بسم الله الرحمن الرحيم

قصيدة الشيخ مشعان الهذال بـ نجد

عندما بلغ الشيخ مشعان بن مغيلث الهذال خبر قول أحد مشايخ حرب من بني السفر (( دون ذكر اسمه ))سوف لن ترى عين الشيخ مشعان نثيلة الوجار اللي يعد فيه القهوة ، يقصد انه استولى على ديار مشعان في نجد ولن يسمح له بمشاهدتها ثانيه فقال الشيخ مشعان هذه القصيدة :



لي ديرة عندي عزيز وطنهـــــــــا= يذكر بها ناس تنابح اكلابـــــــه
والله ما حداني الخوف عنهـــــــــا= لكن بها ذيبٍ نهشني بنابــــــــــه
ياما ارتحل من نجد حي سكنهــــا= هي دارنا من دور عصر الصحابه
لو انتحي عن نجد ماجوز منهــــا= لنا بها من عيال وايل قرابــــــــه
قل للمسولف لاتجفل عدنهـــــــــا=نأتيك في جمعن ثقيل تهابـــــــه
جمع لنا عن كل عايل ظمنهـــــــا= من جالها نقشع مناين اطنابــــه


قصيدة احد موالي ابن هذال (( عبده)) مسعود **


قصيدة مسعود أحد موالي آل هذال يتوجد على رحيل العمارات وبقائه في الرس بالقصيم حيث انه تزوج مرأة من أهل القرى وامتلك الغنم الذي لايستطيع السير في مجارة الابل :


امس العصر عديت في راس ملمـوم= رجم طويل بشامخ الحيد زامـــــــــي
رجم طويل ولا يوكر بـه البـــــــــوم= كود العقاب الصيرمـي والقطامـــــي
قلبي عليل وصايبه غم واهمـــــــوم= وعزي لحال اللي طواه الهيامــــــي
غديت مثل اللي على الوجه ملطــوم= بالليل أساهر نايحات الحمامـــــــــي
من طاوع الثنتين يصبر على اللــوم= يصبر على فرقى الاهل والعمامــــي
ابكي هلي يا نـاس مانيـب بميلـــــوم= واظن من يبكي هلـه مـا يلامــــــــي
عفت الرقاد وحاربت عيني النـــــوم= وأبديت ماكنيت ماني بكامـــــــــــــي
ما هو على غرو من الدق ماشــــوم= على الشيوخ متيهين الجهامـــــــــي
أقفوا وخلوني على الدار مرســـــوم= مثل السجين اللي بحبس الظلامــــي
على ركايا الرس جلست ملـــــــزوم=عليه من ورد البوادي اركامـــــــــي
علمي بهم هفوا مع الواد ابـــو دوم=مستجنبيـن مطيـرات العسـامــــــــي
علمي بهم بقصير هلت التــــــــــوم= تغاروا المعبار والشط زامــــــــــــي
أقفوا كما طير قلب راسه الحــــــوم= بهيفية ما يندري وين حامـــــــــــي
أدنا منازلهم شثاثا ولملــــــــــــــوم= وأقصى منازلهم بوادي النعامـــــــي
هذى مرابـط خيلهـم دايـم الـــــــدوم= حقب العيون مروبعـات الهوامــــــي
وهذا مشب النار والحفر مثلـــــــوم= ومركى الدلال المتعبات الشوامــــي
وادي الرمه غدابه العشب كيــهــوم= ترعى به القطعان والرمي حامــــي
دار لكم فيها علامات وارســـــــــوم= يا شيخ عليكم طوانا الهيامــــــــــي
يا ركب يا مرتحلين على كــــــــــوم= ياللي بكم عيرات الانضى اهمامـــي
ودوا سلامي عد ما فات من يـــــوم= بكتاب مني للوجيه الكرامـــــــــــــي
الى لفيتوا ديرة اصحاب من قـــــوم=أحكوا ترى حمض الرجال العلامــي
تلفون عمي للمناعير زيـــــــــــزوم= مشعان ستر معورجات الوشامـــــي
ياعم يا مدب هل الكبر والـــــــــزوم= ياشيخ ياشيخ السلف والجهامـــــي
تتليك بالممشى جهامة وداهــــــــوم= نمورا تشادي للجراد التهامــــــــــــي
الى صاح الصياح من اعداه مضيوم= تردون حياض الموت ورد الظوامي
كيف الظعون بداركم كنها اغيــــــوم= وانتم تروون النمش بالزحامــــــــي
مسعود ينخاكم من الغبن مضيـــــوم= ومثلك لعين اللي شكاله يحامــــــــي




ويوم وصلت القصيدة لمشعان لام على مسعود قوله أقفوا كما طير قلب راسه الحوم ، وقال مشعان أن الطير لايعرف الجهة المعلومة بينما نحن جهامة نسير على اتجاه معلوم ...



اتمنى ان تنال اعجابكم

دمتم بخير وصحه وسلامه

اخوكم: ابو فواز الوايلي