ملحمه في قبيلة عنزه عامه | الشاعر والأديب عبدالله بن عبار - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

10-24-2018, 04:01 PM

✨⭐ملحمه_قديمه✨⭐

��ملحمه في قبيلة عنزه عامه

��الشاعر والأديب عبدالله بن عبار

https://youtu.be/VlaijWeIpKg

10-24-2018, 08:31 PM

هذه القصيدة تبلغ 500 بيت سجلتها بأشرطة منذ أربعين سنة وكانت تنقصني الكثير من المعلومات وقد نشرت ما أجيز نشره من هذه القصيدة في كتابي ديوان الوائلي وفي كتابي أصدق الدلائل في أنساب بني وائل وقد تركت معظم القصيدة حيث تحتوي على أحداث ما يجاز نشرها وحيث انني وجدت بعض الأخوة نقلوا مقطع يخص تفرعات من قبيلة عنزة في تسجيل قديم صوتي مسجّله من شريط غير واضح لذلك يسرني أن اكتب هذا المقطع من القصيدة بصيغتها الأولى وقد شكّلت المقطّع المسّجل باللّون الأزرق ومطلع القصيدة باللّون الأخضر -
*-الملحمة الوائلية الكبرى من شعر عبدالله بن دهيمش بن عبار العنزي :

مـبـداي بــالرحمـن رب الـبــريــه *** يـا الـلـه تـكـفـيـنـا الـبلا والـبـلـيـه
وتـغـفـر خـطانـا كان قـلنـا خـطيـه *** يامن فرجت لنوح من عقب طوفان

يـا من فرج لأيوب مـن عظم بلــواه *** ويونس دعاك بجوف حـوت تعشاه
يـوم دعـاك بغـب موج لطم مــاه *** فـي وسط لجه مابهـا غـيـر حيتـان

أدعـوك يـامن عاد يوسف ليعقــوب *** يـارب مـا غيرك لطيـف ومطلــوب
تمحى خطايـانـا وتغـفـر لـنـا ذنــوب *** فـي ساعـة فيها البشر سـار حفيان

يـارب تعـتـق مـن لجابـك من النــار *** يارب تغـفـر ذنـبـنا وأنـت غـفــار
يـا مـن له الجـنة تـدارج بهـا انهـار *** جنـة نعـيـم وفـيـه حـوراً وولـدان

ومن بعـد ذكر الله نظمت الأشعـــار *** الـوائلي ولـف مـن الشعـر وأخـتـار
نـظم الـقريـحة مـن كلام ابـن عـبـار *** باح الكنين وسجل الطرس قيفـــان

قيفـان نـاقيهـا عـن النقص والـزود *** قولي عليـه شهود بالصدق ما كود
عذيـت لـفظ الهـرج عن كل منقــود *** أخشـى تقـول الناس هـايـف وكذبان

قـلت الكلام اللي له إثـبات وإسنــاد *** ماني على التزيـيف والهيـف معتـاد
ويشهد على قولي شغاميم الأجـواد *** ولا العفـون أحظـوظهـم دوم هفـيان

أولاد وايــل ما بـدأ مجدهـا الـيــوم *** مـن دور عصـر كليب ثم بـن كلثـوم
الفرس شاهدهم مع الترك والـروم *** وتشهـد لهم كنـده وحـمير وخولان

وحرب وبني خالد وشمران ومطير *** وعتـيبـه وبـني صخـر والمنـاصيـر
وشمرهم وقحطان صيـد المناعـيـر *** وبلي وجهينه مع عطيه وسرحـان

تشهد لهم الضفران بالمجد وسبيع *** وكـل القـبايـل والقـروم الصعـاصيع
تضهر ثناهم فـي جـميع المواضيـع *** مع الدواسـر والهـواجـر وعجمـان

ومن كان بـالتاريخ عـنده حـفايـض *** يـنـظـر ويـقــرأ طيـبـات القـرايـض
شعـر الفـرزدق فـي كلام النقـايـض *** وابـن كثيـر ومـا يعـد ابــن خلـكـان

والطبري وابـو الفرج وبن خلـدون *** يـذكر لهـم مجـد تليـد لـه قـرون
الشاهـد التـاريـخ والنـاس يـدرون *** عن مجد وايــل شامخ تقـل ضلعـان

ويـعـد بـالشيـمـه كـتـاب ابـن مـارك *** بـالطيـب وعلوم الـفضيلـه مشـارك
يـذكـر فـخـرهـم يـوم دور المعــارك *** ويـعـد مـا شافـه بصـدق وعـرفـان

تـاريــخ وايــل مـن قـديــم عجـايـب *** عــلى جـبـل خـزاز بــادوا كـتـايــب
وبادوا فـلول الفـرس يـوم الحرايـب *** بذيقـار وايـل زبـنـوا بنت نعمـان

وقلعة حلب عن سابق المجد تنبيـك *** فعـايــل الـويـلان مـا فـيـه تـشكيـك
دولـة بـني حمـدان قـبـل الـممالـيـك *** بنـوا فخرهـم بيـن قيصر ورومــان

أولاد وايـــل مـن زمــان الـنــبـــوه *** حلويـن للصـاحـب ولـضـد ســوه
جمـع يـلاقـي بـالملاقــى عـــــدوه *** والمجـد والعـزه لهـم ورث جــدان

مـن يجهـل الـويلان يـاخـذ تعـالـيـم *** تـاريـخ من دور العصور المقـاديــم
من معـد من عدنان صفوة إبـراهيم *** تاريــخ بالأنجيـل تقـراه رهــبـان

نواصـر السنـه خـلايـف إسـمـاعيـل *** مجـد لهــم موروث جيـل بعـد جـيـل
سـوالـف الـويــلان مـابــه دهــاويـل *** معــروف من قبـل اللهـازم وجـلان

ومـن حاضرة وايــل مشايـخ وحكّام *** سـورالعرب حامين رايات الإســلام
منهـم هـل العوجا مزييليـن الأوهـام *** بحكم الشريعة قومواخمس الأركان

أشـبـال مـقـرن حـاكميـن الجـزيــره *** تـاريخهـم مكـتـوب فـي كـل سـيــره
مـن صلـب وايـل طـيـبـيـن العـشيره *** تــاريـخ وشهـوده مواريث شيبـان

منـابـهـة نـسـل المـريـدي مصاليـخ *** يوجـد نسبهـم فـي جميع التـواريـخ
عـلى الفضيلـه جدهـم ناصر الشيخ *** ودانـت لهم كـل المذاهـب والأديـان

أفعـال ماضيهـم لهـا النـاس يقـرون *** ونـوادر التـاريـخ عـنهـم يقصـون
تاريخ ابن عيسى وكتب ابـن لعبون *** وتاريـخ ابن بشرعـلى ما ضى كان

والحنبـلي والفاخري وابن بسـام *** وابـن سنـد والخزعلـي وابن غـنام
وابـن ربيـعـه والجبرتـي والأعـلام *** ومقبـل ومـا سجـل بخطـه ضويـان

وجملـة تــواريـخ نـعــده كـثـيـره *** ناخـذ دواليـل القصص مـن خبـيـره
الـزركـلي وفــواد جـاد أتـعــبـيــره *** وأمين قاله مع شكيب ابـن رسـلان

تاريـخ صـدق ولا ذكر بـه قماره *** عن لابـة مـا هـي خـفـيه أخـبـاره
عبـد العزيـز أسس من الملـك قـاره *** من أقصا الحماد ليامشاريق نجران

شاهـدهـم التـاريـخ ما بـه جحـايــد *** من صلـب وايـل مـن خيـار البـدايـد
لهـم علـى الجـودا سلـوم وعـوايـد *** ويلان من ويلان مـن ساس ويـلان

