجال وأقتبس نصف قصيدة مسعود مولى أبن هذال ونسبها للشاعر بصري الوضيحي والمعروف أن القصائد الأولى لمسعود والثانية لبصري الوضيحب والثالثة لخالد الزعيلي الشمري يجاري الوضيحي في قصيدته وهذا الذي دونته في محفوظاتي ولست شاهد عيان والخطأ وارد .
* وهذا القصيدة للشاعـر مسعود أحد موالي آل هذال يتوجد على أعمامه عندما
اقحطت ديارهم ونزحوا بحثاً عن المرعى فيقول :

أمس العصر عديت في راس ملموم *** رجم عـلى روس الشواميخ زامي
رجـم طـويـل بعـالي الحـيـد مـزمـوم *** تلعـب بـه الأرياح شـرق وشامي
رجـم طـويـل ولا يـوكـر بـه البـوم *** غيـر العـقاب الصيرمي والقطامي
يا ركـب يـا مترحليـن عـلـى كــوم *** يا للي بكم عيرات الأنضى همامي
قـلبي عليل وصايبـه غـم واهـموم *** يا أهل النضى ودوا لعـمي كـلامي
بمسطرٍ فـي صفحـة الحبـر مرسـوم *** بـكـتـاب مـني للـوجـيـه الـكـرامـي
تـلـفـون عـمـي للمـنـاعـيــر زيـزوم *** مشعان ستر معورجات الوشامـي
الـيـا لفيتوا ديـرة أصحاب من قـوم *** احكوا ترى حمض الرجال العلامي
غديت مثل اللي على الوجه ملطوم *** من عقب مروين النمش بالزحامي
مثل الرضيع الـلي عن الديد مفطوم *** قعـدت أوقـف عنـد فـرق الغـنـامي
من طاوع الثنتين يصبر على اللوم *** يصبر على فـرقا الأهـل والعمامي
شاورتهن بالراي وأصبحت منجـوم *** وصفقت بكفوفي واعض البهامي
عـفت الرقاد وحاربـت عـيني النـوم *** وأبـديـت مـا كـنيـت مـاني بكامــي
على ركـايا الرّس جلسـت ملـزوم *** عـليـه مـن ورد البـوادي ركـامـي
وأحن من الوجلا حنين أم خـرطـوم *** والصبح أجاوب نايحات الحمامي
أبكـي هلـي يـا نـاس مـاني بـمليـوم *** وأظـن مـن يبـكي هلـه مـا يلامــي
ما هـو على غـرو من الـدق ماشوم *** عـلى الشيـوخ متيهيـن الجـهـامي
أقـفــوا وخلوني مـن الغـلب مسموم *** مثـل الطـريح الـلي غشاه الكتامي
علمي بهم هفوا مع الواد ابـو دوم *** مستجـنبـيـن مـطيـرات العـسامـي
عـلمـي بـهـم بـقصّيـر هـلّـه الـتـوم *** تـغـاروا الـمعـبـار والشـط زامـــي
اقـفـوا كما طير قـلب رأسه الحوم *** بهـيـفـيـةٍ ما ينـدرى ويـن حـامــي
أقـفا بهـم شيخ عـلى الضد صـاروم *** حـرٍ شلع صوب الجزيـرة وهـامي
أدنــا مـنـازلـهـــم شـثـاثــا ولمـلـوم *** وأقـصى منازلهـم بـوادي النعامـي
هـذي مـرابـط خيـلهـم دايـم الـدوم *** حـقب العيون مروبعات الهـوامـي
هـذا مـشـب الـنـار والحـفـر مثـلـوم *** ومركى الـدلال المتعبات الشوامي
يا عـم يا مـأدب هـل الكـبـر والـزوم *** بالكون تـروي مرهـفات الحسامي
تـتليـك نـمـرا من الجهامات داهـوم *** زيـزوم قــوم كـالـجـراد الـتـهـامـي
وأن صاح صياح مـن الضد مزحوم *** وردو حياض الموت وردالظوامي
يـركـب عـليـهـن باللقـا كـل شغـموم *** مـن اللابة اللي ما وطو بالملامـي
وادي الرمه غـدابـه العـشب كيهـوم *** ترعى بـه القطعـان والرمي حامي
تنحاهم الصفراء عـلى حـزم ديهـوم *** اليـا مـا تعـدوا قـود خـب العـدامي
دار لـكـم فـيـهـا عـلامـات ورســـوم *** وأنـتم تـروون النـمش بالـزحامـي
مسعود ينخاكـم من الغـبـن مهضـوم *** ومن لـه قبيلـة مثـلكـم مـا يظامي

