هذه القصيده قلتها مشاركةً مني بحمله عتق رقبة عبدالله مبارك البجيدي العنزي
المحكوم قصاصا الا بدفع ديه وقدرها اربعة ملايين ريال نسئل الله ان يسهل على
والده جمعها ويتم اطلاق ابنه وتنزال هذه الغمه عنه وعن اسرته وهو يامل مــن
الجميع مد يد العون والمساعده من المحسنين واهل الخير عموما ومن ربعه قبيلة
عنزه خاصه ونسئل الله ان يجزل الاجر والمثوبه لكل من ساهم في اعتاق رقبته
من القصاص
كما انني اشكر اوليا الدم الذي تنازلو عن حقهم بالقصاص وان يعوضهم الله
بفقيدهم خير العوض
---------------------

ندى لفعل الخير والاحسـانـي =للي بعيد وللقــريـب الـدانــي
واخص فيها ربعي الويـلانـي =الي لـفـعـل الطـيـبـه ســباقه
ياربعي الويلان مـن عـادتكم=اغـاثـة الملهوف مـن شـيمتكم
واليوم ياربعي نبي فـزعتكم=ياللي لـكـم فعل الجميل عشاقه
تكفون ياربعـي عقب عنازي=يافزعت المظيوم والمعتازي
عيال وائـل نصرة المتوازي=اللي نصيبه للمصيبه ســاقه
ياعيال وائل طيبين الساسـي = ياعيال وائل ياعصابة راسي
يالي لكم فعل الفخرنبراسـي = ياهل المفاخر محتمين الساقه
ابناً من ابناكم نزل قصاصـه = علما مؤكد مانقول خــراصه
والـيـوم وقفتكـم بها خلاصـه = نبي نسـاهـم كلنا باعـتاقــــه
عبدالله مبارك من هـل البلها = بجـايـده ياربع مـانـجـهلها
قوما بنت بالطائـله مـنـزلـها = اهل الكرم يوم الطعام شفاقه
مادام هي ياربعنا بالـمـالـي = نجود عند اللازمـه بالــغـالـي
يبقى الاجر والمال للزوالي = ولاخاب من يطلب رضاخلاقه
ابـوه بـاع الـي وراه ودونـه = حمله ثقيل الله يـقـوم بـعـونـه
تكفون يالويلان لاتـخـلـونـه = مـن دونكم ماله بحمله طـاقـه
ابـوه وامـه يرفعـون ايـديهم = يرجون لحظات الـفـرح تاتيهم
يرجـون يوما ينطلق غاليهم = الله يـفـرحهـم بـيـوم اطـلاقـه
يالابتـي ترى البـلاوي تبـلا = ســـود اليالي بالمصايب حـبلا
كـم خيراً فـي شـر بقعا يبلا = لـو كان مـالـه بالقضيه ناقـــه

مع الشكر الجزيل للأخ الشاعر طالب الونيس السلمي على هذه القصيده التي يحث بها رجال عنزه الكرام للتكاتف والفزعه في الملمات وكسب الأجر والثواب ومع الشكر والعرفان لكل من ساهم في معونة والد العتيق نعيد نشر رقم الحساب بالتبرعات وهو كما يلي :

الشاب عبدالله بن مبارك البجيدي العنزي أعفي عنه من قبل صاحب الدّم جزاه الله خير ونظراً لأن الدفع في أعتاق الرقبّة أجر وغنيمة وتكاتف قبلي وأنساني والثواب من الله فأن حملة التبّرع للمساهة بأكمال الدية يكون الدفع على الحساب 340608010192812على حساب أمارة القصيم وجزاء الله خير كل من ساهم لوجه الله