يذكر فخرهـم فـي سجلات وأكـتـاب *** ومن قال ساعدهم على المجد كذاب
مقرن نسل مرخان عريب الأنساب *** الـلي بنـا فـي عـالي المجـد مسكان

لابـة هـل العوجا على الحق ماشين *** رغـم علـى الحساد هـم والمعاديـن
عـلى الشريعـة قـومـوا سنـة الديـن *** بحـكـم العـدالـة سايديـن بـالأوطـان

حـكـام عـدل وحكمهـم بـالشـريـعــه *** دانـت لـهـم كــل الـقـبـايـل مطيـعـه
وشعوبهـم عقـب المجـاعـة شبيعـه *** يا ما نصاهم مـن أرامـل ويتـمـان

رفرف علمهـم في ربى نجد وحجاز *** من ساد منهم في مجال الفخر فـاز
حكـام عـدل وحكمـهـم غـير منحـاز *** منهـاجهم سـاروا على هـدي قـرآن

مـا حكمـهـم للشعـب فـي عنصريـه *** الشـعـب كـلـه عنـدهـم بـالسويــه
عـم الـرخـا والأمـن كـل الـرعـيـه *** حتى غدا السرحان يرتع مع الضان

لابـة هـل العوجـا حمـاة الضعـافــي *** أفعـالـهـم بـالـعـيـن دايـم أتشـافـي
نجـد أحتمـوهـا بالسيـوف الرهافـي *** يوم الفخـر والـعـز بـسنـان وعـنان

أشبـال مقـرن طيبيـن بـالأفـعــال *** مـن سالـف أولهـم شغـاميم وأبـطال
نـفخر بهم وافعالهم فوق الأقـوال *** نفخـر بهـم غصباً عـلى كـل زعـلان

حـكـام نـجـد معـربـيـن المـجـانـــي *** نظهـر ثـنـاهـم بـالـخـفـا والـبـيـانـي
لـهــم عـلـى ذريــة آدم حـسـانـــــي *** ما حـده القطـب الشـمالـي للأفـغـان

تـاريـخ مـاضيـهـم يـدرس دراسـه *** بـهـم الحماسـه والـفخـر والرياسـه
كـل الـدول تشهــد لهـم بـالسيـاسـه *** ما حالفـوا شـرق آسيـا والمريـكـان

جـد عـلى جـد وسـاس عـلى سـاس *** سورالجزيره من هل الفعل والباس
تشهـد لهـم بافعـالهـم سايـر النـاس *** شادوا لهم من شامخ المجـد بـنيان

أشـبـال مـقـرن للمعـادي لـواديـــد *** دوم الليـالـي للـعـدا بـالـمـراصـيـد
ما جاملـوا عـدوانهـم والحواسـيـد *** نالـوا تمـاجيـد الفخـر سـر وأعـلان

نسل الزعيـم اللي الجزيـره حكمهـا *** خـاض المعـامع والديـار أقـتحمهــا
وحــد قـبـايـلـهـا ورفـرف عـلمهـا *** من عقب ما كانت مثل عصرالأوثان

كانوا ولا زالـوا على سابـق العهــد *** من سـاد منهـم للمواطن بـذل جهـد
قـالـوا لمن دار الفـتن أهـجـد وأهـد *** والحمـد لله عصرهـم أمـن وأيـمـان

ذخـر العـروبـه حـافضيـن الكـرامـه *** ساس المـروه والفخـر والشهامـه
كـم فـارس خـلـوه يـلـقي حسـامـه *** وعقب العيا والزوم قاود بالأرسان

حـد الوطـن بسـيـوفـهـم محتمـيـنــه *** ضـد العنيـد وضـد من خـان دينـــه
الـلـه جـعـلهـم دوم هـزم بـعـيـنـه *** دانت لهم صلب العرب والسعد زان

عــدوهــم يــزداد غــبـنـه أويـلـه *** مـا يهـتنـي يـصلاه صلـوا المليـلــه
وأيمانـهـم بـالحـق دايــم طويـلـه *** والحمـد لـلـه يـنعـثـر كـل مـن خـان

لاعـاش مـن يـجحـد ثناهـم ويـنساه *** واللي طغى قصوا عن البغـي يمناه
نـال الـجـزا مـن بـاع ديـنه بدنيـاه *** وحاسدهـم المنكود خاسـر ونـدمان

عيـوا علـى العلـيـا ثـقـيليـن الأرواز *** مثـل الجبـل يـرسي ولاهـو بينهـاز
واللي ضميره صايـبه غش وأنحـاز *** بالسيف الأملح عالجـوا كـل طنيان

ومـن حاضرة وايـل صنـاديـد عتبـه *** من يكتب التـاريـخ سجـل بـكتـبـه
تـاريـخهـم كـتـب الـفخـر سجلت بـه *** مـن موطن الهـدار بحدود مـاوان

نسل الصباح أخـوان مريم جميلات *** أمجـادهـم مبـطي لـك الـلـه قديمـات
مـن لابـة السلقـا مشايـخ وسـادات *** شيخان تورث طايل المجد شيخـان

فـاضوا مـن الهـدار لأرض الزبـاره *** وجـوا للكويـت وأسسـوا بـه أمـاره
بالسيـف والمنسـف وحسـن الأداره *** دانـت لهم حضر السواحل وبـدوان

مـن الأحـمـدي للسـالمـي للشـقـايـا *** ومن ديـرة البصره وذيـك الـزوايــا
بـالسـيـف جتهـم ما خذوهـا هـدايـا *** وأحدودهـم من فيلكا لأرض سفوان

أسـرة صباح اللي عـريـق نسبهـا *** تــوارثـت مـن دور وايـل حـسـبـهـا
تشهـد لهـم فارس وتشهـد عربهـا *** ويذكرهـم التاريخ مـن دون نسيـان

وأعـد لمـحـه عـن صـوارم خليـفـه *** من صلب فيصل والمناسب شريفـه
مـن عــزوة الـربـاع مـاهـم لـفيـفـه *** فوق النجايـب هـددوا عرش أيـران

أحـمـد فـتـح بالسيـف دارالمنـامـه *** جاهـد وغـامـر لـيـن نـال الزعـامـه
والـمجـد لـوح فـوق ذروة سنـامـه *** وأنجب صوارم تحمي الدار شجعان

حمـوا بلدهـم عن طماميع الأعجـام *** مـا يـقـتـربـهـا كـل غـازي وهـجــام
واليوم حاضرهم على خير ما أيرام *** صارت مواطنهـم حدايـق وعمـران

عـزوة خليفـه مـن صماصيـم ربـاع *** هـل الفخر بين العرب علمهم شـاع
صانوا حمى البحرين عن كل طماع *** ماراعهـم تهديـد فارس ورومـان

أمجـادهـم تـشهـد بمـاضي الـزماني *** حـازوا علـى العلـيـا بـكـل المعـاني
الجلهـمـي يشـهـد لـهـم وابـن ثـاني *** ويشهـد لماضيـهـم سـلايـل نهـيـان

ومن حاضرة وايل شيوخ ومشاكيل *** صـوارم يـوم الـمـراجــل حـلاحـيـل
منهم سليل نجيد من نسل ابا الخيل *** فيمـا مضى تروسـوا جمـع قصمان

وأعـد ذكـر الجـلهـمي نسـل جـابـر *** مـن ساس صلب بجيد والكل خابـر
تـقـرا مفـاخـرهـم بـوسـط المـنـابـر *** يوم الكفاح ويـوم صولة عفيصان

ومـا عـقـبـه هـزان بالفعـل محمـود *** سورالحريق ومرويـة شذرة العـود
صافين من صفوة رشيد بن مسعود *** من صلب بدر ومن سلايل سعيدان

