.
هوى البحرين






الشاعر ناجي الصقار

.

صح لسانك يالشاعر ناجي الصقار لقد تغنيت بالبحرين وأجدت ولكن الديار زينتها أهلها حبذا لو عرّجت على أهل البحرين وذكرت مناقب حكامها لأنهم يستحقون الثناء ولذا بقي عليك أن تضيف أبيات في أهل البحرين ليكون للقصيدة صدى أكثر وتعطي أنطباع حسن وكان لي قصيده في الأردن منها قولي :

زرت البلاد اللي لها القلب شفقـان *** أحـبـهـا وأرغـب تـقـالـيـد أهـلـهـا
احـبـهـا مـن حـد أربـد إلـى مـعـان *** ودي بشـوف جبالهـا مع سهـلـهـا
أشتـاق لـلـزرقـاء وأفـرح بـعـمـان *** وترتاح عـيني يـوم تـنظـر جبلهـا
أحـبـهـا والـلـه مـن بــد الأوطـــان *** حـبـيـتهـا مـن شـان حـي نـزلـهــا
دارٍ بـهـا نـفـنـوف ريـح وريـحــان *** ريعـانهـا يـا زيـن شـمـت نـفـلـهـا
تزيل عن قـلبي هواجيس الأحـزان *** وتجلي عن النفس الشقيه زعلها
ودي أزور بـلادهــا كــل الأحـيــان *** مـن زارهـا نفسـه تريّض عجلهـا
دار الزعيم الهاشمي نسـل عدنـان *** سبط الرسول اللي الأمانة حملهـا
هو راس فهرهو فخر قيس عيلان *** ولـه منزلـه بالمجـد محـدٍ وصلهـا
هل الفخر من دور هاشم لهم شان *** الـهـاشـمـي كـل المفـاخـر كـفـلهـا
الهاشمي مشهور فعـلـه بالإحسان *** اللي حمى أمجـاد الجدود وحفلهـا
مـن صلب حيدر مابهم قول بهتان *** نجـل الـبـتـول معـربـه مـن بعـلهـا
نـوادر الـتـاريـخ بـالمجـد عـنـوان *** وأفعـالهـم بالطيب ما أحـدٍ جهـلهـا
مدحي صحيح ولـه دلايل وبرهـان *** مـن نظـم ابـن عـبـار فكـره بذلهـا
من فـن بدعي سجـل الفكـر قيفـان *** نـاخـذ جـدايـدهـا ونـتـرك سملـهـا
مـني تحـيـة وانشـروهـا بشـيحـان *** فيـض المشاعـر مـا نـدّور بـدلهـا
وبذلك فقد لمحت عن الديرة وأهلها وقد رد الشاعر محمد فناطل الحجايا بقصيدة ضمنتها ديواني وعلى كل حال فقد اتحفتنا بهذه القصيدة الجزلة من رجل جزل وكلامي مجرد ملاحظة وليس انتقاد شكراً لك

.

شاعرنا الكبير عبدالله بن عبار
أولا أنت راعي الأوله كونك تغنيت بالأردن بهذه التحفة الرائعه
وحبذا لو ضمنتها رد الشاعر الكبير محمد فناطل الحجايا
ولا اقدر أقول غير صح السانك حتى ترضى
انت مدرسة ونحن نتعلم منك
وقد كان لي قصيدة شبيهة ل عمان أقول فيها

يا طير صُوب دْيارنا يحلالها ........
........... أُمِّ الْهَدَبْ تتْمايل بْخلْخالها

أهْلاً هَلابَكْ يا مراحبْ يا هَلا ........
......... مَيِّل جَنوب الدّار يمّ شْمالها

سلِّمْ على ذيكَ الدِّيار الْعاليه ........
.. ونْ غاب نجْم سْهيل شوف هْلالها

وروي لها قِصِّة غرامي الّي بَدا .....
.......... ريحٍ يذرّي بُنِّ هيل دْلالـها

وسري بجَنح الليل مع ضوّ القمر ....
....... ون ضاقت الدِّنيا عَليك الجالها

وحْني لها راسكْ ودنِّقْ وإنحَني .......
...... منْ بعْد ربّي ما انْحنيت إلْلا لها

دار الْوفا الّي نارها ما تنْطَفى ......
......... والدّيره الّي تفْتخر برْجالـها

يالوعِة الْقَلْب أنْهَج وطول الْمَدى .....
........... مِشْتاق اجا عمَّان يتْمنَّالها

