السلام عليكم ورحمة الله وبركاته

الصراحة قريت قصيدتين للشاعر مرشد البذال وعبدالله العبار والصراحة اعجبني القصائد ولكن في كلمات بالقصائد لم تحضرني فقلت مالي غير ابو مشغل والمنتدي الرائع

ملاحضة: الكلمة التي لم افهمها حطيت عليها قوسين

قصيدة مرشد البذال

يا من طربك انياح .. كدرت مجروح=طَرْبٍ وهو (تفويح).. جوفه (قدايح)
صفقت (راح )براح .. لحت (النحر)لوح=لوحة يتيم ٍ ليح .. دمعه سبايح
يا القلب (وطرك)راح .. ما ظن له (قروح)=اليوم (بالتشبيح).. مالك صلايح
يوم الدروب اسماح .. والدرب مفتوح=بديت في تفصيح .. قولٍ صحايح
اخذت لي (مشواح).. باسرار وفروح=ركب الغرام (مشيح).. هجنه (طفايح)
لي بالهوىا (ميلاح).. والهم مكسوح=وامْوَقعٍ تصحيح .. حب (الملايح)
قلبي كما (الملواح).. بيدين (طاروح)=من كثر التلويح .. رزقه (توايح)
السد ما ينباح .. من غير (ساموح)=واللي زَرَىا بقريح .. خله يصايح
يلومني من كاح .. شين اللغىا كوح=خبلٍ عطي (تسنيح).. جاك (امتدايح)
تسلي الارواح زاح .. الكدر زوح=حبٍ بلا تبريح .. ما به (بجايح)
لو الهوى ذبّاح .. له ميل و(رجوح)=ولا حدٍ يعيش امْريح .. والعمر رايح
واليوم لي (مصفاح).. عن (ورد)وسروح=الجهل هو (تلقيح ).. غرس القبايح
يوم (الموقر)لاح .. انا وين اباروح=بديت بالتصليح .. والله يبايح
كيف الحوَل يا صاح .. في عذلة الروح = شف لي هدف يا (شيح ).. ذرب النصايح
ما كتب بالالواح .. ما هو بممسوح= اليوم هو توضيح .. عطب الجرايح
من عاش بالافراح .. لابد من النوح=(ساس)بلا تسليح .. خطر ا(للوايح)
والعقل هو مفتاح .. بيبان مصلوح = وينّزِّحك تنزيح .. عن كل سايح
عن ربعة (السفاح).. يا القلب ونصوح=لا تتبعه وتطيح .. ما به ربايح
مثلك ليا من طاح .. خلاه مسدوح =اترك ردي (الكيح).. زين (السنايح)
زبن الرفيق (شناح).. بالطيب له نوح =من ورد عين السيح .. عاف (الضحايح)
نفسه على الامداح .. قد (شاحها)شوح=ذكره مع اهل الفيح .. واهل (البرايح)
خله وراك (سناح).. عن كل (كاثوح)=ينجِّحك تنجيح .. رجل المدايح
كنه (بكرب)(شباح).. للضد(ذرنوح)=صميدع ٍ زحزيح .. عطب (الجوايح)
ليا عذي (المياح).. في جانب (الصوح)=كان الروى (تنشيح).. للدلو مايح
كسب الفخر (بكفاح).. وان طرد (الفوح)=خيالة (التصفيح).. راحوا (قمايح)
من جاكر الارياح .. و(الغزل)منطوح =غلبت هبوب الريح .. في ضرب (لايح)
ترى القشر فضاح .. راعيه مفضوح =جعله معه تسريح .. لاقصى (التنايح)
دايم وهو نباح .. والجيب (مسروح)=ثوبه من التطبيح .. غادٍ (سرايح)
لا تستوي (قداح).. لو كان بمزوح=ما فيه هبت ريح .. مزح الفضايح
من للملا جراح .. لا بد مجروح=جلده من التجريح .. غادٍ (صفايح)
واحذر من (اللحاح).. تراه (مشفوح)=لو كثر التسبيح .. ما من فلايح
ناسٍ بثوب صحاح .. والفعل (مكبوح)=تنهى عن (التوكيح).. وهي (الوكايح)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ

وهذا رد بن عبار عليها بنفس الطاروق


وكتبت بالأصفاح * من خيـر (منضوح)* كان المجال أتـيح * هـاض القـرايـح
قلت الشعـر بأيضاح * من (جم)(قرقوح)* يجري بصدري (سيح)* ماهو (شفايح )
سافر نديبي راح * مع طلعت الضوح * قبـل الشعاع ايسيح * فوق (السفايح)
لا دست له ينزاح * (يبهج)لـك الـروح * الجـمس شـد (جـميح)* كالبـرق لايـح
بالصدق أنا مـداح * والقـرم ممـدوح * يسـتـاهـل التـمـديح * نـال (الـوشـايـح)
يـفـداه نـذلٍ طـاح * والفـعـل مـريـوح * لفـظـه (خـزا)و(تقبيح)* والعـقـل رايـح
من رافق (السرساح)* تلقـاه سرسوح * عـن الـعـلا كـســيـح * مـابـه فـلايـح
ومن جالس (السواح)* جعله (بساموح)* حيـث الـردي قبيح * جـاب الفضايـح
من لا نفع ياصاح * خله عسى يروح * مسكين ياللي تصيح * من فقد (سايح)
ومـن كـثـر الأمــزاح * لا بـد (مـردوح)* يدخـل مـع المـزيـح * لـعـب (وردايـح)
(عـض)البشر(فشاح)* بالكبر (طحطوح)* (يـزوك)نـفسه (تـيح)* وأصلـه(سلايـح)
من لا اجتهـد (بكفاح )* للنفس ناصوح * إبـلـيس لـه(تـسيـيح )* ضـده(أيـدايـح )
تم الجـواب وزاح * عني (الكـدر)زوح * نظـم القريح اصحيح * ماهـو (شلايح )


