بسم الله الرحمن الرحيم

السلام عليكم ورحمة الله وبركاته
لقداعجبتني هذه القصيده من قصائد الشاعر عبدالله بن عبار
ويسرني ان انقلها لكم فتقبلوامني فائق الاحترام

قال عبدالله بن دهيمش بن عبار العنزي هذه القصيدة يثني على

غازي ‏الجربوع الهبداني العنزي :‏

هاض الفكـر بالقافية والقـلم طـوع =وذكـر الـكـريـم أقــدمـه بـالـبـدايــه ‏
طرى على بالي من الشعر موضوع= نطـرق مجـالـه مالـنـا فـيـه غـايـه ‏
غازي ظهرله علم بالطيب مسموع = المـكـرم الـلـي بالـكـرم لـه فـوايـه ‏
يستاهـل المدح الكريم أبن جربـوع=بالطيب وأفعـال الصخى له هوايـه ‏
فيـه الكـرم بالسلم والطبـع مطبـوع =يـكـرم ولا قـصـده يـدور الدعـايـه ‏
من عرفتي له ما مضى مدة أسبوع = ألا زهــم لـلجـار تـجـي لـعـشـايـه ‏
لـو هـو عـلى هـداج أو عـد ميقـوع =يمديـه غـار من أعتـراك السقايـه ‏
القـرم مـا رافـق من الناس منـزوع=عسى الـولي ياقـاه مـن كـل سايـه ‏
كيف النشاما وكل ما تريد من نـوع = رهـن الطلب عـلى مـزاجـه ورايـه ‏
الـهـيـل والـبـراد بـالـعــود مـتـبـوع=مـع خـاطـرٍ ربـه عـطـاه الـهـدايـه ‏
الوايلي في شخصه الطيب مجمـوع =بالمجـد أخـو ملحـه بنا لـه بنـايـه ‏
أمـدح ولا أدوّر مـن الـمـدح منفـوع= ومن قـال أنا مخطي يبيّن خطايـه ‏
يستاهـل التمجيـد مـن طـال له بـوع=راعي الصخى له عـند ربه عنايـه ‏
بـاب أخـو ملحـه للمسايير مشـروع= غـازي كـريـم ولا بـطيـبـه روايـه
أبـوه يكـرم يـوم كـان الـزمـن جـوع =ويذري ويحجي من عليه الجنايه ‏
واليوم صارت كنهـا شـرب قرطـوع= العـيـت يـجـدع زودهـا بالـنـفـايـه ‏
والطيب مثل الغرس بالقاع مـزروع= وبـذر الصبخ ما ينحصد بالنهايـه ‏
والناس تلقا بصاحب الطيب مطموع=يبـذل حلالـه دون عرضه حمايـه ‏
وكلن يبي فـوق العلا يصعـد أطلـوع=لا شـك مـا أيفيـد الكسير الحبايـه ‏
من قـل ماله عـن هوا البـال ممنـوع= والـعـجـز يـرث لـلبـعـيـر الخلايـه

وسلامتكم

الله يسلمك يالرحبا أجزلت عز الله وسلمت ولا ندمت ويستاهل راع الصخى والطيب قولة نعم فيه ..

وصح لسان شاعر ومؤرخ قبائل ربيعة وفقه الله على هذه الأبيات التي تستحق والله أن تكتب بماء الذهب ..

والله يجعل كل دار لها بذار ولا يقطع الأجاويد .

والنعم والله وسبعين نعم بغازي الهبداني وفيك ..

والله والنعم بالمادح والممدوح والشاعر العلم القديرعبدالله عبار له باع طويل بمدح من يستحق المدح


شكرا على احضارك الجزل من القصيد والمعانى الوافيه

تقبل مرورى واحترامى يالرحبا

اقتباس : المشاركة الأصلية كتبت بواسطة محمد بن دوهان [ مشاهدة المشاركة ]

الله يسلمك يالرحبا أجزلت عز الله وسلمت ولا ندمت ويستاهل راع الصخى والطيب قولة نعم فيه .. وصح لسان شاعر ومؤرخ قبائل ربيعة وفقه الله على هذه الأبيات التي تستحق والله أن تكتب بماء الذهب .. والله يجعل كل دار لها بذار ولا يقطع الأجاويد . والنعم والله وسبعين نعم بغازي الهبداني وفيك ..