وهذه قصيدة بصري الوضيحي الثابتي الشمري يقول :

يا عـيـال يا متروحيـن ضحى اليـوم *** يا موفـقين الخـيـر خـوذوا سلامي
ودو سـلامـي للـجـمـاعـات مـلـزوم *** أهـل الـربـاع الشامخـات الكـرامـي
بالرفق داروا مشيهن حين ما اقـوم *** خـوذوا كـلام مـوجـل مـا يـنـامـــى
تحـملـوا مـا قـلـت باللـفـظ مـفـهـوم *** من روج رايج ريهجان الجـمامـى
بسجلـة صـدره من الحـبـر موسوم *** يـم الـعـمى منهـات غـايـة غـرامـي
عـلـم الفـرح يشتاق لـه كـل مهموم *** بـنـاً بـكـاس الهنـد بـافـم الصيامـي
لاجيت اخوى ونشدك يطلب عـلـوم *** عـن منـزلى بأيـات مـرمـا المرامى
قولوا تراني براس عيطا وصعموم *** عـيـطـا سنـاد وزابـنـه مـا يضـامي
في ذر ابن شعلان من جاه مزحوم *** بالليـل تـسريـبـه بـسـود الـظـلامـي
جيتـه مـن الـذلـه تـقـل يشعثن قـوم *** زبـنـت عـنـد مـدهـلـيـن الجـهـامى
مـع برجس المـدلاه بالفعـل شغموم *** امـهـّدى الـصـعـبـات حـر قـطـامـى
وأن جـو مسايير عـلى كـل علكـوم *** وشافـوا سـواد ربـاعـهـم بالعـدامي
الـضيف لاجـاهـم يقلّط عـلى الكـوم *** طـبـع لابـو مثـقـال صـب الـيـدامـى
جيت المـراح وحـط بالقـلب مثـلـوم *** مـنـازل الـخــلان هــم والـعـمـامـي
بس الوجار اللي بـه الحفـر مهـدوم *** ومـركا الـدلال المتـرفات الشوامـي
عـيني عـليهم حـاربـت لـذت النـوم *** لـو نـامـوا المخلـوق عـيـت تـنامي
قـلـبي عـليهـم قاضبن جـرت البـوم *** ونـيـن وجـعـانـاً طـواه الـهـيـامــي

وهذه قصيدة خالد الزعيلي الشمري رده على بصري الوضيحي :

يـاعـل ركـيـبٍ ِروح العـصـر للـقـوم *** يـوخـذ ولايـجـري عـليـه السلامـي
وخـلاف ذا يـاراكـبٍ فـوق عـمعـوم *** عليه من وصف الوضيحي تهامي
حـٍر زعـاع مـن الـزعانيف بـه زوم *** يقطع قـراريص الرسن والخطامي
بطاك عن بيت الوضاحا طرف يـوم *** أهـل الـهـبـيـط مسيحـيـن اليـدامـي
قل يالوضيحي ليه تدغث من النـوم *** وحنـا ثمـان ايـام بسهـر الزحامـي
وراك تمحش دمعتـك تـقـل مضيـوم *** ترى البكا من غيـر صايب حرامي
عسى الغـنـم للذيب والذيـب لـه دوم *** وعساه يقـطع رزقـهـا كـل عـامـي
انشدك عن الكران هو صار ما روم *** يا مـرافـق الـكـره لـيـال الفـطـامي
مـا انـتـه معانـا قاعـد لك عـلى تـوم *** وحـنـا نـلاوي صرعـهـا واللجامي
قـبٍ يـلاوي روسـهـم كـل شـغـمـوم *** حـدب اليـديـن مـثـورات العـسامي
يتلـون حـر يعـطـب الصيد مضروم *** مـخـالـبـه مـن كـثــر الأدلا دوامــي
فـرحان شيخ ويخلط الضرم بجروم *** اكـان بــأم وعـــال وام الـسـنـامـي
حزت طلوع الشمس والمال مزموم *** والخيـل تلكـد لـون عسكر نظامـي
ترعابه الشقحا الطيـوح ام خرطـوم *** طويلـت النسنـوس عجفـا سنـامي
تـرعـى من الأرقـط اليا حي كيهـوم *** تـرعـى بـه الشقحا قـرار الوسامي
ذود لـشـمر روحــت كـنـهـا غـيـوم *** مروين عطشات السيوف الظوامي
تمثنوا الصخنه ووردوا على الكوم *** بقبر الفـرس يـذكـر خذالـه جهامي