والعسكـر اللـي مـن رجـال الحـميـه *** من مارثت مشجع اعــزاز السميـه
مجنـاه بدري مـن شخوص الـبقـيـه *** حكم على الفيحا عقب ولد عثـمـان

ومنا العـقـيل النافـلـيـن القـرومـي *** ومـنـا التواجـر حافضين السلـومي
ومسند ونسل حقيل قوي العـزومي *** مع عزوة العمران وعيال حوشان

ورجال المدلج بـالفعول مخبـوريـن *** تاريخهم معروف من صفوة حسين
حـمـد بـن لعـبـون جـاب البـراهـيـن *** حـقـايـق تـقــرأ عـلـى كـل ديــوان

ولابـة بـني ربـاع من نسـل يعقـوب *** عشايـر من ساس ربـاع وأشعـوب
مبـطـي نسبهـم بـالسجلات مكتـوب ** منهـم نسـل راشـد وعـلي السليمان

وعـيال زايـد ساسهـم صـدق ماكود *** مـع لابـة الباحـوث وعيـال جـلعـود
وأشبال صالح والهـويـدي ودايـود *** ومرزوق ورويضان وأنجال وطبان

حـمـايـل يـصـعـب عـلـيـنـا عــددهـا *** يشهـد لهـا التـاريـخ محـد جحـدهــا
مـن صلـب وايـل ساكنـه فـي بلدهـا *** تحضرت بالـدور مـن غـب هـبـران

حمـايـل يصـعـب عـليـنـا أنحصـاهـا *** بـسـديـر وبـلاد الـقـصيـم وقـراهـا
من أدنا الحريـق إلى المنامه مداها *** للبصـره الفـيحـا إلـى ديـرة أعـمـان

ومـن حد خيـبر للزباره إلـى الـديـر *** ومن الشنـافيـه إلـى ديـرة ضميـر
وما حد تل أبيض إلى مشرق الحير *** عنـاز من دجلـه إلى جبـل جـولان

من فضل خلاق الخلايـق عـزيزيـن *** لوعـن بعضهـم بـالمنـازل بعـيـديـن
ساس الـفخـرعلـى نسبهـم أمعـييـن *** وشعـاد لوهم داخـل المدن حضران

وأعـد نبـذه عـن فـروع الـقـبـيـله *** قـبائــل مـن صـلـب وائــل أصـيلــه
بـشـر وضـنـا مـسلـم حـمـاة الـدبيله *** صفوة ربيعة من صماصيم عـدنان

أولاد وايــل مـن كـرام الـرجاجيـل *** نوجز أكبـار أقـسـامهـم بالتفاصيـل
أول بـدا نـعـد لـمـحـة عــن رويــــل *** خمس البدايـد راسهم جمع جمعـان

المرعـض الشجعـان وعيال قعـقاع *** وجمـع الفـريجـي بالملازيم بـّتـاع
وكـواكـبـه لاصـار لـلـخـيـل مفـزاع *** خامسهم المعروف من نسل دغمان

ونعـد مـن المرعض قبايل مشاهيـر *** خلفـة حسن جمع العليمي مغـاويـر
والثاني العوجان من صفوة أنصيـر *** وثالث بدايـدهـم صـنـاديـد جـبـران

سلايـل القـطعـي ومـا عـقب حمـود *** وعيال ناصر كـلهـم بـاللـقـا أفهــود
ومحمـد الجـبـران له فعـل مشهــود *** أنجب هل العليا نضـانيض شعـلان

شعـلان عنـوان الفخـر عقب غريـر *** وفنيـخ وسالـم نافـليـن ومنـاعيـر
ودقــيـة وجـابـر سـطـام الـطـوابـير *** وسلمان من خلفة محمد وروضـان

غريـر مـن عقبـه معبهـل وعبهول *** ومنيف راس رويل بالعرض والطول
وحسن الهنيدي له بالأفعال دالول *** وصبيح نجل غرير وأيضاً عشيـران

مـن منيف عبدالله وجبل ومشهـور *** ومن عبدالله نايف زعـيـم ومنعـور
ومجول وزيـد أفعالهم فات لـه دور *** وخلفـة جـبل معروف نجـم ودكنـان

ونايف نجب شيخان وافين الأبواع *** حمد وفيصـل وأذكـر الشيـخ هـزاع
ترعابهم وقت الخطر شقح الأقطاع *** لهـم الفخر غصب على كل زعــلان

ونصيرنسل نصيـر نصير وأكبـوش *** وأفججه ونصيرات حمايـة البـوش
متعصية بـالسيف إلى كمل الهـوش *** نعم الرجال إلى تـناخـوا بـعـوجــان

وسلايـل الـقعــقـاع هـاك الصنـاديـد *** عـيال مانـع والـقــروم الحمـامـيــد
وغشوم باللقـوات تنـطح هـل الكيـد *** وعيـال عـبـد الله يـسمـون ربـشان

وفرجه من صفوة صماصيم فـراج *** منهم محـرق مـابهـم هــرج هــراج
ومفـرج اللي من العـدا تـأخذ البـاج *** والثالـث وبيـرات بالـكـون فـرسـان

وأعـد بـالتـفصـيـل جـمـع المحــرق *** لا بــد لأقـســام الـجـمـيـع أتــطــرق
ثـلاث قـبـايـل نـزلـهـم مـا تفــرق *** سباح منهـم والسواحـل وقـفيـان

ومفرج منه عزول ومشيط ورمـاح *** ومدهرشه بالكون يهـدون الأرواح
مـن عـزوة يـدلـه بـهـم كل مصلاح *** وخامس بدايدهـم صنـاديـد قـدران

وثـالـث بـديـدات الفـريجي وبيـرات *** خضعان والـبـادي مـدابـيس قـالات
ولـد الفليـتي ينطحـون الـصـعيبـات *** سمـران من نسل الوبيري وهطلان

وأذكـر هـل العادات زاكين وأكــرام *** كـواكـبـه مـنهـم مقـيـبـل وخـتــام
ووهيـب ومديغـم مبـيدين الأخصـام *** والنعـم لا عـديت خمسي وعرضان

ونسل دغمان أهل الفعول الصعيبـه *** منهــم جميـل اللـي أصولـه عريبـه
وبـرابـرة وعـيـال صـالـح صـلـيـبـه *** وعيال سيف اللي يسمـون درعـان

وأعـم بـالتـمـجـيـد جـمـع الرويـلي *** جمـع علـى جـمـع المعـادي ثقيـلـي
وأرض الخطر يرعونهـا بالصـقيلي *** مـا يـنـتخــون إلا بـعـلـيـا وعـلـيـان

موزيـل بـالتـألـيـف يـضهـر ثـنـاهـم *** وولـيـم بـتـاريـخـه كـذلـك عـنـاهــم
عـن الـردا تـكـرم سـواعـد لـحـاهــم *** ابن قويفـل قـالهـا وابـن طوعـان

والـمحـلـف نعـدهـم صـفـوة جـلاس *** سوالمه وأشاجعـه مـن هـل البـاس
وعـبـادلـه لـهـم مـفـاخـر ونـومـاس *** والكـل منهـم مـن صواريـم عـقبان

سـوالـمـه بـالـكـون ضـد الحـريـبـي *** صـويـبـهـم مـا فـاد فـيـه الطبـيـبـي
فـراهـد ومـلـحـاق ثـم الـهـلـيـبـي *** يـتلـون ابـن جنـدل سلايـل بـليهـان

وأعـد مـن مشجـع بـدور وبلاعيس *** وحـذاق ومهـيوب بالـكـون فـريس
يـتـلـون كسـاب الـفخـر والنوامـيس *** المعـجـل الـلـي للمجـلـيـن مزبــان

