( حفل قبيلة عنزة في أم رقيبة )

على جائزة المؤسس الملك عبدالعزيز طيّب الله ثراه التي تبناها صاحب السمو الملكي الأمير مشعل بن عبدالعزيز آل سعود حفظه الله أقام الشيخ هزاع بن عايش أبا الروس المطوطح الدهمشي العنزي في يوم السبت ليلة الأحد الموافق العشرون من شهر صفر لعام 1433هـ حفل كبير في مخيمه بأم رقيبة في منطقة حفر الباطن حضره عدد كبير من مشائخ وأعيان ووجهاء وشعراء قبيلة عنزة والقبائل الأخرى حيث بدأت فعاليات الحفل بالخطب والشعر والعرضة ورقصة الدحة وشعر المحاورة وفي صبيحة يوم الأحد بدأ عرض أبل الوائليات من فئة المائة مغاتير ورافق الأبل في مسيرها مواكب من السيارات التي غطّت رمال وسهال المنطقة وهي تحمل أعلام المملكة وصور القادة الكرام وصور الشيخ هزّاع وعبارات في أسماء نوادر الأبل وكانت ليلة ممتعة تجلت فيها عظمة قبيلة عنزة أولاد وائل وأخذت مكانها كونها من كبريات القبائل وقد سجّل هذا الحفل عدد من القنوات الفضائية ومنها المرقاب والصحراء وصدى وكان حفل مشّرف ولي شرف المساهمة في هذه القصيدة ضمن الشعراء الذين القوا قصائدهم فأقول :

بـدع القوافي طـاب نظمه ومعنـاه *** أبيات من فكري ضميري بداهـا
لي الشرف بالمحتفل قـافي اقـراه *** بوجـود سمحين الوجيه ولقاهـا
في مهرجانٍ مشعـل الليث يرعـاه *** ذكـرى زعيـم المملكة ما نساهـا
صقر الجزيرة عـاد سلمه وذكـراه *** عـلى النضا بيد الفيافي طـواهـا
مشعل أبوفيصل عسى الرب ياقاه *** والـلـه يـعـز المملكة وازعماهـا
اللي اعتنا بالنوق بالخيـر نـجـزاه *** البـل رفع عنـد العـرب مستواها
وأبي اختصر قافي بحفل حضرناه *** الحفلة الـلي ما حضرت لسواها
هــزّاع يـخـتـار الـنـوادر ويـنـقـاه *** نوقه من النخبه نـقاهـا وشراها
بالوضح لو غـلي الثمن ما تغـالاه *** عنـد المزاين يفتخر مـن قـناهـا
الـوضح نـقـوة والملايـين تسـواه *** هي شف غايات النفوس ومناها
الوضح كنـه عفـري الصيد حلياه *** تـبـارك الـلـه يبتهـج مـن يـراهـا
الوضح من غيرالظبا مالها شبـاه *** وأن درهمت بالريع مثل التياهـا
الوضح في زيـن الطبايع مـربّـاه *** تصـف بكنـاف الـرحـول اوراهـا
الـوضح لا صـاح الـمـدوّه ونـاداه *** تقبل عـلى صوتـه تراقـل ذراهـا
الوضح مجنا ساسها نـجـد منشاه *** تـشرب مناهلها وتنشق هـواهـا
الوضح مـن نبـت المزارع مغّـذاه *** حتى شمخ مثل الصوامع قراهـا
الوضح عسى مرتع القفـر تـفـلاه *** وعسى جـزيرتنا تـربّـع عساهـا
الوضح تـرتـع بالفيـاض المعّـذاه *** بأرض قـفـر ما طبها من رعاهـا
الوضح عربهّا التقي عالي الجـاه *** الـلـه من عيون الحسود يحماها
أبـو فهـد معـتـز من فضـل مـولاه *** عـاف الطمانـه والمعالي رقـاهـا
يستاهـل التمجيـد والمـدح يـزهـاه *** الـلي المضايف للهواشل بنـاهـا
تلـقـابهـا القـعـدان ومفـّطح الشـاه *** بالنعـمة كـبـار الصياني مـلاهـا
طبعه يـكـرّم بالشبب كـل مـن جـاه *** شاد المباني والمضايف بـنـاهـا
أبـو فـهـد حـاش المـراجـل بيمنـاه *** يمناه فاضت بالكرم من صخاها
المكـرم الـلي يدرك الطيب شـرواه *** القرم الـلي كل الفضايل حواهـا
شهم وكريم ولاتجد شخص يشناه *** شـام وشهـل للطايلات ونـواهـا
هـزاع نفخـر بـه اليا جيب طريـاه *** نفخـر بفعـلـه بالكـرم وانـتبـاهـا
والشاهـد المـولى بطيـبـه مـدحنـاه *** نال الفخـر والمرجله ما رماهـا

