أسمع ولا تدقق تراها عوافي - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

05-25-2013, 11:17 AM


	أسمع و لا تدقق تراها عوافي ........... كل شي يهون و كلنا عارفينه لصديقنا باألحق دايم نكافي ............ و خوينا في حاجته خادمينه و ألشيخ لو أنه منتف و حافي ........... على حاجات ألربع ربه يعينه يمشي ومعه من ألربوع ألخفافي .......... وعلى ألفعل له يشهد مرافقينه جده من أول مشغلٍ للمطافي .......... شري و دايم ما يحب ألسكينه و أبوه مثل أبوه مكرم و وافي............ راحت بعارينه و هار ألخزينه وأن زعل قال ألوقت هذا يعافي.......... با ألغصب و الله حقكم محتمينه ما يحصل بها الوقت شيٍ خرافي......... لكن ألي مثلي ما تقصر يمينه للملك رحت و صار معيه سنافي......... يقول أبوك و جدكم عارفينه و للشيخ ألي مثلك لزومٍ نكافي.......... يعيش كريم و لا يحس بغبينه و أهديت أنا له ميه من ألخرافي ............ وألفقع ألي معي ألربع مرسلينه وشكيت له ما صابنا من ألجفافي ........... و قال أبشروا لكم أمرت بمكينه لكن حرمنا وحضنا صار هافي ........... مـشروعنا لجـيراننا محـولينه ألله يا وقت ألسيوف ألراهافي.............. كان أمسكه و أقطع بهذي وتينه يقول أنتم لكم مشروع أضافي............... جاهز و حتى مبلغه راصدينه قلت أسمع علمي لاتصير أنحرافي........... مهو أنا ألي كل ساعه مصرفينه أنا تعرفني شيخ كامل و وافي............. ماني و كرين توكم قانصينه قال أعرفك أن قلت للقول تافي.............. والاً ألي غيرك لاحكى حاقرينه أبشر و لا تزعل و خلك سنافي.............. أنت من رجالٍ يقودون ألسفينه أبوك و جدك خابره ما يخافي ............. و الاً أنت فعلك كلنا خابرينه وبان الأمر ماعاد به شي خافي .......... في ما أمر لك سيدي منفذينه