وعبـادلـه نعـم بهـم صفـوة الغـوش *** يا ما بهم من كل فارس ومدغـوش
خمـسـه وشفـيع وحـرزه وأقـشوش *** مقدمهم ابن مجيد عافت وجدعـان

وبـني وهـب مـن عـزوة وائـلـيـه *** ولـد عـلي هــل الــفـخـر والحمـيـه
وعـيال شرعـب حـي ذيـك السـميـه *** وثالـث بـدايـدهـم شغماميم نـبهـان

ولادعـه سـاس المفـاخـر والأمجـاد *** عـزوة هـل الملحا مناعيـر وأجـواد
ذري ومـفـرج مـع عـيـال حمـاد *** ومقدمهم الشيخ القديـم ابـن كنعـان

من ضنا مفرج لابة ترخص الـروح *** مشادقـه كسـابـة الـمجـد وطـلـوح
وجبـاره اللي فعلهـم دوم ممدوح *** أهـل النفـايـل والفضايـل والأحسان

مـن مشدق محمـد ومنـه المريخات *** وطـيـايـره أهـل العـلـوم القـديـمـات
واللحاويـن أهـل الفخـر والعـبيـدات *** اللي أحتموا أربد على غـور بيسان

ومـن صلب جباره وحادين ورمـوم *** وعليان وظريغط زبـن كـل مضيـوم
وتـواجـره وشمـاط تخشاهـم القـوم *** بعلومهم سارت على الهجـن ركبان

ومن الطلوح وهوب وعـيال دواس *** وعيال عيـد علومهـم ترفع الـراس
عـاداتهم كـان أعتلوا قـب الأفـراس *** حبس الكمين إلـى توامـوا بالأردان

وحمـاد منـه ضميـن وعـيـال رتــام *** وطوالعه ضد العـدا عـوق الأخصام
ومـا عـقـبـه سـالـم تـلـقـب بـوسام *** وسلايـل الأيـداء من أحفـاد حمـدان

حمـدان من عقبـه صواريم سنجـار *** مسعـد وسنـد والهنـادي هـل الـكار
وخـلف وهاجـس مرويـة كـل بـتـار *** وعمـاش والسابع سلايـل مريخـان

ووسامـة الـبـرثـن مـورايـث سـالـم *** منهـم عـويـمـر ما ذكـر بـه مـثـالـم
وجــريـــده يــهــابــهــم كــل ظـالـم *** وحـمـاد وربيـلات حامين الأظـعـان

ورتـام مـن عقبه عريبيـن الأنسـاب *** سلايـلـه سالـم ومـن سالـم أركــاب
ومنـه القرشـه اللي يحلون الأنشاب *** وأعـد ثالثهـم هـل المجـد خـرشـان

وطـوالـعـه يـوم السنيـن العـصيـبـه *** نطيحهـم بـالكـون يشمـت نصـيـبـه
سـهـلـه ومـشــرف ولابــة ذويــبـه *** مقدمهـم ابن كحيل صفـوة كحيـلان

وأعـد مـن عـلي بـدايـد ضـنـا ذري *** عـدوهـم يقلـع عـن الـزوم والعـي
أهـل الحجى بـالضيق للملتجي فـي *** مشـطـه وعطيفـات وعـيال دمجـان

ومشيط مـن عقبـه مقيبل وعـواض *** ومسلم اللي خصمهم باللقاء جاض
وجذالمة ضد المعادي إلى أغتـاض *** يتلون أخو عذرى مثل طير حوران

وعطيف عقب حرب بالفعل مبخون *** وعتيـق لابـه تلطـم الخصم بالكـون
وعـتيـق مـن نسلـه رجـال يـسدون *** قطمـان وتـليعـان وأيـضا حويشـان

ومن حـرب عنوان الفخر والحميـه *** حمـايـل مـن عـطيـف مـاهـم نـزيــه
سـبــايــلــه ونــوابـعــه والـبـنــيــه *** ورابـع بدايــد لابتـه عـقـب هــدلان

وأعـد مـن دمج رجـال لـهـم صيـت *** منهم مصبح بالفخر نعم ما أطريـت
ورواحـلـة للضـد علـقـم وحلتـيـــت *** والثالث المعروف من خلفة أسـنان

يـتـلون ثـلاث الشـيـوخ المشـاهـيـر *** مقدمهـم الطـيـار والدوخـي سمـيـر
والشيخ أخو بقشة سطام الطوابـيـر *** والنعـم والـلـه كـل مـا قـيـل يـديـان

وشـراعبـة منهـم رشـده وخشابيـن *** والحمـد الوافيـن مـع خلفـة حسين
ومن شرعب رجال المحمدعريبيـن *** ثـم الشريعـب والفـويـرات شجعـان

شرعب كبرمجناه من عزوة وهوب *** نعـم بشرعب زاكي الأصل منسوب
يـوم القبـايـل بيـن غـالـب ومغـلوب *** مـقـدمهـم النـافــل سلايــل خشيبان

ومنـابهــه منهـم حسنـه ومصاليـخ *** وعيـال راشد يـوم عصـر المناويـخ
وخمـاعـلة مثـل الحيـود الشواميـخ *** ومرزوق عقبه كلهم باللقاء أعوان

مرزوق عقـب لابة صقيـر وأحجـور *** اللآبة الـلي خصمهـم دوم مقهـور
واللـي يـناطح جمعـهـم عـاد مكسور *** إلى جالت الخيلين من عقب مكمان

وخـمـاعـلة ضـد الـعـــدا بـالحـرابـه *** أربـع بــدايـد مـن مـورايــث لابـه
فـضـيـل والـيــزيــد ثــم الـذيـابــه *** وشهـاب بـاللقوة رجـال لهـم شــان

ونسل الفقير الراشدي ماكـرالطيـب *** مـنـه الشـفقـه سـالميـن العـذاريـب
وزوارعـة مع جـمعـات ومغـاصيب *** مقـدامهم نسـل الفقيـر ابـن سلطـان

وأذكـر إلـى عـديـت جمع الحسيـني *** مـنهـم المـلحـم تــرثـة الغـانـمـيـني
وجهـيـم وشمسي أسـود العـريـني *** حـمايـة الشنبـل من عهود عـثمـان

ولابـة عـويمـر بالحرايـب ذوابـيـح *** وأشبـال مدلج والقضبا الزحازيـح
عـاداتـهـم كسـب الـثـنـا والتماديـح *** وزعيمهـم مـن صلب مـزيـد وقبلان

وأذكـر إلى عـديـت جمع المصاليخ *** أمـجـادهـم مـا تـنحصي بالتـواريــخ
ومنـه الخرشه والقرشـة المجاويخ *** وأذكرهل المعروف والطيب بلصان

ومن الخرشه نذكر رميح وأزبـون *** وخليفـة ومعـلا بـالأوجـاب يـوفـون
يتـلـون ابن يعيـش بالسلـم والكـون *** هم خزنة المضهور من دور قعدان

جمع القـرشـة من قـديـم معـروفـين *** أبطـال بـالأزمـة يـعـدون جـمعـيـن
فـويرس ومذهـل نـوادر أمسميـن *** نذكر جميع فروعهـم دون خصران

ومـن لابـة فويـرس حمـاة الونـيات *** فهيد من نسل الفـويـرس وشبـوات
ورشـود منهـم والقـروم العضيـدات *** وما عقبه لقمـان وعيـال جضعــان

مذهـل مروين السيـوف المصاليت *** من مذهل التراك وأيضـا الشحاتيت
وعـزوة نجـيد لـذكرهـم مـاتناسيـت *** ومنهم مناعـيـر الرجال الـسويـدان

