العاصفه قامت مثل يوم ذيقار
على اذناب ايران ترجف ارجافي

اول ربع ساعه بها الخصم ينهار
تاديب من نوى اليمن بختطافي

امر بها سلمان طيارها طار
بكل اليمن دكت جميع الهدافي

هادي استنجد ينخى سلمان يالجار
عدن بخطر وعندي الكيل طافي

صالح والحوثي جمعهم يمنا سار
بامرا من المجوس مابه خوافي

يابو فهد انخاك تحمي لنا الدار
ان ما تدخلتم خرجنا منافي

وامر ملكنا سرب يم اليمن غار
ابو فهد وقف مع الجار وافي

قال ابشر وحنا معك بالقا الحار
ﻻ اخلي الحوثي على اﻻرض حافي

غير يتراجع عن عدن غصب واجبار
ارقد بدارك مايجيك الخﻻفي

والحزم لزم وطايران الحزم سار
انظر لصعدى ولعت بالمطافي

الويل لهم والهزيمه مع العار
صار السماء دخان واﻻرض سافي

ردا سريعن واليمن ولعت نار
ومن فوق صعدى يم صنعاء انتسافي

تجرعوا علقم من المر وكدار
قلنا لهم من اﻻوله ﻻ التفافي

وايران تدفعهم على الجرم باصرار
تبي اليمن تضيعه في مهافي

قوم المجوس الي يصلون بحجار
قدامهم حمر الفشق له شقافي

دون العرب نرخص ثمينات اﻻعمار
العاصفه تضرب بروس الشعافي

ماعاد يالحوثي لك اليوم مجحار
لو تنجحر في جحر ثعلب اتشافي

تعيش بالسرداب ماتشوف اﻻسفار
عانقت مذهب المجوس الخرافي

شعر.... نهير بن رخيص العنزي