يغْزلْ لها الثّوب المْطرَّز بالْقَصَب .....
........ وردن على نبْع اعْتلا شللا لها

عاشقْ ظناه الشّوق يا ديرةْ هَلي ......
.......... يارد على عمّان يتْغنّى لـها

ياقفْ على سْفوح التِّلال الْعامره ......
.......... ويجنِّب الْغُرْبهْ ولا يسْعالـها

ينشدْ سما عمّان عنْ ريم الْفَلا .......
........ شمس الظَّحىْ لالتْ ويا نيّالها

يا عَلّ ما عَلّيت لا يوم انْقَظى ........
....... ما ابْعِدْ عن الدّيرهْ ولا اتْعدّالها

ونْ داعبتْها ريح عقَّبها النَّدى ........
......... لَكْتُبْ حُروف الظَّاد واتْهجَّالها

منّ الألفْ للْياء يا دار الْكَرَم .........
....... ما تنْتَظمْ قيفان شِعْري إلْلا لها

وَجْدي على عمَّان والشّوق أعْتلا ....
......... فوق السَّما الْعالي ويتْعَلْلالها

صُبْح ومسى علّ وعسى ما تنَّسى ...
........ ونْ هدَّت حْمالي بشيل حْمالها

تبْقى لَنا شامهْ عَلى خدِّ الْوَطَن .......
........ هالةْ سَواد الْعين هو مِنْزالـها

دارٍ عَلَتْ يومٍ تِعلَّتْ وعْتَلَت ...........
.......... فوق التِّلال الّي تِمتِّن جالـها

لافْخَرْ وافاخرْ وافْتخرْ كلِّي فَخَر........
............. أنِّ الهَواشِم يعْتلون جْبالها

ونْ ظاقت الشِّدَّاتْ من بَعْد الْفَرَج .......
............... نذْرٍ عَلينا كلِّنا فِدْوى لها

.

وشهادتك على نصي وسام على صدري
صح الله بدنك ولا هنت يالغالي



.

