(( يازيـــن جــــو البـــــاديــــه ))

يـازيـن جـــو البــاديـه يـا اســـماعيـل = ذكــرتنـي بــه يــوم ســــولفــت عنـهـا
مـن جـوّها تشـــفى الكبـــود المغاليـل = وهنيــت انــا اللـي مـن قـديــمً ســـكنـها
احــب انـا بـيـت الشــــعر والمعـاميـل = واعشـــق ســــنا نـار الحطب مع دخنها
احـب انـا الــدّله وصـف الفنجـاجيــل = وجمعــــت نشـــــامــا مـا يُقـــدر ثـمنـها
قــرومً لهــم بالطيـب ســلم ومداخيـل = وكلــن مـــواريــد النشــامــــــــا ظمنـها
وخـروفً اشـقر من خيـار المهاجيـل = تــــــوّ النشـــــامــا قلطـــوه ابصـحنــها
ما شــح به نسل الرجــال المشـــاكيل = يــوم الـردي دس الفلــوس وخــــزنهـا
لياشفت زوله قلت شــيخ الرجاجيــل = وســوالفـه باقـــوى الدلايـــل قــــرنهـا
وهي بالحقيـقه ؟ قرقـعه فـي براميـل = ونـدري تـرى عــرف الـرجـال امعـدنـها
والمرجـلـه سـاس الفخــر والتنـافيـل = وعــزي لـرجــلً فــي حيـاتـــه دفنـــهـا
وكـم واحـدً يبغـى المـدايح محاصيـل = يســــــــعـالهــا فــي ســــّرهـا وبـعلنـهـا
لــه ربـعـــةً تـــزدان فيــها التـعــاليـل = تـغنيـك عـن قــرب الخبـــول وعـفنـهـا
وسوالف اهل الطير والهجن والخيـل = والبــاديــــــه لااقبــــــل وقفّـــا ظـعنــهـا
واعشق ابيوت الشعّر من نادر القيل = من شـــاعرً جــزل المـعـــانــي وزنـهــا
وحس الربـابـه يجذب القلـب بالحيـل = لاجــــرّهــا مهـلــي وجــــاوب لحنـــــّهـا
وقمـرا تجيـــك انجــومـهـا كالقنـاديـل = وهـبـــوب ليـــلً كـــل نـفـــــسً فـتـنّـهـا
والـذود مـمـرح والبـهــم والمخــاليـل = والروض الاخـضــر كـل نبـتـه حظنـهـا
ونبت البختـري وسط هاك المداهيل = يجـــلا عــن النفــس الشــــــقيه درنـــهـا
وســرحان مـن حـولك يجـر المـواويل = وليــا عــوّى تـــل القلـــوب وشـطنهـا
تسمـع قنيبه من ورى الحـزم بالليـل = ذي مهنـتــــــه مــن خـلقتــه وامتـهنـهـا
واخيرها منهـا العــافيـّه يارجــاجيـل = امــن وآمـــان انــفـوســــــنا في وطنـهـا
اخيــر مــن شــوفات بعـض الازاويـل = فــرض الصـــلاة وتـتـبـعـــهـا اسـننـهـا
وتـــلاوة الـقــرآن بـافضــل تــراتـيــل = والـفجـــر قــرآنــه يـوصـــــل عــدنهــا
وتسبيحـةً عـقب الفجـر مـع تهـاليـل = تجـــــلا عـــن النفس التعيســه حـزنـهــا
مكــــارم الاخــلاق خيـر التفـــاصيــل = ويـا زيـن حــظ اللـي يجــوّد رســــــنها
والعمـر لحظـه والمنــايـا لـــه اتــزيـل = ولا بــد مـا ايلـف الجســـد فـي كـفنـها
ويـالله اتعجــل بـالفـــرج والتسـاهيل = والنـفـس يـالله تــرفـــــع الـهــــم عنّـهـا
محمـــــــــــــد بـــــــــــن ســــــــــــــــــــــــــوعـــــــــــان الــربيــــــــــــــــع

وســرحان مـن حـولك يجـر المـواويل = وليــا عــوّى تـــل القلـــوب وشـطنهـا
تسمـع قنيبه من ورى الحـزم بالليـل = ذي مهنـتــــــه مــن خـلقتــه وامتـهنـهـا


الزميل الشاعر محمد بن سوعان الربيّع صح لسانك وحبذا لو بدّلت سرحان بالقطا والحباري والغزلان والأرانب طالما الموضوع أماني لأن الذيب خطر على الغنم وحالياً صار ياكل الأوادم ولكنك معذور لأن الذيب من مكونات الطبيعه التي تمناها ولكن عواءه غير محبب لأنه يقرن بالحذر والخوف شكراً لك على كل حرف تخطه وقد شوقتنا للبر