وأذكر من البلصان لابـة صخـيـري *** وعقـاب وسعـيد أعـزاز الـقصيـري
وعيـال ساري بـالزمـان العـسيـري *** أدنـاهــم الـلـي لـلمـعـاديــن طـعــان

وأذكـر بشر خلايـف سهـيل وعبيـد *** مـن نسـل وايـل حافـظيـن الـتقـاليـد
متـوارثيـن الطيـب والسلـم تـعـويـد *** قـبـايـل مبـطـي بـيــارق وسلفـان

وسـهـيـل بـن عمـار عـقـب سلامـه *** ودهامشه ساس الـفخـر والشهامـه
وعـيـال جـبـل قـايـديـن الـجهـامـه *** وخلفـة جبـل منهـم صقـور وحبلان

حبلان من عقـبـه مدامـيغ ودشاش *** وهيـازع وغشـوم مـا فيهـم الـلاش
وختارشـه وسحيـم حامين الأدباش *** وعيير و بسسات مـن نسـل هـدلان

وعيـال حسـن والـذيـبـه الشغـاميـم *** وجعيثن الشجعـان حصـن النواهـيم
يـتـلـون ابـن هــذال مـقـدم مقـاديـم *** الـشيـخ أخـو بـتلا سلايـل عـديـنـان

وصقـور بـاللقوات فرسان وأبطـال *** بالكون يكـدون المعـادي إلــى عـال
مصاعب وعـطيفات ودلمه وجـلال *** وثويبت شخوص الحمايل ودهـمان

وسـلامــة السـلقـا تـفـرع بـدايــد *** مرويـن حـدود مصـقـلات الـحـدايــد
لـهــم بـجـزلات الـفعـايـل عـوايـد *** ومقدامهم ساجـر من أحفاد عرمـان

بجايـده مـبـطي لـهم عـلـم مشهـور *** ومطارفـه هـل الشويهـات وجـبـور
وحسني والشملان بالطيب مـذكـور *** ونعـم بهل الصبحا سلايـل مضيـان

وأذكر من الشملان جـمع البشيـري *** وأرشده اللي مـن نطحهـم خطيـري
ومـراجـلـه حـمـايـة المسـتجـيـري *** شملان نـعـم الـحـي لا قـيل شمـلان

وأولاد حسن تـودع الخصـم يرتـاع *** عويضات وسويلم طويلين الأبـواع
وقـمـاقـمـه وأيـضاً شغاميم ربـاع *** من روسهم نسل التريشه وشمران

وأمـا الجبـور أقسامهم أربع افـنـود *** من دور عكلي فعلهم كـان مشهـود
وشـاوشـه وأيـضاً شبيكـات وزيـود *** وسليم مـن عـقبـه صناديـد شرمان

وخلـفة سوي مضيان ماهم نزيعــه *** منهـم عـيال سنيـد وأيضـا الزريعـه
وخـنـفـه والـحـمـايـره بـالطليـعــه *** يـوم العـرب كانت حناشل وحوفـان

وبـجـيـد عـقـب قـني منـه العبـيــات *** ومقدم ونسل قناع محفوظ بإثبـات
بـجـايـده يـثـنـون يـوم الحـرابـات *** سقم الحريب وشيخهم عقب شامان

ومـطـارفـه بالطـيـب نعـم الرجـالـي *** فـقعـــه ونصــره قـــروم مـدالـي
مـقـدامـهـم نـسـل الفهيـم السحالـي *** هـل الشياه الـلي شروهن بـالأثـمان

ودهـامـشـه نعـم الرجـال المياميــن *** لابـة مـحـددة الـجـمـل بـالأكـاويـن
خـلفة عـلي وسويلمـات وسلاطـيـن *** يتلـون ابـن راكان وأنجـال سعـران

ونـعـد مـن عـلي الكبيـر الجـلاعـيـد *** وحمدان بن علي نضايض صناديـد
عـقـب غريب الدار سقـم المعـانيــد *** يشهـد لـه التاريـخ والفعـل بـرهـان

عـلـي غـريب الـدار عـقـب بـدايــد *** مـن نسلـه العـيـاش وعـيال ذايـد
وأذكـر عـيـال زبيـن نعـم الـولايــد *** وفـلاح عـقبـه ما بهـم قول جحـدان

مـذود مـواريثه منـاعـيـر الأجـواد *** ذوايـده تـدلـه بـهــم شـقـح الأذواد
ونسل المحيني من صماصيم عـواد *** وعيـال عيـد اللي يـسمون شلخـان

مـذاوده ربـع المحـلـفـي وعـيـاش *** عـيال فـارس منهم الخصم ينـداش
وغـريـر ومزيد يوم الأشناب كلاش *** وسلايل مساعـد هـل الطيب لمعـان

ومـنهم المعقل والقـروم المتـاريــك *** وخلفة معيقـل ما بهـم قـول تشكيك
عيـاش يوطون الخطر والـمـداريـك *** يـتـلـون شيـخ مـن سلايـل ظـبـيـان

وصـلال بـن فـلاح جــد الـصليــلات *** جاب المحلف من رجال الشجاعات
ومشعل وعايد يوم عصر القوامات *** يـلتـون زيـزوم الجهـامـه رمـيـثـان

ومن زبـن جميشات من نسل عمـار *** مـنــه الأغـــرا والأبــلا وصـقــار
وطواطحة وقحوص مبطي لهم كـار *** ومن روسهـم لابـة عتيّـق وعليان

ومن زبن أعد عيال عيد الطحاطيح *** وخـزام وعـويـد وجـيـه مـفـالـيـح
مـع العـرايـف والقـروم السبابـيـح *** وخلفـة حمود اللي يسمـون ركعـان

ومن عيد عديت الهـوت والبواحيث *** وقواسم ومجـلاد مـن تـرثـة الليـث
وجـمـع الفويـزة للمعـادي مغـاثيـث *** مع الصرمه نسل مـرشـد وجعـبـان

وسويلمـات أهـل الـدلال المحاديـب *** منها المحيسن تدرك المجد والطيب
ومنهـم أهـمـل سالميـن العـذاريـب *** مـع الـوطـبـه والحـماطـر وعتـقـان

وأذكـر إلى عـديـت جمع السلاطيـن *** منهـم عيـال حمـود سقـم الحريبيـن
والمسـاعـيـد الـنـافـلـيـن المسـميـن *** مع المحـاور كلهـم عـقـب سلـطـان

وأعـد فـي قـافي حمايل ضنـا عبيـد *** سلايــل سليمـان ربـع صنـاديـــد
وسـبـعـة بـاللقـوات ضـد المعـانـيـد *** وثالـث قبايـل صفـوة عبيـد فدعـان

فـدعان مـن عـقبـه محـمـد ومـاجـد *** اللابـه الـلي تـودع الخصـم هـاجـد
يـوم ان مخباط الـفشـق لـه رواجـد *** ما راعهـم بـالكون عسكـر سـوادان

مـن خلـفـة محمـد رجـال المنيـعــي *** منيع جـاب شـمـيـل شـانـه رفيـعـي
وأنجـب جبل صنديد قـرم شجـيعــي *** منهـم علي ومهيد وعـيال روسـان

مهيدات بعلوم الفخـر ذكرهـم شـاع *** ومهـيـد مـن عـقـبـه روابـا ومنـاع
وراشـد نسـل مناع طويـل الأبـواع *** مـنـه الـدماخـا والـقـروم القـريـبـان

وعـلي بوقت الكون مـا ينهـوي بـه *** الـلـي بـوقـت اللازمـه يـنـتـخـي بـه
ومغضب وتنيظم بالمناسب صلـيبـه *** ويشهـد لماضيهـم مفاعـيـل وذنـان