محمد ابن دوهان
يسعدني ويشرفني مرورك وسام على متصفح اختك
فعلاوقولاشعر بن عبار درر فاينماقال الشعر قاله بانتقاء وبدون خيال
الاوهومن يقول الشعرالذي يدخل قلب القاريء بدون اسفاف
شكراجزيلا لك اخي
مودتي

اقتباس : المشاركة الأصلية كتبت بواسطة فرحان بن مساعد بن نومس [ مشاهدة المشاركة ]

والله والنعم بالمادح والممدوح والشاعر العلم القديرعبدالله عبار له باع طويل بمدح من يستحق المدح شكرا على احضارك الجزل من القصيد والمعانى الوافيه تقبل مرورى واحترامى يالرحبا

فرحان بن مساعد بن نومس
ومنك اخي الكريم كل التقدير والاحترام
اسعدني وشرفني مرورك تاج عل راس متصفح اختك
وابن عبار الله يطول باعه اكثر واكثر انشاءالله عساه الصحه والعافيه
شكراجزيلا لك اخي
تحياتي احترامي

مع الشكر الجزيل للأخت الرحبا وأبو عبدالرحمن يستاهل وقد رد صالح بن سالم القروعي الجعفري بهذه الأبيات :

* وقال صالح بن سالم القروعي هذه الأبيات مجاراة لقصيدة عبدالله بن دهيمش بن عبار :

لقيـت قـافـك يا أبـن عـبـار مطبـوع *** هـرجك عـلى معـنـاه مـابـه روايـه

سر يا قلم وأكتب من الشعر مدفوع *** لغازي بن جربوع تر ما انـت تايـه

لا جيـت يمـه كاسـر البيـت مرفـوع *** الطيـب لـه من ساس جـده حظايـه

يقصر عنه ولد الردي قاصر البوع *** ولـد الـردي بايـه ومن ساس بايـه

يشره ولا أيشره وداره بها أقطـوع *** مـا فـيـه خـيـر وجـالـسٍ لـلـزرايـه

هـذاك ودك بـيـن الأجـواد مجـبـوع *** من شان ما يبقا على الناس سايـه

ولا ولـد جربـوع طـيبـه لـه أفـروع *** يشيـل حـمـل الـلي بـرك بالحـوايـه

ما هقوتي طيبه عن الناس مشفوع *** وكلـن عـلى ما قـيـل يـدلـي بـرايـه

الـبـاب دايـم لـلـرجـاجـيـل مشـروع *** يضحـك احجاجه والطبايع اهـدايـه

الطيب صبر ولا أدركه كـل منـزوع *** الـلي عـن الـلازم تجـيـه الغـضايـه

شوق اللتي يزهالها الوشم وأردوع *** مـثـل المهـا لا عـرضت بالعـبـايـه

الله يعطيك الف عافيه على هالنقل الطيب وابن عبارمدرسه لشعروفخرلكل عنزي خاصه ولكل العرب عامه وابن عبارقول وفعل واكيدمن كتب فيه القصيده يستاهل شـكــ وبارك الله فيك ـــرا لك ... لك مني أجمل تحية .