حفل كبير بكل ماتحمل الكلمة من معنى وكان لي الشرف الحضور والمشاركة مع أولاد وايل في هذا الحفل الكبير

وأبو فهد يستاهل الطيب بهذا الكرم الوائلي

وصح لسانك يابو مشعل فأنت نبراس عنزة في كل محفل وأنت أهل لذلك

الشاعروالأديب علامة النسب / أبومشعل بارك الله فيك على الأبيات الرائعة والجميلة كما هي عادتك مبدع وفارس في بدع وجمال وقوة معاني القوافي وفقك الله
وشكرا على نقل هذا الخبر عن حفل أبناء العمومة الذي أقامه الشيخ / هزاع ابن عايش أبالروس في مخيمه بأم رقيبة بمنطقة حفر الباطن لعام 1433 هـ
بارك الله فيه وجزاه الله خيرا على هذا الحفل الكبيرالمشرف والرائع ،،،،،،،،

الله الله صح لسانك يابو مشعل ويستاهل الشيخ هزاع وهو في هذا الزمان رجل عنزة الاول لحيث انه شرفنا بالمشاركة واتلف المال في سبيل مشاركة اسم قبيلة عنزة في هذا الكرنفال السنوي الرائع ...

... وطالما انه اجتمع في هذا المحفل شاعر ومؤرخ عنزة الاول عبدالله بن عبار وشيخ عنزة والاسم الاول في مسابقات الابل الشيخ هزاع ابا الروس الدهمشي فالحفل رائع ومكتمل بوجودكم ولاهان البقية المشاركة من خطباء وشعراء ومثقفين ...

شاكراً ومقدراً للأخوة الكرام أبو وائل الوائلي ومفضي الوحداني والرجال العنزي كلماتهم المعبرة وأشادتهم فجزاكم الله خير وبارك الله لكم ووفقكم في كل ما تصبون إليه ودمتم بعز

مشعل أبوفيصل عسى الرب ياقاه *** والـلـه يـعـز المملكة وازعماهـا


اللهم آمين

صح لسانك يا أبو مشعل وحمداً لله على سلامة الوصول ، ونعمٍ بأبا الروس ونعم بسواعد لحيتك يا أديب وعزيز وايل ، فأنتم سيوفٍ مجربة عند الغانمين وفوق المدح كله أطال الله لنا بأعماركم وألبسكم ثياب الصحة والعافية ..

ونسأل الله لأبو فهد التوفيق والنجاح فهو الذي مثّل ورفع إسم القبيلة وفقه الله وسدد على دروب الخير خطاه ..

صح لسانك يا ابو مشعل دائما تشجع كل محفل ولقاء يجمع قبيلتك ونطلب الله ان يوفق ابا الروس على مايقوم به في منافسة مزاين الابل وان يزيده من نعمته ولكافة من اشترك في مزاين الابل

صح الله لسانك وطول الله عمرك يا والدنا العزيز وما نزود عليك بشي الا اني عندي صور للحفل المبارك حبيت اطرحها قبل يومين لاكن ما جاني وقت الا الان وان شاء الله تعجبكم ..















































































وهذه مقاطع منوعه تحتوي على جزء من الدحه ومحاورات منوعه وجره ربابه وغيرها من فعاليات الحفل الرائعه تجدونها على الرابط الاسفل ...


http://youtu.be/2SFx_ZGZX-I




مع اجمــل تحياتــي ...

ما شاء الله يابو مشعل كفيت وفيت صح لسانك وطاب الله فالك ,, حفل كبير يليق بقبيلة عنزة ,, ماقصر ابو فهد بيض الله وجهه ..

الشاعر والإديب ابو مشعل صح لساانك وبيض الله وجهك على الشامخه ولاهي غريبه حضورك وتشجيعك

ومما لاشك فيه ان ابو فهد الروسان يستاهل


دمت بود,,

تقبل تحياتي ,,,,,