وهل الشعلا الروس يا نعم بالروس *** مفلح وفليح لهم عـزة و نـاموس
وعيال حمد والحطيمل هـل الطوس *** وربع الحويط والحليفـة لـه أعـوان

وأعـد مـن خـلـفـة منيـع الشميـلات *** ضد العـدا كان أعتلوا فوق زرفـات
وأن ثـارت الهـدلا نـهـار المثــارات *** تسمع عـزاويهـم كشـور وجـذعـان

ونسل الجذع ساس الفخر عارفينـه *** مـنـه الـسيـارى فعـلـهـم خـابريـنـه
والنـصـر والنـواصـره والـزبــيـنـه *** مـع لابـة الوبـران ورجـال قصران

نسل خميس كشور لا نشف الريـق *** يـروون حـد المـرهـفـات المزاريـق
ومن الكشور قضاه ودلمـه وطويق *** ورابـع بـدايـدهـم سـلايـل بهـيـمـان

وفريض عقب سيف دواس الأخطار *** وخميس ومقرن كلهم نسـل عقـار
الـلابـه الـلـي بـالـمـراجـل لهــم كـار *** كان أنتخوا بالعود كل الصعب هان

وجـد السيافـا سيـف سمـوه سـاري *** حـيـثـه تـعـود للسـرى والمسـاري
مسـعـود ومعـيـوف ذيـب الغــداري *** يتلون ابن قاعد من أشبال روضان

مسعود صفوة سيف يزها الحميدي *** عقب سعـد مـن خـلفـتـه والمعيـدي
ومـن عقبـه بـنيـان سقـم الضديـدي *** ورابـع بـدايـدهـم سلايـل غـنيمـان

وأعـد مـن نسل معيـوف المناصيب *** مناصبه ساس الفخر ماكـر الطيـب
محاسـك وراشـد وثـالـثـهـم الـذيـب *** وما عقبه مرعي وما جاب حمـدان

وخميس بـن فـريض عـقـب قـبايـل *** المـيـس الـشجـعـان يـوم الـدبـايـــل
وهضبي وضحـوه كاسبيـن النفايـل *** والحازم الـلي شيخهـم نسـل نومان

ومن مقرن أعـد الرجال المداغيش *** فرسان باللقـوات يــوم الشوابـيـش
مـن لابـتي هـل القـويـدا الحناتيـش *** وعزوة خلف منهم غضيور وقلفان

حنتوش من عـقبه سليمان وفهـيـد *** ومـن خلـفـة سليمـان هـل التحاميـد
خضر ورخيص مـن كـرام الأواليـد *** وغـريـر وعميريس وعيـال فعمـان

وأذكر ضنـا ماجـد قـروم المشاكيـل *** لابـة صليبة يـوم عصـر المصاويـل
مـن ماجد المنعـور لابة ضنا كحيـل *** وخريص جدالروم مرخين الأرسان

كحيـل مـن عـقبه قـروم صعـاصيـع *** حـمـايـة الساقـات يـوم الـمـفـازيــع
وأن قيل منهم قلت جدعـان وجـديع *** هـل الفخـر مـن دور ماجـد لذلـوان

جدعـان من عـقبه رجـال العـواويـد *** ومـويعـز وصـياح سـقـم الأضـاديد
شجعـان بـاللقـوات وقـت المجاريـد *** ورابـع بـدايـدهم هـل الفعـل غـبنان

وأذكـر عيـال جديع وحيش ومقـيـم *** ونسـل الغبـيني مـن قـديـم مقـاديـم
حمدان وسعـيدان هـاك الصـواريـم *** وحسـن ورابعهـم سلايــل دخيلان

لهـم الـمـثـل كـلـمـة عـطيـة غبـيـني *** ومن يفعـل المعـروف علمـه يبيني
مقـدمهـم ابـن غبين طلـق اليـمـيـني *** والهزبر من كبارهم وابـن عـرنان

والخرصة الشجعان والنعـم بالـروم *** اللابـه الـلي بـالـلـقـا تـنـطح الـقـوم
عوق العديم اللي غـشى كبده الزوم *** حريبهـم من خوفهـم بـات سهـران

وأن جيب طاري الروم نعم البديده *** مـنهـم ضنـا مـزرع ولابـة لحـيـده
ومـكـاثـرة ضـد الـعـصـاة الـعـنـيـده *** وضنا عربان اهل المفاعيل عربان

مقدمهم ابـن مهيـد وابـن قعـيشيش *** وابن غبيـن بـدور حمـر الطرابيش
شيخ الجهامه مقـدم الخيل والجيش *** نايف ونسـل دهام والشيخ جدعـان

وأذكـر ضنـا معـلا رجال السبيعـات *** اهـل المكـارم والخـصال الحميـدات
منهـم عيال عبيد وأيضا البطـينـات *** مقدمهـم ابن هـديب والشـيخ راكان

ومـن البطيني عـد نـسل القـمـاصي *** منهـم رحـمـه ينطحـون الرصاصي
وسحيـم فرحـة كـل عـاني ونـاصي *** وحسين من عقبه عميره وخمسان

ومصاربـه خلفـة عـزيـز الطـنايـب *** أولاد مـانـع مـتـعــبــيـن الـركـايــب
وصعيب مرويـن الغلب بالحرايـب *** وناجم وغانـم فعلهـم صـدق وكـدان

وعـيـال عـلي النـافـليـن الـرساليـن *** منهـم شفيّـع يـوم الأكوان صلفـيـن
وعجـلان والقـاسم رجـال عزيزيـن *** وخشتـه ومنهـم سلايـل هـويشــان

وأخبرك عن هل الفعول المواهـيب *** نقـوة رجـال وحافظيـن المواجـيـب
نـذكـر بـدايـدهـم ثـلاثــه بـتـرتـيــب *** سـبـيـل وعــقــلا ولابــة عـلـيــــان

عـبـود مـن نـسلـه دوام ومحـامـيـد *** ومسكـا وعـبادات من ثـرثـة عبـيـد
وبـيـايـعـة ورمـاح نـعــم الأجـاويـد *** وحمود نسـل العــود والكـل سبعـان

خـلـفـة مـحـمـد طـيـبـيـن الـمـعـالـم *** مـــوايــقــه مـاراعـهــم كــل ظـالــم
غـثـامـره وأيـضـاً محـلـف وسـالـم *** مقدمهم ابن هديب مـن نسل فرحان

نعـم الرجـال إلـى تـناخـوا محـاميــد *** خلفة مبارك مع ضنـا عاتـق وعيـد
من قـاسم المنعـور صفـوة أجـاويـد *** ونعـم بضنـا غـوقـان لابـة كويـران

ومـسـكا مـا يـعـطـون حـق لطـلاب *** تشهد لسابق فعلهم عصم الأشناب
مـقيـبـل ونـوابـغـه ريـف الأصحـاب *** ونـعـم إلـى عـدوا مسيـب وعلطـان

وأخـبـرك عن هـل الشعلا العـبادات *** خـلايـف سعـيّـد وجـمـع الـذيـيـبـات
ومـن خلـفـة سعيّـد بـدايــد وفـندات *** عنـد الشـدايـد كلهـم ربـع وأعـوان

وبـيـايـعـه منـهـم مـويـنع وصـياح *** عيال مقبـل بـاللـقـا تـهـدي الأرواح
يـوم الفخر والطيب بسيوف ورماح *** الكـل مـنهـم كـنـه الـنمـر ضرمــان

ورمـاح مـن نسله قعيشيش وربيـق *** إلـى أعتلـوا فوق البكار الهـداليـق
يـوم الـنضى ينحـونـهـا بالمساويـق *** شجعـان مـاهـم بالملاقــاه شـردان

وأخـص بالـذكـر الـدوام المزاهيـف *** منـيـع وجـريبـيـع مـاهـم هـذاليـف
ومناع معروفين مـن دون تعـريـف *** وضويعـن اللي بالفخـر علمهم بـان