انتظر ردك يابو مشعل

أخي الكريم القصيدة التي نشرتها ونسبتها لي هي ليس قصيدتي بل هي للشاعر سليمان بن خلف العنزي وسوف أنشر قصيدتي الجوابية على الشاعر مرشد البذال ومع الأسف أنني بديت أكتب تفسير الكلمات وبقيت أكثر من ساعة وعندما أنهيت الرد وأردت نشره قلب اللنت وطفى لأنه على كنتكت وغلّق الشحن مما اتعبني كثيراً حيث انني كنت محرج منك وأحتاج نقل الموضوع إلى صفحات ومن ثم التفسير إذا لم تعفيني لأنني مرهق وإليك قصيدتي الجوابية :

* قال عبدالله بن دهيمش بن عبار العنزي هذه القصيدة مجاراة لقصيدة الشاعر مرشد البذال الرشيدي رحمه وهي على طاروقها:

يـا الـلـه يـا الفـتـاح يـا مرسلٍ نـوح ** نعـوذ بـك من فيح صلـو الضوايح

جاء للبشر نصاح بارشاد وانصوح *** والحـق بـه ترجيح عـن كـل جايـح

نـور اليقـيـن سلاح بالسـر والبـوح *** صرحـت بـه تصريح مابـه مزايـح

مرشد بـدأ في نـاح معنـاه مشـروح *** يتعـب عـلى تـنقـيح لـفـظ القـرايـح

كنـه قـراح انسـاح صافي ونقـروح *** مـا طـبـه المـرزيـح بـالنـبـع فـايـح

مثـل الشذا الفواح بالعطـر منضوح ** ورده عـلى التفـتـيح يبعـث روايـح

ياراكب اللي جاح صحرا الفلا جوح *** لـه بالحصى تـزنيح مشيه جمـايح

ناحـل سوات الحاح ما فيـه لحلـوح *** مفلاح ريـف صبيح بيـن السـوايح

الفجـر مر رماح من فوق سرسوح *** يقطع شعيـب مليح وهـاك البطـايح

يسري وله مصباح بمفـّرع السوح *** عـلى الكويت ايميح والفجـر ضايح

مرشد لـه المرواح والبيت مشتوح *** ملـفـاه عـن تلـفـيح هـوج اللـفـايـح

عرف الفهيم ارباح بالطيب ممدوح *** فـي بيتـه التـرويح فـوق الطـرايـح

يلـقـاك بالأمـزاح والكبـش مـذبـوح *** تـقـلـط عـلى تفـطيح عيـت الذبـايح

قـرم ما هو شحاح لـو كان ملحـوح *** ولا دنـق بـتـدبـيح عـصـر اللتـايـح

بالعـز لبس وشاح له بالعلا اطموح *** من يرغب الترشيح بالردن شـايح

ومن دور الإصلاح ما فات مسموح *** ولا ياجـب التطفيح عـقب الكسايح

أخـذت لـك مسـراح مع كـل مملـوح *** واليـوم تـبي اتريح عـقب النزايـح

اللي ما هو مصلاح ما ياصل الدوح *** يخـاف مـن تشليح غـالي المنايـح

واللي ماهو سباح يزبن على اللوح *** صرح الجبل ما زيح لو جـاه تايـح

من دوّر الأمداح يصعد على صروح *** ولا خـطـات الـتـيـح بـالـدو دايــح

خطو الرجل بجاح لـو كـان مريـوح *** إلـى رقـد تشـطـيـح والحـظ طـايـح

الرس كالضحضاح لو فاض منزوح *** مـا بـه ولـو توذيح جريـه نضايـح

حيث الـردي ذراح عن واجبـه ذوح *** بالوصف مثـل متـيح دايـم أيـذايح

أبـعـد عـن السـواح بالهـرج ذاروح *** عـليـك بالطحـطيح عـنـد النطـايـح

وأن صيّح الصيـاح والـدم مسفـوح *** خصم العـديـم ايصيح دمـه سفايـح

واللي طعن برماح بالجوف منحوح *** جسمه مـن التبـذيح غـادي بـذايـح

والـلي عـلى مـا شـاح قـزاه ذنبـوح *** وأنكف عقب تشريح جلده شرايـح

والعـبـد لـه مطيـاح لا بـد مـطـروح *** ولا بـد مـن تكـثيح رمـل الضـرايح

مـا رده الـنـواح والصـوت مبحـوح *** ولا ينفـعـه تسطيح ثـوبـه سطايـح

بـيـتـه بـلا مسـاح جـاهـز ومفسوح *** مهـد عـلى التمسيح فـوقـه ردايـح

دنياك فيها أتراح والعـاب وادحـوح *** وأحـيـان بـالـتـكبـيح تـأتـي لقـايـح

نـور الأمـل لـو تـاح عـدك ابحبـوح *** يجلي صديـد القيح وقـت السمايـح

الخـوخ والتفـاح عـوده بـه اكـلـوح *** والغـرس بـه تبكيح قـاعـه بكـايـح

مـا يـبـذر الفلاح فـي موقـع المـوح *** مـن زايـد التمليح زرعـه شـفـايـح

ما اخايل الأشباح لي شف واشبوح *** ولا نلـفـظ الـتـقـديـح والسـد بـايـح

والـلي يـدور نـطـاح يأتـيـه نـاطـوح *** ومـن دوّر التنصيح شال السبايـح