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

مع الشكر الجزيل للأخت الرحبا وأبو عبدالرحمن يستاهل وقد رد صالح بن سالم القروعي الجعفري بهذه الأبيات : * وقال صالح بن سالم القروعي هذه الأبيات مجاراة لقصيدة عبدالله بن دهيمش بن عبار : لقيـت قـافـك يا أبـن عـبـار مطبـوع *** هـرجك عـلى معـنـاه مـابـه روايـه سر يا قلم وأكتب من الشعر مدفوع *** لغازي بن جربوع تر ما انـت تايـه لا جيـت يمـه كاسـر البيـت مرفـوع *** الطيـب لـه من ساس جـده حظايـه يقصر عنه ولد الردي قاصر البوع *** ولـد الـردي بايـه ومن ساس بايـه يشره ولا أيشره وداره بها أقطـوع *** مـا فـيـه خـيـر وجـالـسٍ لـلـزرايـه هـذاك ودك بـيـن الأجـواد مجـبـوع *** من شان ما يبقا على الناس سايـه ولا ولـد جربـوع طـيبـه لـه أفـروع *** يشيـل حـمـل الـلي بـرك بالحـوايـه ما هقوتي طيبه عن الناس مشفوع *** وكلـن عـلى ما قـيـل يـدلـي بـرايـه الـبـاب دايـم لـلـرجـاجـيـل مشـروع *** يضحـك احجاجه والطبايع اهـدايـه الطيب صبر ولا أدركه كـل منـزوع *** الـلي عـن الـلازم تجـيـه الغـضايـه شوق اللتي يزهالها الوشم وأردوع *** مـثـل المهـا لا عـرضت بالعـبـايـه

عبدالله بن عبار
هلابك زودمايكفي انت قمة في الشعرالنبطي الله يعافيك
وصح لسانك ولسان صالح بن سالم
اسعدني مرورك واشادتك بنقلي لقصيدتك واسعدني اكثر اضافتك للرد الذي رده على قصيدتك
صالح سالم القروعي لاني سمعت انه في احد رد على تلك القصيده لكن ماوجدته
انت موسوعه للجميع بارك الله في عمرك على الخير والبركة واكيد ان غازي الهبداني طيب
وانت اطيب اجدت بتلك القصيده الخالده بافعال ذلك الرجل الطيب
جزاك الله خير
مودتي واحترامي لك

اقتباس : المشاركة الأصلية كتبت بواسطة الشاعره بنت الربيلي [ مشاهدة المشاركة ]

الله يعطيك الف عافيه على هالنقل الطيب وابن عبارمدرسه لشعروفخرلكل عنزي خاصه ولكل العرب عامه وابن عبارقول وفعل واكيدمن كتب فيه القصيده يستاهل شـكــ وبارك الله فيك ـــرا لك ... لك مني أجمل تحية .

الشاعره بنت الربيلي
الله يعافيك يالعسلاء اسعدني مورك
وابن عباررفعة راس لجميع القبائل العربيه ولعنزه خاصه
حاميه ربي
تحياتي اختي

اقتباس : المشاركة الأصلية كتبت بواسطة الرحبا [ مشاهدة المشاركة ]

عبدالله بن عبار هلابك زودمايكفي انت قمة في الشعرالنبطي الله يعافيك وصح لسانك ولسان صالح بن سالم اسعدني مرورك واشادتك بنقلي لقصيدتك واسعدني اكثر اضافتك للرد الذي رده على قصيدتك صالح سالم القروعي لاني سمعت انه في احد رد على تلك القصيده لكن ماوجدته انت موسوعه للجميع بارك الله في عمرك على الخير والبركة واكيد ان غازي الهبداني طيب وانت اطيب اجدت بتلك القصيده الخالده بافعال ذلك الرجل الطيب جزاك الله خير مودتي واحترامي لك

احييك اخي الكريم ابن عبار مره اخرى على هذه القصيده الجميله
ويستاهل غازي جربوع الهبداني ماوصفته من طيب واخلاق وحسن منبت
ليس غريب عليه انشهد انه زبن الوليه ليامنها زبنته قال لعيناك وقليل بهالزمن مثله وشرواك
ماتهون ياعساك تستاهل العافيه
يامال العافيه ياعبدالله يابن عبار الى الاعلى دائما وابدا
دمت بخير سيديا