وحمـود نسـل العـود شـانـه كبيـري *** عـريـف من عقبـه ومنـه الوثيـري
جـاب الـرجال الـلي تـضـد النحيـري *** غـريس وهـديب المسمى وسلمـان

وكان لقبـايـل صفـوة عبـيـد عـديـت *** عـد الـرجـال النافـليـن الـزنـاتـيـت
اللابـه الـلي بـالمراجـل لهـم صيـت *** لابـة هـل الجـدعـا سلايـل سليمـان

قـبـايـل يـوم الفـخـر بـالفـعـايــل *** حاميـن من خيـبـر لبـيـضـا نـثـايــل
أهـل الحـمـيـة صـفـوة أولاد وايــل *** ضنـا عـلي وأيضـاً سلايـل عـلـيـان

ضـنا عـلي الجعافـره فضل وفضيـل *** وعـيـال صقـر بالـلـوازم حـلاحـيـل
وقناص عقبه تتعب الجيش والخيل *** نسـل اليـمنـي بـالأكـاويـن فـرسـان

صقـر بـن علي من عياله ضنا دليم *** منـه الضريـفي والعـويفي صواريم
ومبـارك وراجـح قـروم الشغـامـيـم *** ومقاطعــه وشعيـل وعيـال نـمـران

وثـاني عـيـال دلـيـم مـاهـم خـفييـن *** مطـارده دايم على الخصم قـاسـين
بـلاطحـة وأيـضـاً رجـال المغـاريـن *** وعـيـال سالـم مـن سلايـل ضعـيـان

وأعد عـقب فضيل عمري ومحمود *** وعيال عمري ما مشوا درب منقود
قراوعـه ورشيـد مـن مارث أجـدود *** ومفضي اللي عزوته نسـل هـبـدان

رشيـد من عقـبه هـل السلم والـنـام *** مريحـم وعـازم شريـفـيـن وأكــرام
وشـويـهـر ولابـة صـواريـم عــزام *** وجـريـده وايـضأ خـلايـف جميعـان

وأذكـر سلايـل عـيـد نعـم القـراويـع *** جـهـيـني ومـقـبـل رجـال بـواتـيـع
مرخيـن بـاللقـوات حبـال المصاريع *** عوق الدود إلى غشى الكبد غـثيان

وخـلايـف مـفضي رجـال الهـباديـن *** من مارثـة عـمري قـروم عـزيزين
ثعـلي ولابـة سيـف سقـم المعـاديـن *** وحمـود وسـعـيّـد وخـلفـة ثـنـيـان

وضواوية حصن الرجال النـواهـيـم *** الحـمـد الشجعـان ما تـقـبـل الظـيـم
وعـيـال حسـن والـقـروم الـدلاهـيـم *** عـدوهـم قـلبه من الغـبـن مرضـان

ولا السهول اهل الفخر مارثة سيـف *** عيـال فايـز تكـرم الجـار والضيـف
وعيال عيد الحيص زبن المخاويف *** وكليـب من عقبـه هل الفعـل نطلان

واليمنه الشجعان مـن عقـب قناص *** لا ثـار بالـهـيـه مخـابـيط رصـاص
الـلي يلاقـي جمعهـم بـاللـقـا حـاص *** ونعم بضنـا عـمـري ولابـة دبـيــان

وفضل مبيـد الضد في رمح وحسام *** دخـيلهـم عـنـد الملازيـم مـا أيـضام
ولابـة فـضل منـهـم مقشعـر وتمـام *** ضـد الحـريـب إلـى تـلاقـوا بميـدان

وضنـا عـليان أهـل العـلـوم البعـايـد *** غضاوره صافيـن من نسـل عـايــد
وخـمشـه وسلـمـات يـوم الـشـدايــد *** سقم الضديد اللي من الغلـب طنيان

وعـايـد سليلـه عـيـد أيضاً وعــوده *** لـهـم فـعـايـل مـن قـديـم أمحـمـوده
وعيد أنجب المانع وغانم أعضـوده *** وغـوينم اللي جاب مفلح وحبشـان

ومـن مارثـة غانـم إبـراهيم وفجيـر *** ومانع نجب نسل الكليخ المصاطير
وسعـالـوه نـعـم الرجـال المشاهـيـر *** والمقالـيـب وكـل مـا قـلـت وكـدان

عـوده زبون الجاذيـه صفوة العـود *** جـاب المنـاور والـفحـاميـن ووفـود
وعيال عـنبـر ماكـر الطيب والجـود *** أيضاً ومـن عـودة سلايـل ربـيعـان

وخمشـة الشجعـان ربـع عـزيـزيـن *** يـا مـا بهـم مـن طيـبـيـن الغـلامـين
شواقـيه وعـيال حـربـي مـع قريـن *** وصوامله وأذكرهـل المجـد قعـدان

والسلمات اهـل الطعـون المعاطيـب *** نـقـوة رجـال بـاللـقا تحـمي النـيـب
ضـحـوه وعـوامـره وايـضـاً كـليـب *** ربع الشقاوي كاسب الطيب فرحان

هـذا كـتـابـي فـي يـمـيـني كـتبتـه *** وحـظي عـلى ظلم البشر مـا جلبـته
هـدفـت لـلحـق الـمبـّيـن وأصـبتـه *** واللي يبي يـرضي المخاليق تعـبان

بـسم الكـريـم خـتـام قـولي ومـبداي *** بالـقـافـيه وضحت قصدي ومعنـاي
وأستغـفر الله سامك العرش مولاي *** الـواحـد الـلـي لـلـمـخـالـيـق ديــان

وختامهـا صلـوا عـلى سيـد الـناس *** المصطفى دينه على الخلق نبـراس
طالبـك يـارب المـلأ تـذهـب الـبـاس *** ومـن طاع ربه منزله عند رضوان

10-27-2018, 06:35 AM

* ومن منظومة الملحمة الوائلية الكبرى التي تبلغ 500 بيت هذا المقطع :

بالشعـر عـبـرة للـوجـيـه السفيـره *** راكـان أبـن حثـليـن جـاد اتعـبيـره
الهـرج يكـفي صـاملـه عـن كثيـره *** مـا قـل دل وزبـدة الـهـرج نيشـان

وضحت لمحه عن أمجاد العنزتين *** وأولاد وايــل عـن مديحي غـنييـن
أقـولـهـا ولاهـم لـك الـلـه خـفيـيـن *** قـبـايـل بـيـن الـقـبـايـل لـهـم شــان

ولا الـعـرب كـلـن بخـيـص بحـالـه *** والمـاضي المـقـفـي بـعـيـد مـنـالـه
وكم من عديم شال واقفـت رحالـه *** سبحان ربي سامك العرش سبحان

سـبـحـان ربـي زال دولــة أمــيــه *** وخـلايــف الـعـبـاس مـالـه بـقــيــه
ودولـة بني عثمـان راحـت سويـه *** ودولـة بـني مـدان وملـوك غـسان

والمنـذري ما كـن مـرت لـه أذكـار *** الـلي بنـا قصره عـلى دور سنمـار
وجـنـات عـدن مـا بـقي فـيـه ديّـار *** ولا دامـت الـدنـيـا لـتـبـع وهـامـان

يـا مـا هـفـابـه من مشايخ وحكـام *** احداثهم راحت كما اضغاث الأحلام
زالوا بني فرعون وملوك الأروام *** وين القياصر وين كسرى وشروان

هـذي نصيحة تركـوا كـل مـا فـات *** وخوفوا من الله لا تسبون الأموات
الهـرج شوك الكبد يـرث حـزازات *** والناس عنـد احقـوقها دوم قشران

