من يشرح معانيها

المسعودي :


سلام من هاجسٍ ما اختلف نوعه
لو كل الأيام تخلف حلاياها
والموهبة شي والعلم شي ثاني
سيلك بلا نوّ يا نازل الوادي


يا قاضياً حكمته من تحت كوعه
من لا يَعَرْف الصقور ايتشواها
كم اكلت النار من صقر شيهاني
والريم ترعى ورى الضلع من غادي




مستور :

عداد ما شعشع الصبح بطلوعه
يا مرحبا من هجوسٍ بمعناها
إن كان جاك الخبر فالخبر جاني
من صدر مهتاض ما جيت نشادي


اللي يبا يدحم الضلع بضلوعه
خطر ٍ عليها من الضلع يرزاها
ليش العوى ليش ياذيب سرحاني
عنّيت نفسك وعنيت الأجوادي

المسعودي : ـ

يا خيال يابرق يارعود مسموعه
لكنّ ما يشرب الطير من ماها
مابالسنه حب خوخٍ ورمّاني
والحال ما يسمن إلا من الزادي



مجنون ليلى سقى الرمل بدموعه
عشرين ليلة وليلة ما يلقاها
البطن جيعاني والطرف سهراني
والراس مرشوش بالورد والكادي



مستور :


كلاً جوابه على قيس موضوعه
واللي كتبها عرف كيف يقراها
أنا على الدرب محدن تعداني
أحرص من أبرص وبادي ورى بادي



الضحك للضحك والحرب بدروعه
واللي على البال مدري وش اطراها
جاكم نبا من سبا يا سليماني
أوحيت مرسوله ايصيح وينادي



المسعودي :


لي حاجةً مادري وين مرفوعه
والسارحه صبح يا بعد ممساها
المرّ فالقلب والحلو بلساني
والبغض بالعين والحب بفوادي



ايعيش نفرين ويموت مجموعه
وتصير كرامته دين للحاها
والله يا لولاي لولاي لولاني
لا قول يهديك رب السما الهادي


مستور :


يد الحرامي من الكوع مقطوعه
والسارحه صبح ياسرع مضواها


السر لو اعرفه وافهمه ماني
بياح الأسرار جراح الأكبادي



يا شاعر اهذيل ما فيه مطموعه
أنت ابن مسعود منته ابن طاها
لا تقعد اتقليَ اهذيل جداني
وآعوّد آقلّك اعتيبه اجدادي