مع التحية والأجلال هذه قصيدة الزميل الشاعر محمد بن فناطل الحجايا من أهالي سد السلطاني في منطقة معان رده على قصيدتي السابقه :
حيــيـت يامـن كاتـب زيـن الألحـان *** تجلي عن النفس السقيمة اعللها
نظم أبـو مشعـل يـا بعـد كـل فـنـان *** كـاتـب معاني مثـل صافي عسلهـا
الـوايـلـي يـوزن أقـوالـه بـمـيـزان *** عقـداً من الجوهـر سبايك اجملهـا
عـزيـز نـفـس ولا تـقـّـول ابـهـتـان *** بابيـات شعـر معـذيـه عـن زلـلهـا
مـن لابـة لا شبت الحـرب شجعـان *** كسرى شكى يـوم الملاقى ثـقـلهـا
جـاروا عليـه وعززوا بنت نعمـان *** وذيقـار تخبـر من نشدها وسألهـا
ربع لهـم في هامة المجـد مسكـان *** عـلى سـنـام المـجـد بـنـّوا فـلـلـهـا
هـذا لأبـو مشعـل تشكـر وعـرفـان *** مـن خافقي صدق العواطف نقلهـا
عـواطفي مـا قـلتها مـرتجي شـان *** ولالـي مقاصـد طـامـع فـي مثـلهـا
بالـلي عطـاني خالق الخلق قنعـان *** ونفسي حطام الفانيـه مـا شغـلهـا
الشكـر لك يا نسل عطبين الأيمـان *** حيثـك مدحـت الـلي للأردن أملهـا
مدحت من هـو نال بالمجـد تيجـان *** وذكـرت داره بالـمـكـارم وأهـلـهـا
مدحت صقر قريش ماكنت غلطان *** الهـاشمي روس المعـالـي دهـلهـا
جــده مـحـمـد خـاتـم كــل الأديـــان *** ورسالـتـه فـي عـون ربـه كملهـا
أسمـه مـع أسـم الله يسمع بـالآذان *** وسلالتـه أشـرف سلالـه جعـلـهـا
وريـّث مجـدٍ راسـخ فـوق سيسـان *** ليث العـرب روس الأعادي ركلها
حـر الحرار اللي جمع كـل الأخوان *** وكـل المشاكل ساعـي فـي حللهـا
عـزز وطـنـا عـن طمـع كـل فـّـتـان *** والـدار مـن بحـر المـذلـة نشـلهـا
الهـاشـمي يحـلـم عـلى كـل إنسـان *** وأبـنـاء شعـبـه بالمكـارم شمـلهـا
حكيـم وفـي حـل الصعيبات فهمـان *** وكـل العلـوم بصغـر سنـه نهـلهـا
وأزال نزعـات التخلـف والأضغـان *** وجـروح ما قـد فـات حلمه دملهـا
يشهد عـلى ما اقول حضرٍ وبدوان *** من يمدحه صدق الحقايق صقلها
الهاشمي حـر شهـل فـوق عقـبـان *** والطلع ما هو مثـل شامخ نخـلهـا
ومني تحيـه لأبـو مشعـل بشيحـان *** مثـل الشهد جانيـه طايـف نحلـهـا
والحـمـد لـلـه كـلـنـا ربـع وأعـوان *** والطـيـبـة نـفـخـر بـرجـلٍ فـعـلهـا
وأبـواب الأردن فاتحة كل الأحيـان *** بـوجـه الصديق مرحبـه لا دخلهـا
وأرجـوك تـكـرار الـزيـارة لعـمّـان *** بمـجـالسـك عـن هـم الأيـام نـلـهـا
يا اللي حديثـك ريح عطرٍ وريحـان *** ومسك تخـالـط مـع روايح نفـلهـا
في ديـرة حـزمه مـن الغيث رويان *** سـجـادةٍ خـضـرا مـلاوي رجـلـهـا
نـوارهـا يقـطع ظـمـأ كـل عطشـان *** رويـانـه وغـيـث البـداري هطلهـا
الله سقاهـا مـن غـزيـرات الأمـزان *** ولبست بعون الباري أبهـا حللهـا
والمعذره هاضت خفيات الأشجـان *** والقـافـيـة عـالـفـكـر ركـز هلـلهـا
عـواطـف جتـني وأنـا كنـت بلشـان *** مـا هـو تفنـن مـار ربـك عـقـلهـا
وصلاة ربي عـدد عيدان الأغصـان *** وأعداد ما لعب الهوى في قذلهـا
وأعداد ما يمشي على القاع ركبان *** عـلى رسـول خـيـر سنـة عـملهـا
* وهذه الأبيات من شعر الشاعر محمد بن فناطل الحجايا منقوشه على صحن نحاس يسندها لعبدالله بن دهيمش بن عبار:
هـذي تحـيـات الـوفـاء لأبـن عبـار *** كتبتهـا وأبـو عـبـدالـلـه حـفـرهـا
كـتـبـتـهـا يـا مـاكـر الـجـود تـذكـار *** يـبـقى عـلى مـر الليالـي خـبـرهـا
يا أبن الكرام اللي على مـر الأدوار *** نالوا وسامات الشرف مع فخرها
يشهد لكم يا طيّـب الساس ذي قـار *** ومفاخـرٍ غيـره كريمـه اصورهـا
واليـوم في ظـل الفهـد حامي الـدار *** سادت بـني وايـل وربـك نصرهـا
* قال عبدالله بن دهيمش بن عبار رداً على الشاعر محمد فناطل الحجايا :
يـا مـرحـبـا بالـلي لـنـا اليـوم زوّار *** عـد المـزون الـلي تهاشل مطرها
يـا مـرحبـا تـسعـيـن مـره وتـكـرار *** واعـداد ما مـوتـرك لفـت كفـرهـا
يا أبن فناطـل سامك العـرش ستـار *** عسى الليالي مـا ينوشك ضررها
لو أعتذر يا القـرم ما تفيد الأعـذار *** نصبر عسى الأيام يمضي كدرهـا
ترى زميلك يا أبـن الأجـواد محتـار *** ما سانعت دنيـاه لـه لـو عسرهـا

.

شاعرنا الكبير عبدالله بن عبار
قصيدتك ورد الشاعر الكبير محمد فناطل الحجايا تحفة وتستحق النقش بماء الذهب
صح الله السانك والسان الشاعر محمد فناطل الحجايا مليار وتكرار
ولا هنتم يا عمالقة الشعر
دمتم ودام هذا الألق


.