من خلقت الدنيا بها اجـواد وأنـذال *** الـلـه جعـل الناس اجناس وأشكال
ولا من غـديـر كـود تلقـابـه احثـال *** ولا فـيـه عـودٍ ما تجـد فيـه دخـان

والـلي يـريـد يـعـدد المـجـد تـعـداد *** يلقـا المفاخـر مـن مفاعيل الأجـداد
مثـل الكرم للضيف لا نوشح الـزاد *** حاتم وحجرف ثـم تـركي وجدعان

والصبر في رفق الخوي والأمانـه *** مـثـل الشلاقي بـان بالـنـاس شانـه
قـصـة خـويـه يـوم يـذكـر احسانـه *** الـقـرم شـيـال المحـامـل بـلـيـهـان

تـرى الفخـر يا مـدوريـن الحقيـقـه *** ما هو الشقيق اللي يحارب شقيقه
قـصـة عبكـلي يـوم يـنـقـل رفيـقـه *** فـازوبـهـا كسابـت الطيـب شلـقـان

ولا المـهـادي يـوم يصـبـر لـجـاره *** طاب وصبر والطيب ماهو خساره
ولا زالـت الأجـيـال تـنـقـل أخـبـاره *** وتعـتـز بأفعـالـه شغـاميم قحـطـان

ولا مصـوت بالعـشا يـوم جـلغـيـف *** حاكم كريم الكف هومكرم الضيف
مفاخـره مـاهـي هـقـاوي وتزييـف *** الشيـب تمليها عـلى اسماع شبـّان

ومنها قولي :

لابـة هـل الجدعا يقصون الأعنـاق *** وقت اللزوم اعضودهم جمع دلاق
مع لابة الفدعان في نشف الأرياق *** جمع العبيدي طبعهم قطع الأوتـان

جمع العـبـيدي مبعـديـن المحاويـل *** واسنادهم عمار من صفوة سهيـل
وبني وهب واجلاس مابه تجاهيـل *** مـن قبلي الحـرة إلى حـدود لبنـان

ومنها قولي :

أمـدح فـعـايـل لابـتـي والـسـمـيـــه *** ولا أسـب والـلـه عـزوة الشمريـه
شمـر هـل الطولات مـا هـي خـفيـه *** شمر رفيعه عـن مهاريج الأطمان

وشيـوخ شمـر مـا كـمـيـنـا افعـالـه *** والـنعـم بالجـربـان هـم والطـوالـه
وأشبـال ضيغـم حـايـزيـن الشكالـه *** والـربـع والتميـاط ثـم أبـن حسّـان

والنعـم بالبـاشـات هـم والعـواصي *** زبن الـمجـنى يــوم جـز النـواصي
وأبـن رمـال معـز مـن جـاه ناصي *** وأبـن العجـرش والحـدب والثـنيان

وأبن نهيّـر والشجاع أبـن جبريـن *** وأبن شـريم سطام وجـه المعاديـن
وأبن عجـل شيخ مضالـه براهيـن *** والكاسب المعروف ثم أبن هرشان

وأبن القعيط الشمري وأبن سوقي *** وأبن الصديد اللي للأضـداد عـوقي
وأبن علي شيخ عـريب العـمـوقي *** مـن دور عـلي الـيا حفيده بعيجـان

والقشعمي شيخ المشايخ مدحنـاه *** وأبـن خـلـيـل الضيغـمي ما نسينـاه
وأبـن غشم شيخ عـديـم ولـه جـاه *** والشيخ قيدوم الجموع أبن وجعان

وأدخل علي الله ما نسينا الصناديد *** عبدالـله المسطور بالفعـل وعـبيـد
والشيخ أبن رمـان نسل الأماجـيـد *** وأبـن دليمي والشجاع أبـن زيـدان

ونـعـم بـزوبـع والـقـروم الطـنـايـا *** وغـلبا وسود الروس هـاك الشفايا
وأهـل اللحيسة يـنطحـون المـنـايـا *** لهم الفخر موروث من دور كهلان

نعـم بـشـمـر طـيـبـيـن الـفـعـايــــل *** صايح وزوبـع كـاسبـيـن الـنـفـايـل
وجمع الخريصي مابهم قول قايـل *** وعـبـده وسنجاره وأسلم وتـومـان

قـلتـه وأنـا مـا جبت للسب طـاري *** مـن حـمـد رب الكـون للحـظ أداري
مـدحـت شمـر دايسيـن الخـطـاري *** سور الجبل واحمات سلمى ورمان

ومـن سـب خلـق الله يجازيـه ربـه *** وراعـي المسبـه نكرهـه مـا نحبـه
مـن خلقتي ما قـلـت هـرج المسبه *** عـن الخـطـأ أوزن كـلامي بميـزان

مدحت الـلي يستاهلـون المـديـحي *** وبديت بالقـول الصمـال الصحيحي
اللابـة الـلي يـنطحـون النـطــيحـي *** يوم الحرايب تروي الرمح والزان

أدرى البخت وأخشى كلام المناقيد *** ولا أريـد اجاري كل قول القواصيد
أعـد هـرج مـضبـطـيـنـه بـتـوكـيـد *** ولا اقـول زورٍ بالحـمايـل وبهـتـان

والـلي يسب الـنـاس يـاقـع ابـغـبـه *** شـال الـمـخـازي والـرذايـل بـعـبـه
وأن كـان مـا تـرك غــواه وتـنـبــه *** نعـطيـه بالـواقـع حقـايـق وبرهـان

واللي سمع يشهد لقول أبـن عــبـار *** عن الخطأ ينصح بهرج له اثمار
والـلـه مـا سبـيـت وافـيـن الأشـبـار *** والشاهد اللي عندهم دين وأيمان

امـدح بـني وايـل سـلايـل اجـدودي *** وشمر لهـم فعـل قـديـم امحمـودي
ما اسبهـم والنـاس لـيـه اشهـودي *** نعوذ بالـلـه من غضب كل شيطان

الـكـذب بـاطـل والـمـسبـه حـرامـي *** وأبـن الحمايـل ما يطـوله مـلامـي
والطيـب الـلي ينتبـه عـرق سـامي *** مـا هـو جـحـود وللجـمـالات دفـّان

فـنـدت زعـم الشامـتيـن المـقـاريـد *** حتى ايتعـدل من تعاوج عن السيـد
هـذا الـوكـاد وقـالـهـا قـبلنا عـبـيـد *** عيب على اللي يختفي عقب مابان

أمـدح بـقـافـي كـل عـبـده وصايـح *** حـمـايـة الـخـلـفـات يـوم الجـوايـح
والـلـي يـدور الـعـايـزة والفـضايح *** هـذاك مـا عـنـده ضـمـيـرٍ اوجـدان

وأبي أنشـد العـقـّال وشـو خطـايـه *** مـن سـاس مـبـدأ قـافـنـا للـنـهـايـه
والـلي يعـرف الحـق يـفهـم لغـايـه *** ومعـنـا كـلامي يفهمـه كـل فهمـان

اخشى عقاب اللي على الخلق قهار *** ماريد غرات الملأ وكشف الأسرار
واللي سمع منطوق لفظ ابن عبـار *** لا بـد يـذكـر كـلـمـة الحـق لا هـان

هـرج الـمسبـه مـا لـنـا بـه عـوايـد *** سجلت من فيض القـريحة قصايـد
ونظمـت جـزلات البـيـوت الجـدايـد *** قلت الجواب اللي كما نظم مرجان

واستغـفـر الـلـه كـان بالقـيـل زلات *** غـرفت قيلي من بحور المحيطات
تـسـعـيـن خـزان بـفـكـري مـلـيـات *** لا غـاض خـزان يـفـيـّض بـخـزان